الله يكون بعونك ويفرج همك

مادري بايش انصحك .. انتي ادرى بحالك وحاله واذا هو فعلا رجال طيب حنون كريم معك يستحق تتغاضين عن كل شي وتسامحينه
اذا كان هو معدنه طيب لاكن يعصب احيانا بسبب اهله او اسباب انتي عارفتها وبيدك تمنعينها واذا منعتيها يتعدل ..
اما اذا غير كذا .. مدري صراحه اهلك معهم حق .. واشوفه مرخصك كثير كل شوي يقول طالق ؟ مايصير كذا هو يهددك يعني
انا اقول انتي فكري الحل بيدك انتي حنا مستحيل نفيدك كثر اهلك ونفسك حنا نعطيك نصائح سطحيه بدون ان نعرف كل مايحصل وربما نصيب او نخطئ ... انتي شوفي هل فعلا يستحق التضحيه والرجوع له مره ثانيه فكري بعقلك مو بعواطفك لان واضح عواطفك الي تحركك ومتحكمه في مصيركم لانك تقولين احبه حب موطبيعي .. بس صدقيني الحب لوحده مايكفي .. من قايل لك ان الحب اهم شي بالعكس الاحترام والعشره الحلوه والموده والرحمه اهم بكثيررررر .. تاملي قول الله تعالى ( امساك بمعروف او تسريح باحسان) هنا يبين الله ان المعروف والعشره الحلوه والرحمه والموده اهم والا ف تسريح باحسان ..
اذا فكرتي زين واستخرتي بعدها قرري .. ولا تنسين ان اهلك يبون مصلحتك ميه بالميه وهم بالغالب حكمهم على الامور صح لانهم يحكمون بعقلانيه وواقعيه اكثر منك انتي اللي حبيسه قلبك وعواطفك ..
الله يعوضك خير سواء معاه او مع غيره .. ويفرج همك ويريح بالك

نصيحه لا ترجعين لين يخلص البيت
حطي هالشرط
لان شكله موضوع البيت والامور الماديه هي الي توتر زوجك واهله يشحنونه عليك بسبب هالامر

الله يفرج همك يارب

كل هذا وتقولين تحبينه !! ماذكرتي حسنه وحده
ولو فعلا شاريج موكل شوي يهددج ويضربج كله ولا الضرب
عودتيه كل مره تسامحينه
هالمره انتي عطيه قرصة اذن خليه ولاتسألين خلاص ليه متى بتتحملين لو بيتعدل جان من زمان تعدل باجر جدام عيالج يهينج فكرررررري وحطي لاهلج قدر وحشمه وهيبه
الله يكتب لج اللي فيه الخير

حبـــيبتي...لو فيه خير مامد يده عليك فوق إنك متحمله عصبيته ولا تصرفين عليه بعد فكري بعقلك لا بقلبك ياشيخه كيف تحبيه وهو يمد يده عليك؟؟؟ كيف تحبيه وهوماخذك مكينة صراف؟؟؟ كيف تحبينه وهو واحد وأثنين طالق طالق؟؟؟فينها مشاعر الحب ماقريتها بين سطورك كلها... ضرب, هاتي , طالق , أصلا مادام الطلاق دائما على لسانه ثقي أنك مابتطولين معه بتعيشي بقلق أصحي قبل يمر العمروأنت ماعشتي حياة كريمة أصحي قبل يجي يوم وهو مسببلك عاهة مستديمه >> شوفي من كلامك ماحسيت أن زوجك شخص يستحق التضحيه روحي وأفرشي سجادتك وأستخيري ربك هو عالم بأمرك وبأمر زوجك وأجلسي مع أمك وأبوك وخذي مشورتهم صدقيني ماأحد يحبك ويخاف عليك كثرهم وخلي عنك تحبيه أنت ماتحبيه أنت ]].