أنا وشغالتي..

يابنات انا استقدمت شغالة فلبينية عن طريق رجل ب 27 يعني خسرت عليها غير راتبها العالي عشان عندي طفلين صغار بس يابنات عجزت ابلعها مع اني محتاجتها واداوم بدل مرمطتي مع البزران كل صبح بهالبرد ووراي دراسة وعيالي صغار جبتهم ورى بعض واحاول بسرعة اخلص محاضرتي وارجع وهذا اثر حتى ع دوامي فكرت بالكاميرا بس يابنات عجزت ابلعها نفسي اغيرها بس اقول امسك بمجنونك ليجيك اجن منه هي حرمه كبيرة متزوجة ولها عيال وعطيتها جوال بدون كاميرا ماقالت شي وحددت لها 3 ارقام بس للاتصال واصلا ماتعرف للنت بس مدري وين المشكلة والله يابنات انها قايمة بشغلها وزيادة مااظلمها بس عجزت اهضمها لها عندي 4 شهور وانا طالبتها ماهي مشتغلة جتني مشتغلة ياما قايلة بس يعني ماتعبت معها وحمدت ربي..تتوقعون يابنات القى احسن منها وكيف اقدر ابدلها لو ع كيفي استغني عنها بيتي شقة بس كل ماافكر بعيالي ودوامي تلف بي الدنيا حتى طلعتي بتكون مره صعبة غير النوم والدوام وصراخ الرجل غداء وعشاء الله يوفقكم انصحوني