مشكورة ياحبيبتي يا رها يا عسل

وهذا من عطاه الحق إنه يصارخ وينافت عليكم... هو موظف حاله حالكم بس إسمه مدير...بس شكله فيه نقص ...مسكيين...

أما إذا كان هو راعي الحلال فهذا شي ثاني...

والواحد يمكن يصبر على الظلم إذا كان محتاج وما فيه خيار ثاني.. والناس أطباع... شكلج يا إختي وايد حياويه ومالج حس...بس مافي ولا واحد في مكتبكم يوقفه عند حده؟؟!! إحنا في أي زمن عايشييييين...

الله يساعد قلبج يا إختي...

السلام عليكم ورحمة الله وبركاته ،،،
أختي خوخة 7 أول شي أحب إني أشكرج على تعاطفج معاي وعلى قرايتج لموضوعي .
ثانيا : مديري هذا يحب إنه يفرض سيطرته على الجميع ويفرض رايه بعد ، واتصدقين إني كلما حاولت أكلمه لساني ينربط !!!!!!!!!!!
ما أدري ليش هالحالة إتيني ؟
والله العظيم إني من يومين كنت يالسة أطبع وأسوي ملف حق كل موظف ، يعني تقرير شامل عنه من أول السنة من غير الإحصائيات والمذكرات ومتابعة أمور المكتب كلها ، وقف المدير عند الباب وقال لي إنتي مهملة وشغلج مب زين واتحبين اليلسة بدون شغل .
قلت له أنا أشتغل وتعبانة وايد ، وعقب هذا الشي كله إتقول لي إني ما أشتغل !!!
تغير لونه شوي وغير الموضوع ، فعرفت إني لو عطيته في ويهه وهزأته شوي بيرتدع ، لكني ما أبغي أشتغل في هذا القسم خلاص تعبت ومب قادرة أتحمل أكثر .

صباح الخير يا دلوعة الإمارات...

عزيزتي, تبين نصيحتي؟؟ واجهي الموقف اللي إنتي فيه..الحل مو إنج تهربين...يمكن في أي مكان تلجئين له بالمجتمع تصادفين بني آدم مثل المخلوق اللي إنتي متضايقة من تصرفاته وياج.

باين من الكلام اللي كتبتيه من قبل إنج وحده دارسة و فاهمة... خلي ثقتج و شخصيتج أقوى من جذيه..( لا تزعلين من كلامي و أرجو إنج تتقبلين نصيحت إختج)

الوحده ما تكون قليلة أدب و لسانهه طويل علشان الناس تتحاشى تضايقهه.. الوحده بعزة نفسها و كبريائها تخلي الناس تتحاشى تضايقهه.. الله خلقك و كرمك... لا تخلين واحد مثل هذا الشخص و غيرة يضايقك ويحطم في روحج و معنوياتج...

إنتي وحدة ذكية... لا تصورين هالشخص بأكبر من حجمه.. واجهي الموقف...والله يوفقج...

إختج

خوخه7 :26:

السلام عليكم ورحمة الله وبركاته ،،،

أختي خوخة 7 إسمج بصراحة Cute وحلو بس ليش خوخة 7 ؟
بالعكس أختي أنا مب متضايقة من كلامج ، هذا الشي يفرحني ويخليني أعرف إن في ناس إتحبني وتبغي مصلحتي وإنتي منهم طبعا .
شوفي أختي خوخة 7 أنا حاليا أدور وظيفة ثانية وإن شاءالله تعالى أحصلها .
وبالنسبة لمديري هذا إتصدقين إن كل الموظفين متضايقين منه ويدعون عليه ( والله إني ما أكذب عليج ) يدعون عليه من القهر إللي هم فيه .
ودايما الموظف يوم يشتكي على مسئوله يطلع هو الغلطان مب المسئول ، فهذي صارت قضية عكسية .
نحن إشتكينا قبل وكتبنا تقارير لكن للأسف واسطته قوية وطلعنا نحن الغلطانين .
وأشكرج حياتي على إنج مدحتيني وقلتي هالكلام الحلو عني .
وأنا ناوية إن شاء الله على السنة الجديدة إني أغير من طريقة معاملتي معاه إذا استمر الوضع بالشكل هذا .
أنا بطبعي إنسانة هادية ومسالمة وما أحب المشاكل ، بس ناوية إني أتبع معاه سياسة ثانية تناسب مستواه الفكري .:19:
تحياتي لج حياتي .