أنا وحفلات التخرج .. للأمهات فقط

السلام عليكن ورحمة الله وبركاته ..

نخش بالموضوع على طووول لأنني من النوع اللي ما يعترف بالمقدمات والتزبرق :42:

الاسبوع اللي فات كنت معزومه على حفلة تخرج بنت اخوي , هي بالثانويه ورحت وشفتها تمشي بمسيرة الخريجات مثل القمررررر هي وصديقاتها وبروب التخرج ويقولون اسمها وتطير القبعه ورحت وسلمت عليها وضميتها بقوووووووووووووووه

طبعا كل ها الأحداث صارت وعيوني تصب صب دموووووع ما وقفت لحظه وحده , طبعا هذي شي غصبا عني

ومن يومين شفت حفلة تخرج ولد اختي بالفيديو ونفس الحاله بكيت يوم نادو اسمه وحتى وهو يمشي بمسرة الخريجين

طبعا كل العايله فينا هذا الطبع

أمي وأخواتي ونقلنا العدوى لحريم الأخوان :hahaha:

المشكله الأن بعد كم يوم حفلة تخرج ولدي وهو بالتمهيدي وراح يسون له مسيرة تخرج وراح يلبس روب وراح تكون له فقره بالمسرح

وش راح يصير لي لو اشوف ولدي يمشي بالمسيره ولابس روووووب

الان عيال الناس بكيت عليهم , فما بالكم بولدي :icon33:

ولا ودي افشل نفسي بين الحريم واجلس امسح بدموعي وباقي الحريم عادي عندهن ومبسوطات ويعلكن علك تقولين هذولي يحضرون عرض ازياء

ودي اصفق له واصفر واصارخ بأسمه بدون دمووووووووووووع وان حصل لي ارقص رقصت له هههههههههه

يمكن تكون مشكلتي بعيون البعض تافه ولا تستحق موضوع , لكن والله إنها شاغله بالي وهامتني حيل حيل

ودي اكون قويه بها المواقف , ودي انبسط فيها بدون دموووع وبكاء

طبعا كل ام راح تدمع عيونها وهي تشوف ولدها مهما كان عمره بروب التخرج

بس مو مثلي اجلس اصيح وما اسكت إلا بعد ساعه :(

هنا مشكلتي

الأمهات القويات .. كيف تمنعين دموعك من التصبصب وانتي ترين ابنك لابس الروب ويتقدم بالمسيره

وش اسووووووووووي ؟؟؟؟؟؟؟

والله يا بنات يجي ولدي ويقول لي عن فقراته وانهم سوى بروفات ومن ها الكلام وانا ابكي واصد وجهي عنه

فما بالكم بعد كم يوم وش راح يصير فيني

وسلامتكن ...