السلام عليكم
ومبروك عليكم الشهر الفضيل
ولو انها متأخره
انا من يومين وانا فيني ضيقه اعوذ بالله
واحس اللي حواليه محد بيفهم لو تكلمت
مالي غير الله وانتوا يا حوائيات
أنا الحمدلله متزوجه من سنه تقريبا
وسبق وكنت متملكه
ابوي جبرني اتزوج وكان طليقي انسان
لا شخصيه ولا رجوله ولا غيره علي عرضه
بس ابوي شاف وضعه المادي ووافق عليه
لانه كان غني ولما اصريت وتطلقت امي وابوي
ما وفقوا معاي, معاملتهم لي كانت كلها اهانات
وذل ولوم لانى تركت البنك المتحرك :confused-
وتوكلت علي الله وصبرت
وتقدم لي انسان خلوق وطيب واهم شي يخاف الله ما انكر انه فيه سلبيات لكن مقارنة بطليقي اكيد زوجي الحالي نعمه من الله
لكنه علي قد حاله يعنى عايشين علي مرتبه البسيط و الحمدلله
انا احاول انى اقتصد وما اكلف عليه
حتي العرس سويت ابسط الاشياء
مع انى ما سبق لي سويت عرس
واهلي مع مرور الوقت اتعودوا علي زوجي
لانه طيب وخلوق وقاموا يقولون انتى وايد تحبينه ووايد تهتمين فيه بعكس طليقج !!!
وهالشي كان يضايقني
لانه الماضي راح خلاص
ولازم يفرحون لاني اراعي زوجي وما اكلفه فوق طاقته
الحين انا حامل في بداية الخامس
وكان وحامي فظيع
ما اقدر اكل ولا اشرب اي شي
ولا اشم ريحة شي ومن اي كلمه ارجع وكبدي تقلب لو انه بطنى خالي
علي نهايه الرابع خفت حالتي الحمدلله
توقعت كوني اكبر اخوانى انه امى وابوي يفرحون فيني وفي حملي
خصوصا انى انتقلت بيت بعيد شوي عنهم
وما صرت اقدر ازورهم بسبب الوحام
وهم زارونى مره وحده بس وبطلب مني
لكني شفت منهم البرود
وكأنه هذا حملي رقم 100 مب حملي الاول
والله مقهوووورة منهم
كفايه انى لما تزوجت خذوا غرفتي
قلت مب مشكله بيت ريلي يضفني
ومالي حاجه بالغرفه
بعدين امي قامت تضايقني
وتلمح انه اذا ولدتى خلي شغالتج
تسوى لج اكلات وادوية النفاس
لأنه امى ما راح تكون فاضيه لي !!!!!!!
تخيلوا الكلام القاسي والجارح
تقولي بيكون وقت مدراس وهي مدرسه
ومشغوله
يعنى انا المفروض اكون بالاربعين عندها في بيتهم
معقوله ما راح تفضي العصر ولا المغرب
ومدرستها قريب البيت مب في كوكب ثاني
ومرات تقولي ليش ما تشتغلين بعد الولاده
قلتلها واخلي النونو عند منو؟؟
اهل زوجي ساكنين عند بيتي
بس ولا وحده متزوجه واللي متزوجه ساكنه بعيد
واصلا محد يتحمل عيال حد
اخلي ولدي عند الخدم ليش؟؟؟؟؟؟؟؟
والحمدلله انا اقتصاديه ما اطلب ولا اشتري
وزوجي ما طلب انى اشتغل
قلتلها هذا الكلام
ردت علي انه هي كانت تخلينا ونحنا صغار ويا الخدم وتروح الشغل وما صار شي
منو قال انه ما صار شي
انا تحرش فيني عامل هندي وعقدني عقده ملازمتني لليوم واخوى الصغير كانت الشغاله تقفل عليه وتطلع بالساعات وبالاخير صابته حاله تأخر نطق وتأتأه
كل هذا وامي تبغيني انزل اشتغل
واخلي ولدي
لما رديت عليها سكتت
وقالت لي شوفيني انا اصرف علي نفسي
وابوك ما يعطيني شي
لو انى عودته من بدايه زواجنا ما كان هذا حالي !
بالله شو هالتناقض
وابوي احيانا يكون متفهم واحيانا يوم يشوفني يقول كلام يزيد ضيقتي
يعنى يقولي قدام ريلي
ليش انتى للحين تتوحمين مفروض
تكونين خلصتي
يا نااااااااااااس هذا الكلام يقولونه عند ريلي
واخاف يتغير علي
وما اقدر ما اروح لهم برمضان
لانه ريلي يحب لمة اخوانى الصغار
ويحب يصلي بمسجد قريب من بيت اهلي
ادري طولت عليكم
بس هل انا وياي حق ازعل
واروح لهم ولا اقطعهم نهائيا
خصوصا انه بيت اهل زوجي
ما يحبون الزيارات احسهم يوم نروح
يتمللون مننا وما احب افرض نفسي
وانا احب اللمه واحب الناس
لكن اهلي يجرحوني بقوة وبعدين يقولون انتى حساسه وكلامنا ما يزعل .
