السلام عليكم ورحمه الله وبركاته
تردت كثير اكتب لكم مشكلتي بس احترت مدري ايش اسوي
طبعا اعرف ان الشكوى لغير الله مذله ولكن ماخاب من استخااار ولاندم من استشار
مشكلتي اني بعيده عن اهلي في منطقه جدا نائيه يعني يدوب فيها مستوصف وبقاله وزوجي دوامه 6 ساعات في اليوم وشفتاات يعني مره صباح ومره ظهر ومره مغرب ومره اخر الليل وانا هالوقت اظل لوحدي الله يعين بس
المهم الاوف يوم واحد في الاسبوع يعني تخيلوا هاليوم انزل للشرقيه لاهلي وش اسوي فيه هل اروح اشتري الي ناقصني ولا ازور اهلي ولا اراجع مستوصف خلوها على الله واذا صار دوام اخر لليل يكون الاوف 4 ايام
طبعا حلو فيه مجال للي تبين بس شي يضايقني وهو زوجي انا لاجيت من فرحتي باهلي انام عندهم هو يقول لا لاتنامين انا احتاجك يعني ..... بس هذا اكبر همه
اكتئاب هالرجال مايفكرون الا بهالشي مستحيل يجي يحضنك ولايمسح على راسك ولا يسولف معك الا اذا بقى هالشي قمممممممممممممه القهر هل فيه احد يعني مثلي
احيانا اقول معليه حقه ماامنعه اروح باالليل معه واذا جاء العصر رجعت لاهلي الاقي اهلي يقولون ليش تروحين
خليك هنا قوليله ماله داعي انتي عنده طول الاسبووع
صرت بين ناااااااااارين مين ارضي ومين اخلي
والحين انا منقهره بزياااده وابي رد يريح القلب والي ماعندها اسلووووب بليز تحتفظ برايها لنفسه لان الي فيني مكفيني...
الموووهيم نزلنا الاربع الايام كان يوم الثلاثاء الفجر قلت برووح معه عشان مايزعل رحت معه البيت وكملت نوم
وصحيت الظهر وتغدينا ووداني بيت اهلي يوم جاء بالليل قلت بروح معه انا قلت بخاطري عشان لاصحينا نتغداء بمطعم وبعدين نرووح نتمشى واستغل الوقت معه واقضي لبنوتي لاني محتاجه لها ملابس
نمنا يوم صحيت الظهر الايدق جواله يعزمون عليه ربعه يروح معهم قالي تبين ترووحين لاهلك انقهررررت يعني انا بكيفه يوم يبيني ويوم يوديني بلعتها ورحت لاهلي
يوم جاء المغرب قلت بدق عليه جاء على بالي فشااار بقوله يجيب لي ولاني فيني فقره مطاعم لانها ماعندنا بمنطقتنا مطاعم الا بس استراحات ومااحب اكلهم
دقيت وقلت لها قال يصير خير سكرت قلت الحين بيدق علي بيقولي يله طلعي اخذيه بس دق قال تجهزي نروح بيت اخوي بنته تعبااانه بلعتها قلت يلا معليه نروح واجهز واجهز بنتي وجاء واركب الامجهز ذيك الباقه الورد طبعا مولي لا لبنت اخته صراحه انقهرت يوم بغيت الفشار ماعطاني وجه وبنت اخته رايح يدووور ويجهز المهم سكتنا
جاء الخميس طبعا متعودته نروح لجدتي ام امي نزور يعني خالاتي وجدتي وكنت جالسه البس واتجهز الادق علي قال اليوم عند اهلي عزيمه في الاستراحه علشان بنت اخته متزوجه قلت اوكي مومشكله بس مب الحين لاجاوا حريم اخوانك تعال اخذنا قال طيب وسكرنا طبعا جلست اجهز ورحت بيتي من غيرمايدري وجبت لي ولابنتي ملابس ولبسنا ورحنا بيت جدتي يقولون نحسبك بالعشاء قلت لا عندنا عزيمه شوي بيجي واجلس انتظر وانتظر وين الرجال لاجاء ولا دق استحيت من اهلي وش اقولهم يقولون وش فيه ماجاء قلت مدري وانقهرت قهر وسكت
