أنا وبنتي 000ولغتي والمعلمه >>>>>>>>>>>>>يا قلبي لا تحزن

مسا الخير لكل الحوائيات
ما أدري من فين أيدأ
لأني جدا مقهوره ومتوتره والضغط لأخر الشي :angry2::angry2::angry2:
السبب
بنتي أول أبتدائي
طبعا عندها منهج لغتي وما أدراك ما لغتي
منهج للأسف لا يرقى لا إلى مستوى الطالب ولا إلا تفكيره
والأدهى والأمر أنه تكون المعلمه أيضا غير مستوعبه لمتطلبات المنهج وطبعا
بنكون الضحيه هالطالبه المسكينه
أبقولكم القصه من البدايه وانتوا أحكموا إذا انا معاي حق أو لا
من بداية الدراسه
والمعلمه كل يوم تعطي بنتي إملاء
كل يوم أكثر من ثلاث كلمات أمثله / من دفتر بنتي
الذراع- الذباب -الدب
اليوم -العبور -المرور
كسر -ركل -أعدك -أمسك -شكر
هذي بس أمثله وغيرها كثير
وشوفوني كل يوم وأنا ماسكه بنتي على الأملاء أحفظها
بنتي والحمد لله تتجاوب معاي وتتعب معاي في هالأملاء
أيام تتقن وأيام نص ونص وعلى هالحال
قولنا كله عشان مصلحتها وعشان تتعلم مضبوط
تطور الأمر وصارت المعلمه الفاضله تعطيها جمل المفروض تكتبها غيبا مثال
صنعت بيدي طائره ورقيه ألوانها زهيه ألهو بها مع رفاقي
بالله يا بنات وأمانه عليكم هذي جمله تعطى لطالبه أول أبتدائي
لسه لم تأخذ كل حروف الهجاء بعد
أستسلمنا للأمر الواقع وسرت كل يوم أنا والبنت على هالحاله
كنت أمسكها ساعتين سرت
امسكها أربع وخمس ساعات علما أني موظفه ومو فاضيه لنفسي حتى
أمنا بالله كله طبعا عشان مصلحة البنت وعشان تكون شاطره ويكون تقويمها أوكي
الأسبوع الماضي معلتها الفاضله مدبسه في مذكرة الواجبات ورقه فيها ست جمل
المطلوب
تحفظ كل الست جمل غيبا وتمليها فيها اليوم اللي بعده مباشرة
دون تحديد لجمل معينه لا كل الجمل الجمل هي
عاد عمر من المدرسه سعيدا
أنا أحب عصير البرتقال
عمر يتحدث مع أبيه
في وقت الفراغ أجمع أجمل الصور
صنعت بيدي طياره ورقيه
الرياضه تقوي الجسم
حسبنا الله ونعم الوكيل
أعطتها الورقه يوم الأحد ويوم الأثنين التقويم
كل هذا على أساس أنه تقويم
وأنا مع بنتي شي عرفته وشي لا
وطبعا أنا رحمتها أش ست جمل في يوم واحد
طبعا كل هذا على أساس أنه البنت تقوم
ونخلص من هالسالفه
يوم الاربعاء المفروض تقوم في ثلاث جمل جلست طول اليوم أحفظ بنتي
ولما أتقنتها المعلمه الاربعاء ما قومتها في هالجمل
لا أعطتها ورقه طويله عريضه
فيها أنه يوم السبت بداية التقويم واللي تغيب ما يتعاد التقويم الا بعذر مقبول
فيه لازم يوم السبت تتقن أل الشمسيه وال القمريه
أوكي أمنا بالله أبقريها ,اتعب معاها ياليت المعلمه الفاضله حددت لها كلمات
فيها أل الشمسيه وأل القمريه
عشان أمسك بنتي وأحفظها لا
أنتي يالأم أمسكي كتابها وطلعي كل الكلمات اللي فيها هالشي
وأقعدي حفظي بنتك وراح تتقوم فيه اليوم اللي بعده
ليش لأنه الام ما عندها شي غير تحشي راس بنتها
وتجمع لها من كتابها
والمعلمه ما عليها الا أنها تملي الطالبه
والطالبه هي وحظها يا تمسك معاها الكلمه اللي حضرت المعلمه تختارها
من المنهج يا تمسك دفترها وتكتب لها بالخط العريض
ضعيفه _لم تتقن _ لم تكتب شي
وخذي من هالكلام اللي يسم البدن
طيب جاء يوم السبت
حفظت بنتي كلمات فيها ال الشمسيه والقمريه وراحت المدرسه
يوم جاتني : ها يا ماما كتبتي الكلمات
البنت : ماما الأبله أعطتنا الجمل حقت يوم الأربعاء >>>>>>الجمل اللي حفظتها لها يوم الاربعاء طبعا أربعاء وخميس وجمعه أكيد البنت بتنسى الجمل ما أعطتها ال الشمسيه والقمريه زي ماهي كاتبه في الورقه اللي في المذكره
وطبعا ما عرفت تكتب شي
ألحين الأبله كاتبه لي أنه لازم أروح لها بكره عشان أناقش مستوى بنتي معاها
لأنه على حد كلامها مستواها نازل
ألحين بنتي طول الترم تجتهد وتدرس وتتعب وأغلب دفترها كلمات أتفنتها
وتكتبي لي مستواها نازل
مو من شي نازل من معلمه همها تحشي الطالبه من كل معلومه وأنتي يا طالبه
روحي في البيت خلي أحد يدرسك ولا كلي تبن
قسما بالله يا بنات أنا مقهوره وبكره رايحه للمعلمه أتفاهم معاها
بنات أش رأيكم بهالكلام أنتوا معاي ولا لا
علما أنه بكره عندها تقويم التنوين وحرف المد والحرف الممدود
ومن الكتاب أنا أبحث وأحفظ
والبنت المسكينه تعبت حفظتها جزء وأعطيتها فترة أستراحه قلت أخذ رأيكم
أنتوا معاي ولا لا
علما أني أم وموظفه وما عندي غير هالبنت في المدرسه
يعني الله يعين اللي عندهم أكثر من طفل في المدرسه
أش يدرسون وأش يخلون
رأيكم يا بنات يهمني وبصراحه
ويا ليت المعلمات يعطوني رايهم
علما أنه ولد أختي في نفس المستوى وكل هذي الأشياء مو عنده
عنده إملا حروف فقط
وليست جمل
أأأأأأأأأأأأأأأأأأأأأخ طولتها عليكم

أرجو من المشرفات عدم نقل الموضوع للأهميه الله يعافيكم
اللي ما عندها رد ترفع الله يرفع قدرها دنيا وأخره