أنا وسلفتي مرة أخرى

ماشاء الله عليكم ياريت عندي سلفه مثلج والا مثل زوجة اخو زوجك
الله يبارك فيكم ويكفيكم شر العين والحساد والقيل والقال

نصيحه من اخت ارمي كلامهم ورا ظهرك ولا تهتمي لا انتي ولا هي باللي يقولونه او شو تسوون وشو تعملون لما تقابلونهم مصيرهم يملون يمكن لان توها هي جديده وتو علاقتكم باديه فيتوقعون توقعات مالها اساس واذا قعدتو تدققون وتحاسبون شو راح يقولون وووو ترا راح تتوتر العلاقه بينكم صدق وبعدين يمكن يصير في غيبه ونفور منكم تجاه اهل زوجك
عشان كذا كل حد في حاله واتفقي معاها يتكلمون عنك قدامها او يتكلمون عنها قدامك ولا وحده تجي تقول للثانيه لان هذا باب للكره والحساسيه لو ما تأثرتو اللحين يمكن بكره لما يصير عندكم عيال ويصير الاحتكاك اكثر بينكم بحكم الجيره تتأثر علاقتكم

ونصيحه نصيحه من اخت لك لها باع طويل بالزواج ومشاكل الاهل خلي علاقتك بها بحدود يعني صح صيرو خوات واطلعو قعدو مع بعض بس لا يصير البساط احمدي وايد !! عرفتي علي يعني ياريت كل وحده ماتتدخل بامور الثانيه بيتها شخصيتها عيالها انا مب قصدي المساعده وتقديم العون لا ابدا ولكن لكل وحده طريقتها في بيتها ومع زوجها وعيالها خلو في شوي حدود بهالامور لان بيتعدى الموضوع وبيوسع وبيصير يطول الازواج والاهل وغيره

بالنسبه لي عندي سلفات حبت وحده منهم تكلمني اهلا وسهلا ماحبت براحتها وعلى فكره ناااااااااااادر لما تتصل ويمكن اقولك ابدا ولا مره اتصلت فيني وحده منهم تسأل عني او عن عيالي !!! يعني اذا في حاجه ملحه يتصلن يسألني وبس مع اني اسال عنهن اذا صار شي او كانن غايبات فترة من باب المجامله فقط واهديهن واهدي عيالهن بشكل محدود غي رمبالغ فيه وهن ولا مره اهدتني وحده منهن يمكن عيالي بس لي ابدا !!!

والحمدلله انا مرتاحه وهن مرتاحات وخصوصا اني في بيت بروحي مفتكه من المقارنات وعوار الراس لان صارت مقارنات في البدايه وسكت وطنشت ومع الايام ملو اهل زوجي والناس من المقارنه وبان كل حد على حقيقته وشخصيته لان كل وحده منا لها شخصيتها مستحيل انا مثل غيري نجتمع ممكن نسولف ونضحك وبسسسسسسس اعزم اجامل وبس بحدود مب بشكل مبالغ فيه

انتي متحمسه وهي بعد الظاهر انتو الثنتين طيبات ويمكن عشان ازواجكم عشان تكبرون بعيونهم اكثر ويحبونكم اكثر تحاولون تقربون من بعض بهالطريقه القريبه جدا بس من رايي هذا مب لصالحكم ولا لصالح ازواجكم خلوها جيره وزيارات حلوه وعزايم وبس

شكراً لكما أختاي

نبض الوفا و غرشوب رعبوب على الاهتمام والرد ... جعله الله في ميزان حسانتكم إن شاء الله

قمة في الأخلاق يا ختي

الله يزيدك ويبارك لك

عموما الناس اللي متل هيك ممكن انت وسلفتك تتسلوا بمراقبتهم و هم يحاولوا يفرقوا بينكم ... يعني لا تقهري حالك بالعكس رفهي عن نفسك و اضحكي على خيبتهم التقيلة :)

