أنا والهم صداقه لا تنتهي

السلام عليكم

اسأل الله العزيز القدير السميع البصير الرحمن الرحيم ان يرحم بحالنا

اللهم أني أسالك نفسا مطمئنة ترضى بقضائك

والله ما كتبت الا ودي أفضفض لكم احس تعبت

قسم بالله الدموع بعيوني اللهم أني أسالك تسخر لي خلقك

أنا مطلقه وتقدم لي كذا واحد واحد سالنا عنه وكنا بنوافق بعدها اكتشفنا انه يضرب زوجته وخفت وابوي رفضه

الثاني ماكنت مقتنعه فيه وتنازلت عن امه جنسيته موسعوديهً وكذبوا علينا في وظيفته من البداية الكذب والحمد لله ربي صرفه

في وحده خطيبه تقول لامي خليها تأخذ عنده عيال صراحه أنا هادئه مره وخا يفه من المشاكل

أمي تقول لي خذي راتبه ضعيف تقول أبوك بيساعدك أنا ماقتنعت مافي احد يدوم لاحد.

وأنتوا عارفين العيشة صعبه وانا ما عندي وظيفه ولا ادري متى ربي يرزقني


والا عاد اخر واحد مطلق بس ما عنده عيال يقول تخيلوا ابي أتقدم لها اذا توظفت بالله وش رأيه يقول مسيار

إحنا الحريم مغلوب على أمرنا وخلاص لا صارت مطلقه عندهم تقبل باي شي ماله حق تختار حتى لو كانوا حثالة مجتمع ليه ابي افهم أنا ماحس أني ارتكبت جريمة أوشي لا يرضي الله ورسوله أنا تزوجت معيب أني اتطلقت.

قضاء وقدر وهذا الي ربي كتبه قبل ماانولد وربي الي خلقني هو الي بيرحم حالي


أمي تدور في الجريدة على وظائف عشان أتزوج حسيت :44:أني مالي قيمه قسم بالله كرهت الوضع


دعواتكم

مادري وش اكتب أكيد انتوا بتحسون فيني ونصائحكم


وش رأيكم أخذ راتبه ضعيف واتذلل لخلقه

والا وظيفته مقبوله عنده عيال

بقوم اصلي وادعي الله يرحم بحال البنات والمطلقات جميعا ويسخر لهم خلقه حسبي الله ونعم الوكيل في كل من تسبب فينا وتزوجونا وظلمونا يارب نشوف فيهم يوم

أستودعكم الله الذي لا تضيع ودائعه