السلام عليكم
هلا بكم خواتي مابي اطول عليكم :) بدخل مباشره بالموضوع
انا بمنطقه بعيده عن اهلي واهل زوجي وعندي بنفس المنطقه يسكنون
ثنتين من سلفاااتي بصراحه كنت اروح لهم ويجوني بحكم ان كلنا
مغتربين عن اهلنا ومالنا احد هم طيبين بس بصراااااحه لاحظت عليهم شيء
وكنت من اول الاحظه بس مطنشه بس زادوا للأسف :44:
اللي لاحظته انهم ان اجتمعنا مع بعض سواء جوني بالبيت او انا رحت لهم او طلعنا مع بعض
يتكلمون عن اهل زوووووجي دائما مثلا يقولون اخت زوجي راحت للمكان
الفلاني وجت من المكان العلاني وشرت وسوت واذا سكتت قاموا
يقولون شكل ماعندك الاخبار اللي عندنا انا مايهمني من وين يجيبونها ولا تهمني اخبارهم يتكلمون حتى لما اخو زوجي خطب يوه صارت
سالفة العصر عندهم من بياخذ ايه بياخذ فلانه مدرسه او طالبه ياربي وش دخلنا اهم شيء ان الله يوفقه وبس ويسولفون مع بعض قدامي انا اتضايق كن مافيه سوالف الا هم:mad:
ويعلم الله اني مااحب اشاركهم لاني مااحب اتدخل** واسولف مع بنت اخو زوجي بأي شيء
او أستأذن اني بروح اشوف ولدي يعني الهي نفسي وابعد عنهم عشان مااشاركهم الين يخلصون
ويوم تزوج اخو زوجي بعد مدة جتني سلفتي الكبيره زياره للبيت وكانت قبل رايحه للمنطقه
اللي فيها اهل زوجي وجالسه مدة هناك ماخلت ولا بقت شيء وطول الوقت
تسولف عنهم وانا مره اروح للمطبخ ومره اسولف مع بنتها انا ماتهمني اخبارهم وين راحوا ووين جو بس تعبت :09:
انا بحااااالي ومااحب اتدخل بشيء مايعنيني المشكله احيانا تقول كلاااااام مو معقول تزيد وتنقص وبصراحه
قلت لنفسي بما انهم يسولفون عندي عنهم اكيد يسولفون عند غيري وانا مالي شغل بهم هذا
شيء بينهم وبين الله :angry:
خصوصا ان رمضان قريب واكيد بجتمع معهم فيه مابي يضيع الوقت بكلام وغيبه ابي حل بحيث انهم ان جو يتكلمون عنهم انصحهم دون اجرحهم انها تعتبر غيبه
وانا مااحبها وحرام والله بيحاسبنا عنها ( وهل يكبوا الناس في النار الا لحصاد السنتهم) بما معنى الحديث
انتظر الحلول يالغاليات لاني كرهت شوفتهم بهالسبب :mad:
* تاج الوقار * @tag_alokar_1
عضوة شرف في عالم حواء
يلزم عليك تسجيل الدخول أولًا لكتابة تعليق.
الحلاغند
•
صراحه مالك الا انك تصارحيهم بانك ماتحبي تتكلمي في اهل زوجك وخليهم يغيروا الموضوع او انتي اذا فتحوا الموضوع قفليه وغيري السالفه واذا تكرر وفتحوه قفليه وبكذا راح يحسوا انك ماتبغي الكلام وراح يحترموا رغبتك ومايتكلموا مره اخرى
أختي تقدرين تحطين مطوياااات
او كتب صغيرة عن النميمة والغيبة على الطاولة اللي أنتم جالسين فيها
او كتب صغيرة عن النميمة والغيبة على الطاولة اللي أنتم جالسين فيها
الله يعينك بس اذا جلستوا تسولفون جيبها بطريقه غير مباشره
قولي لهم شرايكم نغير الموضوع شرايكم بالمحل هذا ؟؟ او محل الاثاث
قولي لهم شرايكم نغير الموضوع شرايكم بالمحل هذا ؟؟ او محل الاثاث
الصفحة الأخيرة
ربي يحفظ لك عيالك ..
وبالنسبه لسلفاتك ربي يهديهم مو لاقين شي ينشغلون فيه غير الكلام بالناس حتى لو كانوا يسولفوا عن اهل زوجك ..
بصراحه .. في مواضيع كثيره تقدرين تشغلينهم فيها ..
مثلا تكلموا عن اللبس او عن الطلعات برمضان او العيد ..
او اي شي ثاني ويكون في اطار مايخرج للحش والكلام عن الناس