نصيحه عليك بالسكوت والسكوت وقت غضبه واعتذري وهديه حتى لو ما كنت غلطانه وبعد ما يهدى كلميه وعاتبيه ووضحي اللي تبغيه تلاقيه كله اذان لك صاغيه ووقتها عدلي فيه الخلق اللي مو عاجبك فيه ومع اليام بالطريقه دي حيتغير واسالي مجربه


ووقت الحوارات نصيحة لاتدخلي معاه في حوارات وتنتهي بمشكله بسبب اختلاف وجهات النظر
ع طول خرجي نفسك من النقاش وقولي ممكن رأيك صح ولو كان عندك راي ضده ايش حتستفيدي لو قلتيه غير المشاكل
انا كدا اسوي والحمد لله تمام التماااام

وقدر الامكان حاولي تتخلصي من العصبيه لان الحياة الزوجيه ما تنفع بالعصبيه ابدا ومن يتصبر يصبره الله

وخديها حكمة امام عينيك الحياة الزوجية نصفها صبرررررررررررررر
والنصف التاني الاشياء التانيه

ولا تنسي الدعاء لك وله بان يسخركم لبعض ويصلحكم والاستغفااااااااااااااااااار

وربنا يصلح بينكم

المشاكل اللي بينا عاديه تقريباً

هو من النوع الحجري المتصحر اللي ما ينطق بأي كلمه حلوة نهائياً

ما يتكلم الا بنقد شنيع زي الكبير بالسن المتقاعد!!!


وانا أكرهـ الانتقاد لاني واثقه من كل شي اسويه الحمدلله عمري 23 سنه وكذا شهر وام لبنتين الحمدلله فاهمه وعاقله

النوع الثاني من السواليف اللي هو يتعبرها سواليف

((مزح التريقه )) <<< علي انا !!!

انا احب امزح واضحك لكن مو علي ! لا يعلق على غيري هو حر يقول نكت هو حر وبضحك معه

اما انه يجلس يتريق علي لا طبعاً اكيد بعصب


غير الألفاظ البشعه (( هو يسب ويلعن عادي عنده))

لما صار مبدأه السب صرت اعصب واثور اكثر من قبل وافقد السيطره على لساني



انا بطبعي احب الطلعات والتمشي وهو حاكم علي وعلى بناتي مؤبد بالبيت!!! شقه تجيب الضيقه


هو صحيح ما يقصر باي طلبات لكن جانب التمشي وطلعات ووناسه لااااااااااااااااا والف لا



يكذبني ويصدق بنتي (( في اي شي )) مثلاَ:

يقول لي : البنت اكلت غداها !!!

اقول : لا ما كلت الا ملعقتين !!


يروح يسأل البنت !! بابا تغديتي تقول ايه

يقول البنت ماكله !!! وانتي تقولين ما كلت!!!


يعني هذا مب استفزاز ووقاحه!! يكذب الأم ويصدق طفله عمرها سنتين و8 شهور؟


غير كذا !!!


ما عمري سمعت كلمه مدح وحده!!!!


يمدح امه ويمدح اخته ويمدح بنته!

وانا لا لا كلمه حلوة ولا نظره حلوة ولا شي !!!


الحمدلله انا من النوع اللي اهتم بنفسي


لدرجه بنتي لو تشوفني مرتبه تقول ما شاء الله ماما انتي حلوة ملابسك حلوة !!!


هذا جبل صامت ما فيه لا كلام ولا حتى نظرات!!!!



و24 ساعه نايم!!


والا وقت الدوام تعبان من الدوام




00((( تفاهم بيني وبينه صعب جداُ مستحيل حتى ))00

عجزت دايم اقول له انا ما أحب هالأسلوب انت بكذا تخرب حياتنا

يقول انا ما استفزك !!

انتي عصبيه!!

تعصبين على اي شي!!


