um albaby @um_albaby
عضوة فعالة
أنا وزوجي + التدخين والزمن طوييل << ياوييل حآآلي..
السلام عليكم ورحمه الله وبركاته
اول شيء بما ان احنا في وقت العيد حبيت اقولكم كل عام وانتو بخير
ينعاد عليكم باليمن والبركات ..
وحج مبرور وسعي مشكور وذنب مغفور بأذن الله تعالى < لكل من حج للبيت الحرام
:26:
الحين راح ابدء بمشكلتي العويصة اللي انفر راسي وانا ادور لها حل ومن وين مااجيبها مو راضيه تجي معاي
اول شيء انا انخطبت طبعا والحين تزوجت
الموهم
لما انخطبت طبعا كنت اكلم خطيبي واللي هو زوجي الحين بالانترنت عبر الماسنجر طبعا قبل الملكة وسألته مرة من المرات يافلان انت تدخن او تعسل او جربتهم مرة قالي لاء
قلت له متأكد قال ايوة طبعا
الموهم ومرات الاياام والشهور وتزوجنا وجا شهر رمضان الكريم..وصار وقت الفطور وفطرنا الا وابو شباب قام من السفرة بسرعة ولبس ثوبة وطلع انا استغربت بس قلت يمكن مواعد احد لان مو من عوايدة يطلع وهو ماكمل اكله ولسه ماقمنا من ع السفرة
الموهم ورجع حسيت ريحتة غريبة وكرييهه بس ماسئلته وكل يوم ع هالحاله انا سئلته انت ليش تطلع بنص الفطور وين تروح بالبداية قال ولا مكان اغير جو لكن انا اصريت عليه يعلمني وقال انا اروح اعسل طبعا انا انصدمت بقووة كييف ولييش ومن متى وانت قلت لي ماتدخن ولا عمرك جربتهم وهلم جرا قال انا اعسل بس في رمضان وبعدين خلاص
انا صدقته وقلت بعديها كلها شهر وتمضي
وخلص رمضان ع خير وشفته ماوقف تعسيل لا وتطوورت للتدخين وصار يدخن وانا معاه بالسيارة
وشوي شوي صار بالبيت
طبعا هوااش ومشااكل ع هالسالفة من اني مااتحمل ريحتة ويحشرني
ومرة تهاوشنا هوشة كبيرة جدا وقلت له انا لو ادري انك تدخن كان ماوفقت عليك وتزوجتك انا اكره المدخنين كلهم ولا تخيلت بحياتي اني اتزوج واحد يدخن لكن للأسف انت خدعتني وكذبت علي وعيشتني بغشك وكذبك وخداعك لي في وقت المفروض تكون صريح معاي قلت له ليش كذبت علي يقول ماابيك ترفضيني قلت له يعني انت عارف ان هالشيء بخليني ارفضك اجل ليش تدخن ليش تكذب ليش لييش يقول انا السبب حياته معاي تخليه يدخن طبعا انا لاتعليق ع كلمته
ونصحته بكل الطرق بالسياسة وبالعصبية وبالطيب وبالحب وبالرسالة وبهمسة وحتى واحنا في احلى لحظاتنا
ناقشته عن الموضوع وقلت له انا خايفة عليك ماابي يوم اخسرك والسبب التدخين مابي اعيش بحياتي بدونك انت بالنسبة لي كل شيء وربي بكيت بكى مو طبيعي اترجااه يتركه ووعدني اكثر من مرة قالي اذا حملتي بتركة صدقيني وحلفلي وحملت وضل يدخن لكن برا البيت مايدخن جنبي وقلت يافلان وين الوعد قال يبيله وقت الشغلة اذا ولدتي وانا دايما اقوله لازم تقطع مو زين لصحتك
وولدت ع خير ونفس الحالة مو راضي يقتنع يقول انا مو مقتنع اترك التدخين وصعب اجبر نفسي اتركه
طبعا انا صار مني نفور تجااه مو طبيعي صرت اكرهه ريحتة حتى لو تسبح غسل فمة احسها كريهه اذا قرب مني احس تلوع كبدي وكلمته بالموضوع بعد شهوور طوويلة
طبعا السبب التدخين
ثلااث اربااع مشاكلنا هي التدخين صارت بيننا فجوة كبيرة وكل يوم تكبر اكثر واكثر وانا ابتعد عنه والحين كل حياتي بنتي وماهمني غيرها لاني تعبت معااه
كل الطرق جربتها ولا نفع معاه
سآآآآآآآآآآآآآآآآآآعدوني وربي تعبت من هالشيء
وآآسفة طولت عليكم بس ابي اشرح كل شيء
سلااام
38
5K
يلزم عليك تسجيل الدخول أولًا لكتابة تعليق.
um albaby
•
آآآآآآآآآآآآآآآب
عسى ربي يهديه ويهدي شباب المسلمين ويبعد عنهم هالدخان اللي نشوفه بكل مكان حسبي على من يستورده لهم
الله يهديهالله يهديه
الله يلوم اللي يلومك ياقلبي التدخين شيء يضيق الصدر أستغفر الله ... ويـــــــــنفر ...
وماأوصيك إذا الكلام مانفع معاه .. حاولي تقنعينه بمراجعه الطبيب ... << عل وعسى يجيب نتيجه ..
ولاتنسين الدعـــــــــــــــــاء له وهذا وقت نزول الامطار أستغليها ...<< الله ويــــــــــاك بالتوفيق إن شاء الله تبشرينا قريب ..
وماأوصيك إذا الكلام مانفع معاه .. حاولي تقنعينه بمراجعه الطبيب ... << عل وعسى يجيب نتيجه ..
ولاتنسين الدعـــــــــــــــــاء له وهذا وقت نزول الامطار أستغليها ...<< الله ويــــــــــاك بالتوفيق إن شاء الله تبشرينا قريب ..
الصفحة الأخيرة