(( أنا والموبايل )) يا ريت الكل يدخل ويشاركني الموضوع ^_^

السلام عليكم ورحمة الله وبركاته
هلا اخواتي الغاليات اول شي مبــــــروووك عليكم الشهر والله يتقبل صيامكم وقيامكم يــــــــارب

وثاني شي حبيت اكتب لكم قصتي مع موبايلي مادري اقول الغالي ولا لمعذبني اتمنى كلكم تشاركوني لاني فعلا ابي اعرف هل انا الوحيده اللي عانيت من ها الشي ولا فيه اللي مثلي
شوفوا يا بنات لما كنت صغيره <<<<< شكلها بتقص قصة حياتها :icon29:
كنت اتمنى يكون عندي موبايل وياما حنيت على الوالد يشتريلي موبايل بس كله يرفض :024: كان يقولي ماعندي بنات يشيلون موبايلات اصبري لين تتزوجين وبعدين عاد كيفج المهم جاني الفرج وتزوجت :icon28: وأول ماتزوجت على طول عطاني زوجي موبايل وكنت طاااااااااااااايره فيه مو مصدقه ان صارلي موبايلي الخاص فيني والله كنت مستانسه حدي <<< حشى مب موبايل
المهم قمت أوزع رقمي على صديقاتي وأهلي ( من كثر الصديقات عاد) كلهم ثنتين مادري ثلاث
بس للأمانه انا ماحب اتكلم وايد بالتيلفون يعني مكالماتي ماتزيد عن ربع ساعه ونص ساعه اذا في شي مهم
<<<<<<<<<<<<<< خلصي صدعتي راسنا شلي تبين توصليله :angry2:

اللي ابي اوصله اني فجأه قمت احس بملل من الموبايل وصرت ما طيقه واحيانا ودي أتخلص منه تدرون ليش؟ لان في ناس فعلا كرهوني فيه يعني اذا اتصلت فيني وحده من صديقاتي تمسكني مسكه ماتشبع من الكلام حتى لو ماعندها سالفه تقعد ساعه تتكلم وماتسكر الا اذا قلت لها اني مشغوله او زوجي يناديني يا الله تهدني
واحيانا بعض البنات شو يسوون يرسلون مسجات على الفاضي شخبارج وينج شو مسويه واضطر أرد وكل ما رديت زادت المسجات طيب ولهانه علي اتصلي ذبحتيني وانا اكتب وارسل شنو ما وراي شغل الا انتي لدرجة اني احس ودي ابجي من القهر اهيء اهيء اهيء :icon36:

وانا الصراحه ماعندي خدامه يعني شغل البيت كله على راسي :3_2_8v: واذا طنشت مسجاتهم ومارديت يزعلون مني مع اني اوضح لهم ضروفي وان البيت ماخذ اكثر وقتي بس مايعذروني يقولولي طيب المسج ماياخذ وقت ماتقدرين تعطينا دقيقه من وقتج احنا مانبي شي بس نبي نطمن عليج

لا واللي يقهر اكثر ويرفع ضغطي اذا صارت مشكله او شي تقولون بداله مسج ورا الثاني موبايلي مايسكت والله من القهر احس ان ودي اشيله وارميه وكسره وافتك منه

تدرون شنو سويت من ثلاث اسابيع تقريبا طلبت من زوجي يغير رقمي لاني فعلا تعبت :( عاد زوجي ماشاءالله عليه طلع كريم قام وجابلي رقمين كل واحد احلى من الثاني :42: قلت له انا طلبت رقم واحد بس اشحقه يبتلي اثنين قالي عجبوني فأخذتهم كلهم عاد انا جلست افكر شنو اتسوين يا جنان بها الرقمين واخيرررررررررا توصلت لحل يريحني قلت رقم بخليه سري بس بعطيه خواتي والناس اللي اعزهم حيل يعني الناس اللي مايزعجوني لسبشل حلوه اسبشل خخخخخخخخخخخخخخ
ورقم بخليه اذا احد من ها الملاقيف شافني بمكان وسألني كم رقمج ونحرجت راح اعطيهم اياه بس بيكون كله مغلق يعني ما بفتحه الا اذا كنت رايقه خخخخخخخخخخخ
فكره حلوه صح؟؟؟؟

ملاحظـــــــــــــــــــــــــــه : بنات لا تفهموني غلط مو معني كلامي اني ماحب المسجات او ماحب الناس لا بالعكس والله اني اجتماعيه بس احب المسجات اللي فيها فايده يعني اللي فيها تذكير بالله وكلام حلو مثل تهنئه برمضان بعيد حديث عن الرسول صلى الله عليه وسلم بيت شعر حلو يعني مسجات تشرح الصدر مو مسجات فاضيه وتضيق الخلق لان فعلا في ناس للأسف فاضين وبايخين ماعندهم شغله الا الموبايل وازعاج الناس ومايقدرون ظروف غيرهم حتى اختي عانت نفس معاناتي وكانت تشتكيلي بعد ياريت يا بنات اذا بنستعمل الموبايل نستعمله في شي ينفعنا وشي نلقاه في ميزان حسناتنا يوم القيامه لاني مره سمعت محاضره دينيه عن الموبايلات اعتقد اسمها لكل الناس كان يتكلم فيها الشيخ عن استخدامات الموبايل وقال كلمة اثرت فيني حيل وخلتني احاسب وايد عند استخدام الموبايل قال ان الموبايل بيجي شاهد علينا يوم القيامه :( فياريت مانكتب الا شي يسرنا ان نراه يوم القيامه مو شي يغضب الله علينا

يا الله عاد بنات اللي عندها مسجات حلوه ترسلي علشان ادعيلها :42: هذا رقمي 777 خخخخخخخ<<<< بدت لطراره