اختيـ شريط الزواج الي بتوقعيك حق اخو زوجك وسلفتك الي بالموضوع ؟؟

اعذريني احسك مشغله عمرك كثييييييييير فيهم اكثر من اللزوم !!
انصحك لوجه الله توجهين هالاهتمام لنفسك وزوجك واطفالك وقبلهم رضى ربك

وانسي هالعالم رضى الناس غايه لا تدرك
ومهما قصر الزمان ولا طال طبيعي يصير بينك وبينها مواقف ممكن تزعلكم من بعض انتم بشر مو ملائكه ان كنتي تريدين المثاليه في كل شي ابقي علاقتك فيها رسميه بدون جلسات هالمصارحه الي مالها داعي حاليا ً بنظري خليكم ع الطبيعه افضل الا اذ صار شي لا سمح الله يحتاج هالجلسه !!

وبخصوص المقارنات وغيرها فاماشوف المفروض يكون فيه مقارنه انتم مو عرايس بنفس اليوم او الاسبوع انتي زوجه وام ماشاء الله وهي لسا عروس باديه حياتها

بعدين معروووووف اذ عطيتوا التعليقات والمقارنات اهميه من جهتكم واعتبرتوها امر جدي
راح تكثر وتستمر ماتوقف بتاتا ً

لكن لو ماعطيتوها اهميه وطنشتووو وتناسيتو راح يملون وماراح يصير الامر ممتع بنسبه لهم وبيدورون غيركم :)

وربي يطمن قلبك ويخلي لك زوجك واطفالك :26:

..
.

يا ساتر يا اختي فيه ناس يحطوا افتراضات من عندهم يعني طالما سلفتين خلاص اكيد غيرانيين من بعض وحاسدين بعض كانه ما همنا الا صورتنا امام اهل الزوج وما همنا الا هم
اف اكره هذه التصرفات
انا سلفتي تزوجت بعدي وحملت وانا ما حملت و حصل لها معي موقف في موضوع معين بيني وبينها وكانت بعد هذا الموقف حامل ففكروا على طول انني غيرانة منها لاني ما حملت
وهكذا مع كل حمل لها ولاخوات زوجي صاروا يحرصوا على انهم يخبوا عني طالما اني ما حملت يعني اكيد اني حأحسدهم
وتعالي شوفي مرة تخبي بطنها بالعباية
ومرة تقول انا بدي اعمل رجيم لان وزني زايد ولا تسالني اذا اشاركها في الرجيم
ومرة يتكلموا مع بعض بالرموز كيف يا فلانة وكيف التعب معاك
اووحدة تقول انا كشفت عند الدكتور وقال انو عندي التهاب في الرحم
ومرة تقول اقولك سر بس ما تقولي لاحد تراني اسلبت يعني تعطيني الاخبار اللي تسر الحاسدين .
جلست معاها جلسة مصارحة وقلت لها كيت وكيت وقالت لي انه احد فسر زعلي منها انه الحمل
وانا زعلت منها لسبب ما اقدر اقوله لاحد ابدا احتراما لها
والحمل لله صرنا مثل السمنة على عسل بعد ما كنت اشفق عليها من سوء الظن بي اللي يالمها ومكدر عليها حياتها .
ومازال اهل الزوج يتعاملون معي على اني حاسدةمع اني حاضنة ايتام مثل القمر ومكتفية بيهم ودندوش العسل ارسلت لي من الاردن كتاب لتعليمهم العبري عشان يكونوا مميزيين .
ما ادري ايش اسوي غير اني اقول حسبي الله ونعم الوكيل تغيظني لما تقول لي وبصوت واطي وبنص عين وبنظرة حادة وابتسامة خبيثة
(ادعيي لفلانة انو ربي يسهل عليها حملها طيب ها !!! ....ها .!!!! .)) !!!! كيف ارد عليها ؟ اليي تعطيني رد حلو يبرد على القلب والله لادعيلها من قلب .