غلا بنت خالد @ghla_bnt_khald

محررة ذهبية

!!!!..أنا والامتحـانات ومدرســه أخــوي ..!!!!

السلام عليكم ورحمة الله وبركاته ..

وش اســمه ..
>>تقول شكلهم يبون ينقلونه للمكرر ..:hahaha:

هماني انا ..الله يجيركم عصبيه ..وعصلا ..:angry2:

اذا جت الامتحانات اصير متوتره مااره ..
ليش..!!مسويه نفسي ممتازه ..,ابغى خواني وخواتي يصيرون مثلي..
طبعا لاعبه عليهم ..هماهم ماقد شافوا شهادتي ..اخذ راحتي ..:biggrin:

المهم عندي اخوي بالمتوسط ..
وهو اللي انا متوليته بالامتحانات...اما حقين الابتدائي مع امي عسى مايخليني من قلبها بعد عمري ..
ليش انا ..لانه هو يقول ماافهم الا مع غلا عصبيه تخليني افهم غصب..:unsure:

واخوي هذا الله يصلحه ويهديه ..يعصب فيني ..
ياربي احيانا اقعد اتنافض من العصبيه..وخوفي كله هكم الكيلو جمعته بهالفتره تروح ..:rolleyes:

اخوي بمدرسه اهليه ..تعرفون وش معنى اهليه ..يعني فيه تخطيط ..
فيه تحديد ..مو كل شئ يدخل الامتحان ..
وانا من عرفت اخوي ماقد جاب لي تحديد للمواد ..نتعب بالمذاكره تعب خاصه بالرياضيات والعلوم ..
الكتب دش بدش ..
والله نذاكر ..واحط له اسئله ويحلها ..نجي من بكره نراجع نسى ..
بعذره ماالومه ..معلومات كثيره مااااااااره والمسائل متعدده ..
اختي اللي بالحكومي تخطط ويحددون ..ويراجعون ..اما اخوي لا..
انا ماادري ..بس الظاهر انه اخوي مفهي علي ..ولا يدري وش الطبخه ..
ودايم اقول لابوي ..دق على المدرسه والا دق على صاحب المدارس..
>>بما انه قريب لنا ..وبيننا وبينه مصالح ..:S_45:
وابوي لا مايحتاج ..يابنت الحلال..يبي ينجح ان شاء الله ..
وانا اللي يبي يطق فيني عرق ..
وكل سنه على هالمنوال ..
طبعا ابوي ياحياتي قد راح لمجلس الاباء ..وتهاوش مع مدرس الرياضيات ..
وسوا هوشه ..وشالوا المدرس لمرحله ثانيه ..>> قايله لكم واسطه ..
وبعده قال ابوي ماعاد اكلم ولا اروح ..وش ذا اخاف استأثم بالعالم

المهم ويجي اليوم ..وانا اللي مبيته النيه ادق ..
واصحى الصبح بدري ..وادق ..على المرشد الطلابي..

المرشد : الو ..
غلا : السلام عليكم ..
المرشد : وعليكم السلام ..
غلا ( بدت تمسكها نفاضه صارت خرطي ..) : لو سمحت هذا القسم المتوسط ..:icon32:
المرشد : ايوا ..
غلا : وش اسمه ..ابغى استاذ الرياضيات ..الظاهر اسمه عمر ..
المرشد : لحزه بس اشوفه ليكي .. حضرتك مين .؟؟

غلا : وش دخلك فيني ..؟>>اسلوب مامثله :icon10:
المرشد : عشان ادي له خبر ..ويكون عنده علم ..
غلا : لا مالك شغل ناده وبس ..
المرشد : معليش انا مااقصد اسمك ..ااقصد اسم ابنك ..>>الله مير يسعده صار ولدي هالكبر.. : )
غلا: مايحتاج انا مانيب سالته عن ابني ..انا بسأله عن تحديد المنهج ..
المرشد : طب لحزه ..وشوي يجي ويقول ..عنده حصه ..
قلت: طيب سلطان ..استاذ الدين >>قسمن قسم اني حسيت اني مااستحي ..
قال : سلطان كمان عنده حصه ..

