أنا والعذاب وشعري وشعر بنتي

صباح الخير يا جميلات وأروع جميلات في أجمل وأروع منتدى:26:
عايزة اخد رأيكم ومشورتكم بس على أساس التجربة يعني اللي تدخل تكتب تجربتها مع وصفة تفيدني أنا وبنتي:26:
المشكلة معاي بدأت من 10 سنين لما جيت أدخل الجامعة كان شعري طويل وكنت بعتني بيه بس انا شعري خفيف
لما جيت أخل الجامعة قصيته كاريه وبعدين من ساعتها بيطول بطيييييييييييييييييييييييئ جدا وبضطر كل ما يطول حبه أروح الكوافير أقصه عشان يرجع يتقل تاني بس شعري بقى خفيف من قدام يعني عشان محجبة بدأ الشعر يهبط من قدام وكمان انا على طول عاملاه ديل حصان للخلف يعني مفيش قصة وانا مقدرش أقصها عشان شعري مموج وبيكش يعني لو هوا طويل بعد ما اتحمم بلاقيه بعد نص ساعة في خبر كان هاش وكش وبقى قصير.
وأنا كنت متعودة الفه طاقيه لو انتم تعرفوها بنعملها هنا في مصر على طول وكانت جميلة جدا ومساعدة شعري يتفرد ويفضل محتفظ بحيويته
بس المشكلة اني بروح شغل وبرجع الساعة خمسة وببقى مضطرة استحمى كل يوم عشان العرق

أرجوكن ساعدوني عشان شعري بقى شكله وحش جدا وخفيييييييييييييييييييييف خالص وعلى طول بيكش انا نفسي يطول ويتقل ويبقى حلو وباين فيه صحة .
أما بالنسبة لبنتي ملك فهي عندها سنتين ونص وشعرها خفيف أوي وقصير زي الولد وانا عاوزة اهتم بيه من دلوقتي كل اللي يشوفها من غير حلق أو يفتكرها ولد أرجوكم اللي تدخل تحط خبرتها عن تجربة وربنا يخليكم
وآسفة على الإطالة:(