السلام عليكم بنات
بقولكم سالفتي انا زوجة ثانية والأولى من دولة عربية وسبق كتبت مواضيع ان زوجي يفضلها علي ومايعدل بينا والسبب كل ماقلت ليش ماتطلعني وولدي قال عندج اخوان واهل وهي مسكينه متغربه واذا قلت ليش ماتصرف علي مثلها قال انتي موظفة وهي مسكينة ماتشتغل واذا قلت ابي خدامة مثلها قال جيبي من معاشج وجبت واذا نام بالبر مع ربعه
تكون ليلتي ومايعوضني بدالها يعني اليوم ليلتها وبكره ليلتي نام بالبر بعد بكره ليلتها ينام عندها فهمتو؟ 3 ليالي ماشوفه واذا قلت انت امام ومتدين خاف ربك واعدل عصب وانا والله مااخذته الا عشان دينه هو زين يحبني ( يبين بس بالعلاقه وانه يراضيني اذا زعلت ) ويعني في اشياء واجد تخليني اغير من شريكتي وانا احس يسويها بخوف منه كم مره بين لي انه يخاف لاتاخذ العيال وتهج ديرتها عشان جذيه ماجنسها يقول ادري اول ما اجنسها راح تستقوي اكثر وتطلب الطلاق وتاخذ عيالي
المهم انا وضحتلكم بهالمقدمه وضعي عشان تعرفون تحكمون
الحين طال عمركم صارلي 3 سنين تزوجت وعندي ولد عمره سنة و9شهور الله يخليه لي
هي عندها ولدين وبنت
اول صيف انا كنت حامل بالتاسع ماسافرت وهو سفرها لديرتها قعدت 3 شهور تصيف وكانت طبعا هابشه من معاشاته ( هو مدرس ويعطونه 4 معاشات الصيف ) انزين انا اعترف من حقها تسافر كل سنة وأنا؟
انا اول صيف كنت حامل مارحت وهو على فكره كل صيف يروح بلدها في منطقة تقرب من منطقتها ساعه وهالمنطقه هي منطقة اهل ام زوجي ( نفس جنسيتها ) خالتي ام زوجي عندها بيت فبلدها ويبعد عن بيت ضرتي ساعة وزوجي يروح كل سنة من قبل لايتزوجني لهالبلد مع امه وضرتي يوديها لاهلها تقعد عندهم وهو يقعد عند امه لانها مشلوله وتحتاجه كل ليله يقرى عليها هي نفسيتها تعبانه الله يشفيها انا ادري كتبت قصة حياتي بس عشان تعرفون تعطوني الراي الصح
يعني ام زوجي ماتستغني عن زوجي ولا يوم انا الحمدلله مقدره هالشي ويعلم الله دايم احثه يبرها والحمدلله دايم يمدح هالخصله فيني ويقول ان السبب الرئيسي لزواجه على ضرتي انها ماتحترم امه وتسبب مشاكل وماتبيه يروحلها كل يوم ياويلها من ربها
انا مثل ماقلتلكم او سنة كنت حامل السنة الثانية سفرني صلالة والله ياناس ماتهنيت زوجي انقلب شخص ثاني كله متنرفز(كان مغلق جهازه مايبي زوجته تكتشف انه موديني صلالةوكان يخاف لاتعرف)وكان على اقل شي متهاوشين كانو اتعس اسبوعين بحياتي وكل يوم لازم ابجي غير اني متعلقه بولدي حيل وكنت حاطته عند امي فديتها وهو عمره 10 شهور ومتعلق فيني بس شسوي كانت اول سفرة وماحبيت افرط فيها
والحين الصيف الثالث ربي ماكتب اني احمل مع اني احاول من سنة بس الله كريم
يعني هذي احسن فرصة ولدي وخدامتي معاي نروح مع زوجي وامه فبيت ام زوجي واستانس لاني مااضمن السنة الجاية كاني عايشة يمكن اكون حامل او عندي بيبي صغير الحين احسن شي خفيفه بس وين المشكلة؟
طال عمركم زوجي مو راضي مره يقول كيفج بتجين تعالي بس خلي احد اخوانج يجيبج بالطياره لاني مااقدر اخذكم مع بعض بالطيارة شفتهو القهر؟ لايقول انتي عادي بس ولدج هو الي بيفضحنا يقصد انه راح تعرفه اذا شافته بالمطار يبيني اتخفى عادي بس ولدي خرب علينا شفتو التفكير؟ لا بعد يبيني اجي بحسابي التذاكر لي ولولدي وخدامتي واخوي واخوي عشان محرم يوصلني وبنفس اليوم يرد المسكين انا عادي اقدر الحمدلله اخواني مايرفضون لي طلب الله يخليهم ماشاءالله
بس بالله عليكم حطو نفسكم مكاني يعني زوجج يقول اخاف على شعورها وماابيها تشوفج بالطياره وتبين الحقينا ؟ شنو انا عشيقته؟ :( الله يسامحه انا الحين محتاره اروح واقهرهم كلهم واستانس بالجو والطبيعة الحلوة مع ولدي او اقعد واحفظ كرامتي؟ علما بان ضرتي وصلني كلام انها تقول مو ع كيفها تيجي لبلدي؟؟؟ شدعوه يعني هي مو عايشه بديرتي وتاكل من خيرها غريبات هالاجنبيات مالت بس
المهم انا بشوف الاكثرية تصوت على شنو الي تدش تكفون بس تقولي
1- اروح الحقهم وافرض نفسي عليهم علما ان ام زوجي عزمتني وقالت حياج راح تستانسين بالطبيعه والبراد
2-اوفر فلوسي واروح مع اهلي لمكة والطايف ابرك لي ( هذا راي اغلب اهلي ) يقولون افتكي من هالاجنبيات لايحطونلج بلا ( يقصدون خوات ام زوجي تضامنا مع شريكتي) ههههههههه بس انا متكله على الله الحمدلله وهالشي ماخاف منه ولا اعبره
علما بان مكة الحمدلله رحتلها ولا 20 مره اللهم زد وبارك وبأي وقت اقدر اروحلها بس هذه فرصتي اكون مع زوجي لان ماعنده اجازه الا بالصيف
مشكورين واسفه على الاطاله
أمـ الغـالـي @am_alghaly_24
عضوة فعالة
يلزم عليك تسجيل الدخول أولًا لكتابة تعليق.
lazourdee
•
روحي مكة والطايف مع اهلك واستانسي وش لك بالمشاكل ووجع الراس
الحقي زوجك بالطيارة واستانسي مادام أم زوجك عازمتك وهو معه حق هي رايحة تزور أهلها صعبة ياخذكم بطيارة وحدة والله يعينك ع المشاكل إذا درت انك جاية وانت ادرى اذا منت قادرة ع الوقوف بوجهها الله يعينك ع هالجارة
منار1404
•
الحقي زوجك بالطيارة واستانسي مادام أم زوجك عازمتك وهو معه حق هي رايحة تزور أهلها صعبة ياخذكم بطيارة وحدة والله يعينك ع المشاكل إذا درت انك جاية وانت ادرى اذا منت قادرة ع الوقوف بوجهها الله يعينك ع هالجارةالحقي زوجك بالطيارة واستانسي مادام أم زوجك عازمتك وهو معه حق هي رايحة تزور أهلها صعبة ياخذكم...
الصفحة الأخيرة