غلا : طيب انت ماعندك علم بتحديد المنهج ..
المرشد : لا والله ..بس انا سمعت المدير بيقول مافيش تحديد ممنوع ..
غلا : لا ماهوب صدق لاني انا ادرس بقسم البنات ويقولون طالباتي الا فيه ياابله تخطيط بحق الاولاد ..
المهم جبت العيد بالكلام ..ومسرعه ..
المرشد: طب بالراحه ..والله مش عارف حاجه ..وانا ماليش دخل ..انا مرشد بس..
غلا: طيب حولني على المدير..

ننتقل للمشهد الثاني ..

غلا والمدير..

غلا : الو مدير المتوسطه ..
المدير: نعم ..
غلا تورطت .. : ابسالك هو فيه تحديد للمناهج ..
المدير : لا احنا جاينا تعميم بالمنع ..
غلا: طيب معليش استحملي ..انا ادرس بقسم البنات ..والبنات يقولون اخوانهم يخططون ..
>>تراني جبت العيد بجمله ومانيب فاضحه روحي هنا ..كرهت روحي فيها .وهاوشني هواش مامثله . : (

المدير: هذا وانتي مدرسه معتمده على وكاله يقولون ..اذا شفتي والا لاتصدقين ..
غلا: طيب وشلون اشوف ..بناتي مايكذبون علي ..
المدير: انا اقولك مافيه ممنوع ..
غلا : طيب دامه ممنوع ليش بعض المدرسين يحددون المواد مثل التاريخ والجغرافيا ..
وبعضهم لا ..وتقولون ممنوع ..يااخي انتم مخالفين مخالفين كملوا بالمواد اللي يبي لها تحديد ..
المدير: هاه ...ايه هذا تعاون من المدرسه ..وبعدين المفروض انتي تحرصين على ولدك انه مايعتمد على التحديد ..وانه يفهم ويذاكر ..>>وقال كلام مثالي بعيد عن الواقعيه ..يحكي عن احلام ..

غلا : معليش يااستاذ ..لو شرحكم زين كان قلنا طيب ..
المدير : عصب علي ولو حصله فصل اخوي ..قال : انا عندي ولي امر طالب ومشغول ..
قلت : المهم الرفض مو من عندك ..يعني لو ابناقش الاستاذ وقال المدير مانعه ..ابقول لا ..
المدير : ايه مامنعته ..بس كل الاساتذه محددين ..وخاصه الدين لان الكلمات طويله ..
غلا : عاد استاذ الدين ماحدد ..ولا شئ..
المدير : ابشوف ان شاء الله ..
غلا: طيب بالله فيه استاذ يقول للطلاب الامتحان من ا لدفتر ..انتم شايفين الدفتر يستاهل يكون مرجع ..
المدير: اكيد الدفتر فيه ماده علميه ..
غلا : والله مااظن وانا شفت الدفتر ...
المدير: من الاستاذ قولي..
غلا : مانيب قايله لين أتاكد من الاستاذ انه المرجع الدفتر ..
المهم قولي ومانيب قايله ..
قال عندك الرياضيات >>وانا كنت اقصده ..
فيه فصل وفيه واجب ..
وفيه ماده علميه ..وفيه وفيه ..
قلت هل يستاهل يكون مرجع في الامتحان ..
نضيع في الدفتر ..>>معلومه انا ضد التحديد اذا فيه تشتيت للطالب..
على العكس انا احب الماده العلميه متكامله ..بس دام فيه تحديد ..المفروض التحديد يكون متكامل ..
قال انا مشغول اللحين خلاص ..
قلت طيب مع السلامه ..