وهو فعلاً يستفزني وباااااااااااارد جداَ جداً

ومطنش

والله العظيم قرفت وزهقت


ان مسكت نفسي ولا عصبت وحاولت اني اتجاهل تصرفاته وانتقاده قال انتي ممله بس ساكته!

وان سولفت وضحكت قال ليش تضحكين

وان عصبت وصارخت قال ابليس!!!


مدري وش يرضيه!!


عجزت عنه

اول زواجنا عقدته الطبخ

طبخت وصرت طباخه على قولتهم الحمدلله هذا شي كويس اني طورت عمري عشان ارضيه


هو ما غير بعمره شي


جبت له بنتين زي القمر ووحده منهم سميتها على امه عشان ارضيه وعشان امه محترمه ياريته طلع زيها


وقبل امس يقول انتي ما سميتها حب !! انتي تحبين المظاهر قدام الناس انك مسميه على خالتك ام زوجك!!!!


بالله هذا شي يفرح والا يفهر؟!




حتى بشكلي لما طلعت من النفاس خليته على ذوقه قلت ما راح اسوي شي ما يعجبه

لون الصيغه وطول الشعر

وووالخ


لكن لا سمعت كلمه حلوة ولا شفت شي




اقول له تحبني يقول هذا سوال اكيد احبك!َ وانا احبه حيل

لما اتعب يركض بي للمستشفى وهو لما يتعب اداريه


بس ما ادري وش الخلل فيه !!

وش السبب بالطقاق؟



على فكره من ايام ملكتنا واحنا حروووووب


حتى ليله زواجنا ما نكلم بعض

وكل عيد متهاوشين


دايماً مشاكل

لاتزعلين مني تبين الصراحة والنصيحة من اول ماقريت مشكلتك حسيت الخطا منك واكد كلامي لما قلتي انك عصبية ياقلبي اتحطين راسك براس الرجال مايصير حطيها بثلاج لاتضخكين يعني اصصصصصصصصصصصصبري بناته له خق اتحكم في تربيتهم ويبدي رايه البيت نفس الشي وتعالي بقولك نصيحة اخت تزعلين علي زوجك اسبوع لا ياقلبي مايصير بكذا راح اتنفرينه منك تدرين شنو مشكلتك العناد والحل سايسيه واذا عصبتي لاتقعدين قدامة يعني لاتناقشينه والله اسخرة لك ياقلبي ولاتزعلين من نصيحتي ابي مصلحتك وكل عام وانتم بطقاق ههه قصدي بحب

انا اعصب لما يوترني بس مو طوال اليوم معصبه!!! كان احترقت

والبنات يتدخل في تحميمهم وترضيعهم وووالخ اعتقد الاطفال بهالعمر الأم هي اللي تعرف تهتم فيهم!!!

وانا ما رحت لبيت اهلي زعلانه!!

بس رايحه عشان عطله وبنتي تحب تلعب مع خواتي وقلت فرصه تغير جو يمكن يشتاق لي ويخفف انتقاد

والا الحمدلله يارب من تزوجت ما قد صارت مشكله بيينا توصل اني اطلع من البيت او اهلي يدرون عنها او اهله

اقولك مشاكل عاديه مو مشاكل طلاق !!!



هو طبعه بارد ونقاد واستفزازي للي قدامه

هذا طبعه!!

عشان كذا حتى اصدقاء ما عنده !!

فحاط حرت الدوام وحرت الجلسه لحاله فيني !!


ما عنده اي احد يطلع يتمشى معه !!

من البيت للدوام من الدوام لبيت اهله وبس!!


ما يرفه عن نفسه او يغير جو او يطلع مع شباب بعمره!!


هذا اللي يخليه يفش تعب الدوام والقلق فيني انا


بس انا تعبت وضعنا صاير سيء من كثره النقاشات الحاده اللي اخرتها زعل ونكد ونفسيه زفت!!

المشاكل ملح الحياة

الله يهدي سركم