ياقلبي الله يتمم لك ويفرحك وترتاحين معاه وتعيشين احلى حياه
بس بالنسبه لغيرة خطيبك والله انا اشوف انه معه حق ليش تروحين مع السواق
معاه حق يزعل يخاف عليك لانك بتصيرين زوجته وكل حياته
والرجل اللي ما يغار على زوجته واخته مافيه خير
وانتي اذا احتجتي شي روحي مع اخوك او ابوك
كل رجل فيه خير لازم يكون فيه غيره وحرص على اهله
وكمان نصيحه
لاتكثرين من مكالمات خطيبك تراه بعد الزواج راح يمل منك خلي الكلام لبعد الزواج
عشان يكون مشتاق لك وللجلسه معك
اشرحي له هذي النقطه باسلوب المزح عشان ما يزعل وياخذ بخاطره عليك
خففي المكالمات بالتدريج
والله يوفقك

تمام انك طلبتي تكلمينة
ترا اللي يقولك ما يجوز ما عنده سالفه دام ان المكالمات بحدود الادب ولغرض كل واحد يشوف ويدور على اللي يستدعي منكم تقبلون فبعض
اجل خبط لزق الزواج بس عشان الاشكال
المهم نجي للستفسارك
انا برايي تسمعين كلامة دامه ما يشك مجرد غيره
لان كل الرجال من اولهم لاخرهم كذا الا القليل
وهذا من حقه اول مره يحس انه في أنثى بتصير ملكة
وحتى انتي ما اعتقد انك ما تغارين وتجي منك تصرفات تضيق الخلق
محد خالي من العيوب
انتي دوري على اللاشياء المهمه بشريكك اذا لقيتيها توكلي على الله وقفي مكالمات واستعدي للملكة
كل الرجال والبنات تتغير بعض اطباعهم بعد الزواج
بشطارتك تقدرين تلحسين مخه وتسوين اللى براسه اذا حبيتييييييييييييييييييييييييية

ياحبيبتي انت شكلك وحده مرة فري اسمحيلي كل الرجال مايحبون زوجاتهم يروحون لحلهم مع السواق وهذي غيرة طبيعية ولانه يحبك يغار عليك المفروض انك تستانسين مو تزعلين واسمعي نصيحتي الولد شكلة طيب وولد حلال لا تخسرينة علشان كلام فاضي بكرة اذا انفسخت خطوبتك الناس راح يقولون العيب منك ليش اثنين يخطبونك وبعدين يبطلون لاتزعلين مني ياقلبي هذي مجرد نصيحة والله يسعدك ويوفقك يارب

اول شي حبيبتي استخيري اكثر من مره ..

و واضح انه موضوع ملكتك اللي قبل اثرت عليك فحاولي قدر الامكان انه مايصير هالشي ..

وبالنسبه لخطيبك انا اشوف انه موضوع عادي وشي طبيعي ان الرجل يبين غيرته اثنا الخطبه والملكه عالاقل لانك مو عنده بس صدقيني بعد الزواج راح يتغير بأذن الله لاتخافين ..

والله يوفقك ويسعدك يارب..

انتي فهميه انك مستحيل تتنازلين عن الطلعه لصديقاتك او للسوق او الركوب مع السواق ان احتجتي باسلوب مباشر او غير مباشر عشان تصيرين واضحه من البدايه ولايفكر زي بعض الرجال يسويلك حبس انفرادي لا صديقات ولا طلعات الا بالحسره
وادعي ربك ليل نهار ان يسخره لك ويسعدكم ,,الله يوفقك يآآآآرب ويسر امورك