وشوي يجي اخوي ...
قلت حددتوا اليوم شئ..
قال ايه حددنا الدين ..
قلت والرياضيات : قال من الدفتر ..قلت الدفتر وش فيه نذاكره؟؟ ..
قال : فيه مراجعه ومسائل...
قلت وراك ماقلت لي..؟؟
قال نسيت ..
ياربي : (
طبعا بكره ان شاء الله ابدق اعتذر..واصحح المعلومات ..واتاسف..

بس بالله هل انا غلطت ..
بتقول ليش تستعجلين ..
لانه من بكره اابلش اذاكر الرياضيات >>معزومه الخميس من الظهر لين الليل..وماتبي الوقت يضيع ..:2thmup:
وخوي خلاص يبي يغيب يذاكر ..
وانا وحده حاااااااااااااااره وعجله ..
والله اني ماش ضميري يأنبني ..

هل اللي سويته غلط ..!!
بس بالراحه عليا احسن انا حساسه :biggrin:

وبس..

ملاحظه :
رجاء اللي مافهموا السالفه ..او شافوا انها طويله ..ومالهم خلق يقرون ..
بليز لا يردون ..ياأما تردون وانتم فاهمين ..او بلاش نرد ونعرض نفسنا للعتب واللوم ..وانا مو مستعجله على الحكم ..

يلزم عليك تسجيل الدخول أولًا لكتابة تعليق.

تسجيل دخول

**أم رناده** • 15 سنة

مافهمت حاجة من الي قلتيه للمدير ولاودي اقرى من جديد

غلا بنت خالد • 15 سنة

**أم رناده** :

مافهمت حاجة من الي قلتيه للمدير ولاودي اقرى من جديد

مافهمت حاجة من الي قلتيه للمدير ولاودي اقرى من جديد

هو انتي عاوزه تجيك صوله من الصولات اللي جت للمدير والمرشد ..
:biggrin:

وشوله جايه اجل هاه ..!!
:angry2:

دايم ادخل مواضيع ولا افهم وش اللي مكتوب ..ولا أرد ..
اخلي اللي يفهمون السالفه يردون ..:unsure:
ام رناده ..
بلاش اشوفك ناطه هنا تاني ..:icon31:

بصمةخير و همسةحنان • 15 سنة

هههههههههه
والله ما أنت بهينة كل هالإستلامات مع المدير وتقولين ماسكتك النفاضه <<<علينا ياغلو :)
اسم الله عليك الله لايضرك

خلاص اللي صار صار وهذا كله من زود حرصك <<<< مدري حرص على اخوك وإلا على عزيمة الخميس:laugh2:
المهم انت بكره دقي واعتذري واستلمي اخوك
والله يوفقكم يارب

إلا نفسي اعرف حاجه

وش صار يابنت في هالمقطع:D

غلا بنت خالد • 15 سنة

بصوووم ..

قسمن اني كنت اتنافض..
بس بعدين حسيت اني بحواء..بالمجلس العام ..وركبني الدور ..وقمت اتهاوش ..:rolleyes:
ونسيت النافضه ..:icon32:

والله اني حريصه على اخوي ..
والا عزيمه الخميس ..ماادري عنها لين اللحين ..
ماادري هل بتسافر ولا ماراح اشوفها ..والا بتقعد واعزم روحي عندها ..
>>مااحد سالمن منها ..:S_45:

وش صار يابنت في هالمقطع
المقطع هذا ..
وش اقول ..حتى ماقلته لاهلي ..:unsure:
خفت يحرموني من النت ..
يااختي هالنت عبأ راسي من كل شئ..
وصرت امشي واتكلم من الكلام اللي أقراه ..
وقلت كلمتن ابندم عليها طول عمري ..
مااقدر اقولها هنا ..همن العضوات يكرهني ..
ويقولون كذا عقليه هالبنت ..تاااافه ..:biggrin:
>>وانتي مايرضيك ..وانا مرت ولد ديرتكم :icon31:
اقوله لألق ..وألق تقوله للوتين ..والوتين تقوله لك ..
>>مسويه تشويق ومشوار:biggrin:

SOSO الحلا كلة • 15 سنة

والله يوفقكم يارب