أنا وبـنـتي و.... مــــرت أخــوي !! شسوي نصحوني

السلام عليكم

بنات انا ابي اعرض لكم المشكلة
بس بعطيكم خلفية عن الموضوع
الفقرة الأولى
أنا ومرت اخوي بنفس العمر
وبعد تزوجنا انا واخوي بنفس الفترة
وما احتكيت معاها ابدا

اهو شهر بس اللي قعدته معاها وماشاء الله عليها ماشفت منها الا كل شر
شنو ما كان ايب لي ريلي كانت تقووم البيت م تقعده الا اذا ياب لها اخوي مثله
حتى ماكان عندها موبيل ريلي ياب لي هدية موبيل من باجر اخوي منعا للمشاكل
اشترا لها موبيل
لدرجة ان امي حذرتني شنو ما يصير معاي شنو ريلي يسوي ما اتكلم
علشان المشاكل وكله على راسي اخوي المسكين

الفقرة الثانية

تزوجت وبديت حياتي
واهني حملت مرت اخوي على طول
وأنا شهر بعد شهر ومااكو حمل وصارت شغلتها الشاغلة
اذا رحت زوارة بيت اهلي ليش ماحملتي ومتى ومنو في العيب
ومتى واين
اسبوعيا لمدة سنتين هذي همها انها تخرب نفسيتي
كنت اقول الحين احنا مانبي الحمل بكمل دراستي وما الى ذلك
ومع هذا كله كنت ارد عليها بحترام

الفقرة الثالثة

بحاوول اختصر المهم صارت مشكلة بينها وبين اخوي
وزعلت بيت اهلها وحاولت اصلح بينهم بديت مع اخوي
وابدا لي انه يابي يصالحها اتصلت فيها وكلمتها
اليوم الاولى كلها تعذرب باخووي
واليوم الثاني بيتنا وطريقة تعامل اهلي وتابي بيت بروحها
اليوم الثالث سبت اخوي امي وخواتي وبيتنا كله ودعت علينا
وحده وحدة اهني صكيت التيلفون ما قلت لها اي شي

وقلت الموضوع لأمي بس بدون ما اقول لأخوي

بعد يومين اتصلت مرت اخوي وما رديت عليها
رحت بيت اهلي زيارة ونصدمت ان امي تقول اخوي رجعها
نزل اخوي ومرته على الغدا اهي تسلم واخوي وجهه مظلم
ومعصب وماسلم علي مثل عادته سلام مثلج
المهم رديت بيتي واتصلت امي قالت
ان اخوي يتشكى مني لاني قايلة حق مرته ان اخوي فيه نفسيه
واهو مو رج.....ل وسبيت فيه علشا ارضيها وقلت ان امي
تحب تسوي هالمشاكل واستحمليها وكلام قووي والله
واخوي صدق هالكلام اللي مايتصدق لأنه على قوولته
حلفت على القرأن انها انا مسويه جذي
ويم كلمت اخوي وقلت لها انا ماقلت جذي
اخووي قال اي اي مصدقج :(
المهم من هذا الموقف اخوي صار مو اخوي اللي اعرفه ....

الفقرة الرابعة

حملت وزفيت خبر حملي لأهلي والكل استانس
وتبارك لي باسلوب بارد وتقول ها وين تعالجتي !! شنوو هالاسلوب هذا
قلت لها م تعالجت وقفلت الموضوع حزتها كان ولدها عمره سنة د
ومن درت اني حامل بدت تفكر بالحمل ومن ثاني اسبوع تقولي
الدورة متاخرة علي ولايعة جبدي شكلي حامل حتى العطر اللي حاطته
مقرف ... المهم هذا كله انا ساكته لان امي ماتابي مشاكل
وانا استحي ارد
وشهر عن شهر ترو وتعالج وتدور الحمل سنة كاملة واهي من دكتورة لدكتورة
وما جرحتها بشي المهم ولدت ويبت بنتي ريماس واهني بدت تنزل للغرفة اللي انا فيها
بنفاسي وكل ماشافة ريلي يايب شي زادت المشاكل مع اخوي
كانت تقول لي بأسلوب مواساة ما عليها البنت مثل الولد !!
ولا تضايقين ان بنتج موو حلووة !!!!!!!!! صج والله


الفقرة الخامسة والاخير

حملت مرت اخوي وباركت لها وانتهينا
وصرت كل ما ايي بيت اهلي مع بنتي تعلق عليها بطةومو حلووة
ما عليه سكتت اقدر اعايرها بولدة اللي عمرة سنتين عايش على رضعة باليوم
مو مهتمه فيه نهئيا وضعيف لدرجة وكله يمرض وبالمستشفى بسبب اهمالها
وبنتي عمرها سبع اشهر الحين يوم ايي بيت اهلي وقت الغداء قبل لا اتغداء
اسوي لها خضروات واهرسهم مع زبادي اوعطي بنتي تغاااااار
تقووم تسوي مثلي وتنادي ولدها وتوكله والمسكين مو متعود
كل ما رفض ياكل تعطيها صفعة على ويهة !! صراحة حزتها اتمنى تنكسر ايدها
حتى امي يوم خذته منها تراضيه دزت امي واسحبت الولد بقوة تقووولة ليش ماتاكل
من يومها صرت اوكل بنتي بيتنا...
اليوم قلت لأهلى اني حامل وهي الحين بشهر السادس وانا بثاني
ماباركت لي وقالت بنتج صغيرة وحرام عليج وما الى ذلك...وكانت حاقدة اني
حامل ومبين بعيوونها ...


المهم اللي صار اليوووم

خذت بنتي مني تلعبها وتقوولها يا شيفة يعني بالكويتي مو حلوة

وتقولي تصدقين اقوول لبنتج شيفة تطالعني تعرف انها شيفة
المهم سكت وطوفت الموضوع ونمت بيت اهلي وقعد الظهر حزت الغدى
وبعد الغدى خذت بنتي وقعدت تقط عليها من هالكلام شيفة جيكرة يا حمار يالجيكرة يالشيفة
وكن اخوي الصغير يمها قلت لها بنتي مو شيفة ولا جيكرة وسوت روحها مو سامعة شي
وقعدت تردد نفس الكلام بدا اخوي يردد نفس الكلام اللي تقول
وجهت الكلام لأخووي وقلت لها اللي يقول عن بنتي جذي ترى والله ازعله فاهم
وهي مكملة ...
رحت قلت لأمي واتصلت بزوجي
ورحت بيت ابي الفكة بيت اهلي صار جحيم ....كله منها
واخاف ارد اخاف تصير مشاكل وامي تزعل

امي قالت لأبوي وابوي مايرضى علي ابوي كلم اخوي قاله خل مرتك تكف اذاها عني
وعن بنتي واهالكلام قالت لي اختي

المهم بعد ثلاث ايام بروح بيت هلي اودع امي وابوي بيرحوون الحج
واهي بتكون هناك وقررت ارد عليها وابدا اعيرها لان اذا ببتدي
فيها ما راح انتهي مليت من كثر الأهانات ابدا ماتحترم نفسها على طوول
جذي انا ساكته وبريئة اليوم قعدت ابجي بحرقة اشلون خليتها تتمادى
بنات خواتي امهاتي صديقاتي شسوووي تعبت والله تعبت منها ومن تفكيرها المريض
نصحوني شسوي اشلون ارد عليا وانا دايم حقي ضااايع