واذا ربي تمم علي خير
وولدت اروح عند امى ولا ارجع بيتي
وادري امى ما راح تزورني
خصوصا انها اول ولاده شغالتي يوم زينه وعشر ايام لا
ردوا علي ولو بدعوه انا خلاص تعبت
نسيت اقول انه جدتى لامى الله يرحمها
كان عندها 13 ولد وبنت ربتهم وربت احفادها
وهي مريضه كانت ولا اشتكت ولا اهملت
كانت اداري حتى الاحفاد
لو انها عايشه ما كنت انا احس انى حزينه
امى كانت تتدلع عليها يوم تحمل
لكن انا ابدا ما حسيت بالاهتمام الله يرحمها
العود المنثور @alaaod_almnthor
كبيرة محررات
يلزم عليك تسجيل الدخول أولًا لكتابة تعليق.
كيـــآن آنثـــى
•
الله يفرج همك ياقلبي
الله يصلح حالكم انا من رايي انك تروحين لامك ع الاقل العشرين يوم الاولى واذا ماارتحتي ترجعين بيتك وحاولي تجهزين ادويه النفاس بدري قبل ماتولدين وتاكلين عادي من طبخهم مع الادويه والصبح تخلين الشغاله تسوي لك فطور خبز بر جاهز وحليب
ترا الام مهما كان حبها فطري لعيالها ويمكن قالت لك خلي الشغاله تطبخ لك من غير قصد او مجرد اقتراح منها او ماتدرين عن ظروفها يمكن تعبانه او شي وبصراحه مااشوف من اللي قلتيه شي يزعل اغلب الناس يستوولون على الغرف اذا تزوجو بناتهم
وانتي لاتحطين حواجز وتقطعين فيهم أوتدققين بالكلام وتصيرين حساسه احرجيها بالكلام الطيب وبالعكس راح ينبسطون فيك
ترا الام مهما كان حبها فطري لعيالها ويمكن قالت لك خلي الشغاله تطبخ لك من غير قصد او مجرد اقتراح منها او ماتدرين عن ظروفها يمكن تعبانه او شي وبصراحه مااشوف من اللي قلتيه شي يزعل اغلب الناس يستوولون على الغرف اذا تزوجو بناتهم
وانتي لاتحطين حواجز وتقطعين فيهم أوتدققين بالكلام وتصيرين حساسه احرجيها بالكلام الطيب وبالعكس راح ينبسطون فيك
الله يفرج همك ولم تولدي خليك في بيتك أحسن وجيبي شغالة فترة ألاربعين والله يهدي أمك
ياقلبي لا تصيرين حساسه وتفكرين باشيا يمكن هم مافكروا فيها سوي الي تشوفينه مناسب
ولا تدققين
ولا تدققين
ياقلبي عليك انا اشوف كلام امك عادي كل الامهات يقولونه خصوصا الكبار بالسن ماعندهم ذوق وقاسين شوي وانتي بعد حساسه حبتين علشانك حامل دايم الحامل تكون على اعصابها اي كلمه تزعلها
وعن سالفة اربعينك اولا الله يقومك بالصحه والعافيه وتولدين بالسلامه ثانيا اجلسي عند اهلك اول اسبوعين وعلمي شغالتك كيف تسوي لك الفطور وجهزي ادويتك من هالحين وعقب ماتخلصين الاسبوعين اصلا بتكونين خفيتي وتقدرين تخدمين نفسك روحي لبيتك وخذي راحتك
ولا تقطعين اهلك ترى الزوج مايسوي قدر للحرمه الا اذا كان لها اهل وخليه يجي في الاربعين ينبسط مع اخوانك ولا تعقدين الامور انا اشوف امك واقعيه ومالها باللف والدوران تقولك اللي بقلبها احسن من الام اللي تجمع بقلبها وعن سالفة الشغل هي صادقه امك اذا زوجك على قد حاله لازم تشتغلين وحطي ولدك في حضانه او وديه عند امك هو والشغاله واول ماترجعين من الدوام انتبهيله ماراح يضر 6 ساعات استودعيه وعوذيه واقري عليه والحمدالله
الله يصلح حالك وحالي وحال المسلمين والمسلمات اجمعين
وعن سالفة اربعينك اولا الله يقومك بالصحه والعافيه وتولدين بالسلامه ثانيا اجلسي عند اهلك اول اسبوعين وعلمي شغالتك كيف تسوي لك الفطور وجهزي ادويتك من هالحين وعقب ماتخلصين الاسبوعين اصلا بتكونين خفيتي وتقدرين تخدمين نفسك روحي لبيتك وخذي راحتك
ولا تقطعين اهلك ترى الزوج مايسوي قدر للحرمه الا اذا كان لها اهل وخليه يجي في الاربعين ينبسط مع اخوانك ولا تعقدين الامور انا اشوف امك واقعيه ومالها باللف والدوران تقولك اللي بقلبها احسن من الام اللي تجمع بقلبها وعن سالفة الشغل هي صادقه امك اذا زوجك على قد حاله لازم تشتغلين وحطي ولدك في حضانه او وديه عند امك هو والشغاله واول ماترجعين من الدوام انتبهيله ماراح يضر 6 ساعات استودعيه وعوذيه واقري عليه والحمدالله
الله يصلح حالك وحالي وحال المسلمين والمسلمات اجمعين
الصفحة الأخيرة