أنا وخطيبي وعدم الارتياح

السلام عليكم بنات 


يعلم الله اني بهم مايعلمه الا ربي 

و جيت هنا اقولكم مشكلتي وانا ادري انه هنا ناس عاقله راح تعطيني الرأي الحكيم والصح

مشكلتي هي : 
انا مملكه لي 4 شهور بالبدايه خطيبي معاي اخر حلاوه وانا كنت جدا جدا جدا مستحيه لدرجة انه ما اقدر اقول كلمتين على بعض من اسمع صوته ينربط لساني ،.. بعدها شهر حسيت في شي بالموضوع من طريقة كلامه مو نفس حماس اول الخطوبه ،.. وف يوم من الايام اتصل علي يقولب انا احس اني مو مرتاح لعلاقتنا واحس انه مافي ألفه بيني وبينك انا انصدمممت انربط لساني ما عرفت ولا قدرت ايش ارد !! بس قلتله اذا شايف اني مستحيه أكيد هذا الشي راح يتغير بعد للملكه والمهم قلي لازم أجيكي ونتفاهم ،.. وقبل مايجيني يقول انا عمري ما آمنت بالعين بس جد حاس انه جاتني عين وشي مانعني ومو مخليني أجي عندك قلتله براحتك وقبل يجي عندي بكم ساعه اتصل ولا كأنه في شي عااادي يتكلم طبيعي وجا عندي وبرضو أخررر حلاوه والحمدلله بعدها ارتحت بعد ما كنت ف قلق لمدة كم يوم 
المهم جات الملكة ،.. والمصوره طلبت مننا حركات مش ولابد انا مارضيت بسبب الرببكه والتوتر اللي انا فيه ماقدرت صراحه وهو جددا زعل وتضايق وتراضينا بوقتها قبل الزفه واتطمنت انه خلاص تصافيييينا ومافي بقلبنا شي 
ومن بعد الملكة اتصالاته جددددا قلت بعد ماكانت يوم بعد يوم صارت في الاسبوع مره ،. عانيت كثيييير وقتها لأني حسيت اني حبيته وعاتبته وعرفت منه انه لسا زعلان من حركة الملكة فهمته قلتله والله وقتها مرتبكه ومستحيه المفروض تقدر دا الشي 
ومن يومين سمعت الصاعقة منه ،..  
قال انا بصراحه مو مرتاح وخريف دا الشي يستمر بعد الزواج ننفصل دحين ولا بعدين  ،... صعقت صعقت صعقت 
قلتله بالمشكله الأولي ايش اللي خلاك تغير رأيك ؟ جاوبني جواب ما اقتنعت منه ابدددا 
المهم تناقشنا كثير باللي مضايقني ومضايقه وآخر شي قلي انا جد افكر بالانفصال قلتله براحتك اللي يريحك سويته 
تمسكت فيه بالكره الاولى ما أبغاه بعدين يعايريني بعد الزواجافكر ايش اللي راح يصير بعدين ؟ 
للمعلوميه خطيبي بمنطقة وانا بمنطقهماادري هو مرتاح بالمدينه اللي انتقل لها ؟ لأني احيانا احس انه مضغوط بدوامه ومتضايق و حط المشكله بعلاقتناو الزيارات كانت 4 مرات فقط هل هذا الشي يأثر ؟ وفرق العمر بيننا 10 سنين مو مهم عندي العمر صراحه قد ماكان يكون اهم شي التوافقجدا جدا عاقل ماشاء الله - يتحمل مسؤوليه - احيان احسه حنون واحيانا قاسي 



ايش رأيكم ؟؟ تعبت تعبت تعبت منه وأفكر جد بالانفصال دام اني لسا عًالبر