يوم الجمعه الفجر بنتي تعبت وحرارتها ارتفعت عطيتها مسكن ونامت صحيت الصباح وشفت الحراراه ارجعت قلت لازم ادق عليه دقيت ودقيت مارد علي استسلمت وعطيتها مسكن ودعيت ربي يحفظ بنيتي ولايحرمني منها ونمت طبعا من التعب ماحسيت انه دق كذا مره على جوالي ماسمعته الاابوي يصحيني بعد صلاه الجمعه يقولي كلمي زوجك داق البيت دقيت عليه وهزئني عشاني مارديت عليه وسكر في وجهي ممداني اتكلم حتى انقهرررت وسكت
يوم جاء العصر قالواعماتي بيروحون مزرعتنا قلت وياكم ورحت معهم بس ماتهنيت البنت تعبانه وطول الوقت تبيكي وحراره دقيت على ابوها ولارد علي ولاشي رسلت له رساله ابي مسكن بنتك تعبانه ولاشي اخر شي دقيت على اخوي وماااقصر خلاص هنا انا انفجرت جاء يوم السبت قال يلا قومي للبيت ورحت معه طبعا غصب عني اروح وانا حدي منفجره قهر وهو ولاكانه صار شي انا معطيته وجه قال قومي نطلع نتمشى قلت مب طالعه قال طيب عشاء قلت ماابي ولاتكلمني بعدها مشينا لبيتنا في المنطقه الثانيه قهر انتظلا هالاربع الايام اروح واجي حتى ماقضيت الي ابيه حتى المطااعم ماشريت ولاشي وانا متلهفه لهم لاني طول الاسبوع طبخ في طبخ والقهر حتى مصرووف زي الناس مايعطين رامي علي 15 ريال بذمتكم احد يعطي زوجته كذا لو ماعنده اعذره بس القهر ضايعه فلوسه على اهله واخته اووف بس حتى انا لي حق مثل مالهم حق وليومكم ووانا ساكته مااكلمه هو يسولف عااادي بس مااعطيه وجه واذا بقى هذاك الشي خذه بالغصب انا خلاص قفلت معي ولااعتذر ولاشي اخره امس
جاء قرب مني قلت له بعد عني ولاتكلمني وبعدها خلاص قفل علي ولاجلس يكلمني عايشين مع بعض بس كل واحد بجهه ادري بتقولون كاتبه قصه حياتها بس حدي متضايقه ابي افضفض :angry:
الي تدخل بليييييز يانصيحه تنصحني فيهااا ولاتدعي لي وتتاكد انه فيه ملك يقول ولك مثله
المهــــــــــاااا @almhaaaa_4
محررة برونزية
يلزم عليك تسجيل الدخول أولًا لكتابة تعليق.
لاتشكيلي وأبكيلك على الأقل أنتي تروحين وتشوفين أهلك وتجلسين معهم أحسن مني أنا زوجي يقولي أطلبي أي شي في الدنيا بس ماتقوليلي سفرني لأهلي وبحكم أن عندي أثنين توأم الله يحفظهم يارب ولا عندي شغاله فما أخرج من البيت نهائياً غير عالمستشفى والحين أترجاه يوديني لأهلي أبغى أفصل فستان لزواج أختي وأقضي من عندهم ومن زمان عنهم حوالي 7شهور ماشفتهم وأرتاح نفسياً شوي من عيالي وعلى هذا كله يقولي لااااا بالله مو قهر الله يفرج همك وهمي والله الصبر له حدود .
الصفحة الأخيرة
انصحك نصيحة وطبقيها وشوفي النتيجه وادعيلي
شوفي ياقلبي الزوج مهما كان هو انسان واذا جيتي بالطيب والكلمة الحلوة وفهمتي كللللللل شي بخاطرك والله صدقيني رح يفهمك
بس بالكلمة الحلوة لا تعصبين ولا تتنرفزين وانتي تشكيلو
شوفي ياقلبي اذا بغى هذاك الشي حسيسي انك بتعطي بس مو بالغصب لا من قلبك
يعني رتبي غرفتكم وشغلي كم ومن شمعه وعطري الغرفة والبسي قميص حلوة وضبطي نفسك ووري انك مهتمة في وانك جيتي عن طيب خاطر
وبعد ماتخلصو اجلسي جنبو واتدلعي عليه وافتحي قلبك وقولي كل شي بخاطرك
صدقيني وقتها كلامك اوامر
وجربي وشوفي