أنا والدورة وتحليل الدم ... إدخلوا يا بنات ..

كيفكم يا أحلى مدامات في الدنيا؟؟

اللهم لك الحمد على كل حال
يا بنات تعالوا شوية الله يخليكم
إيه اللي بيحصل في بالضبط؟؟؟؟؟
الله أعلى وأعلم

بصوا هحكي لكم الحكاية من طأطأ لسلام عليكم..

قبل زواجي كانت دورتي بتتلخبط عند الاضطرابات.. يعني سفر أو عريس متقدم أو نحو ذلك
يعني أي حاجة تقلق إمتحانات مثلا .. مشكلة .. تقوم الدورة تتأخر
بس تأخرها لا يزيد .. أحيانا تتأخر أسبوع .. ممكن تفوت معاد (ده أقصى حاجة)
بس أنا ماكنش فارق معايا .. براجتها عاوزة تيجي تيجي .. مش عاوزة أراحت واستراحت..
وفي فترات الإستقرار بتبقى مضبوطة كل 37 يوم .. بالدقيقة
لو بالليل تيجي بالليل .. لو الصبح تيجي الصبح ..
يعني مضبوطة تمام..
قبل زواجي قعدت تقريبا 7 شهور مضبوطة ..يعني فترة الخطوبة وكتب الكتاب
وبعدين أنا متزوجة من 10 شهور .. وفضلت 7 شهور مضبوطة .. أقصى حاجة تتأخر علي يوم .. يوم ونص..
ومسألة الحمل كنت أتعامل معها بهدوء.. طبعا نفسي نفسي في الذرية الطيبة .. بس عايشة حياتي مش بعيط زي بعض المتزوجات .. أو أتضايق جدا.. لا عادي
من شهرين اتأخرت علي 5 أيام.. وبعدين جاءت .. وكانت ضعيفة..
وفي الشهر الذي يليه جاءت قبل ميعادها .. يعني جاءت بعد شهر بالضبط 30 يوم .. زي معظم النساء..
أما هذا الشهر:23:
هذا الشهر:23:

أخر ميعاد لها كان 25 رمضان .. والنهاردة 11 ذو القعدة
على حساب 37 تبقى متأخرة 9 أيام
وعلى حساب 30 يوم يبقوا 15 يوم

رحت عملت تحليل دم امبارح.. دممممممممممممممم .. يعني التحليل الأكيد الأكييييييد
طلعت النتيجة
(نيجاتيف) :44:
الحمد لله على كل حال
والدورة لم تأتي بعد..
ومش حاسة بأعراض الحمل .. عادية تماما
ولا بأعراض الدورة
ما عدا أن حلمتا الثدي بارزتان بشكل وااااضح ولون الحلمة أصبح أغمق .. والحلمة نفسها يعني اللي بيرضع منها الطفل عليها نقاط بيضاء ‍‍‍!!!!!!!!
استر يا ستير
دماغي هتفرقع يا بنات
المشكلة زوجي كان اتعشم قوي الشهر ده .. وحاسة انه مصدوم شوية..
وأبويا وأمي .. عمالين يقولوا لي هو حمل .. إلا حمل ‍‍‍
يا جماعة الخير تحليل الدم أكيد
يقولوا لي بلا تحليل دم بلا خرابيط:55:
قمت انا امبارح بعد نتيجة التحليل قمت بعمل تمرينات رياضية لتنزيل الدورة .. يعني تمرينات جامدة ..
اه نسيت حاجة مهمة
طلع لي (دمل) صغير فوق منطقة العانة لا رأس له .. وأنا بقول يمكن يكون دم الدورة المنحبس:21:
وحاسة باحتقان في الفخذين أقول يمكن دم الدورة المنحبس :42:

ايش رأيكم؟؟
حاسة ان دماغي خلاص هيفرقع