أنا وشغالتي الاندونسية والخووووف من السحر/ قديم

أسعد الله أوقاتكم حبيباتي
أنا عشت فترة بدون شغالة وبحكم أني متعودة عليها حسيت بتعب وهلاك وتوتر
فيه عندنا شغالة تجي احيانا تشتغل بالساعات وفي يوم من الايام طلبتها تجي تساعدني
المهم كانت مشغولة وأرسلت وحدة من طرفها
عاد أنا سألتها عنها قالت يامدام هذي شغالة مسكين يبغى أحد سوي اقامة ويبغى كفيل
طبعا أنا فرررررحت والارض مو شايلتني من الوناسة قلت تبشر
المهم باختصار اتفقنا ورحنا السفارة وسوينا العقد وواتفقنا على الراتب ويوم إجازة
اللي صار يابنات ان الشغالة اللي جابتها لي طلعت ساااحرة وأمس مسكتها الشرطة
طبعا شغالتي تقضي الاجازة عندها
ملاحظاتي على شغالتي
من يوم ما جاتني وانا احلم بالجواثيم او ما يسمى البرك وماعمري حلمت بذا الشي غير اول ما جاتني
الشي الثاني انها مستحيل تحط عينها بعيني حتى لما أكلمها تمشي وتعطيني ظهرها وكنت اشتكي لزميلاتي من هذا الشي اقول مدري اشبها كشره وماتعطيني وجهه
الشي الثالث مستحيييل تروح معي لامي رغم اني اقولها لا تسوين شي بس خليكي مع ولدي عشان مايخرب شي حتى زوجي لما كلمها رفضت
ولدي عمره اربع سنوات مسسسسستحيل ينااام بالليل دااايم سهران بالليل من اول ما جاتني طبعا
صرت اروح الدوام وانا مرهقة منه وهو ينام الصبح ويصحى الظهر اول ما ارجع البيت
تأجل بعض الاعمال وماتسويها أول ما أقولها عليها وبنفس الوقت انا ما أكلمها ولا انا قشها حتى اخليها على راحتها
احيانا استحي اطلب منها شي واسكت او اقوم اسويه بنفسي
يا بنااات انصحوني ايش اسوي معها اخاف اكون ظالمتها
واخاف اظلم نفسي واولادي بوجودها
انا حامل وولادتي برمضان
شورو علي احس راسي بينفجر من التفكير ما صرت احس بالأمان بوجودها