شذى الدوسي
يا اختي لا تعممي فشل علاقتك فربما تلتقين بصديقة صدوقة
واصدقاء النت انا اعرف بناااات هنا والله اعزهم من كل قلبي

كبسولة
يا عيني على الحكم

صدقتي ما راح نندم بيوم على الصمت

اختي هديل
شوفي انا ما كتبت الموضوع هذا بدون هدف
والله كانت عندي صديقة من سنين واحنا متزوجات بنفس الشهر واولادنا بنفس العمر
ما اخبي عنها شي اعتبرها بمثابة اختي اللي مسافرة وما كان عندي البديل عن اختي غيرها اتصل باي وقت اقولها اي شي بدون خجل او مقدمات
صحيح نصائحها لا تعتبر نصائح جيدة وانمما طائشة بس كنت اخذ بكلامها واتأثر منها
وانصحها بعدين عرفت بلسانها ان اسراري تقعد تقولها حك كل اهلها والكل يعرف عن وعن اسراري
هني حطيت علامة حمرااااااااااااااااء وما عدت اقول لها اسراري هي حست اني ما عدت اقولها زي زمان بس انا اطنش وما قطعتها اتصل لها حتى بعد ما اختي خلصت دراستها اسراري اقولها لاختي الله لا يحرمني منها وهي حك سوالف وضحك واسمع اسرارها واخبيها
وانا متعوده كل عيد اتصل عليها اعايد وما يمر اسبوع الا واتصل
هالعيد ما اتصلت ولدي كان وااااااااااااااااااايد تعبان وبالمستشفى

تصوري بعد العيد باسبوع اتصلت طبعا كنت ماخذه بخاطري منها ومزاجي متعكر على ولدي
وما رديت وطرشت لها مسج اني ما اقدر ارد لان ولدي مريض وباتصل فيج باقرب فرصة


ردت بمسج """والله كلنا مرضى """ يعني الواحد يقول على الاقل اجر وعافية

خلاص انا تركتها اذا بتتصل بارد وما بينا الا السلام
بس انا مو من النوع اللي اكتم بقلبي يعني باقرب فرصة راح اقولها اللي بقلبي كله وباسمعها وبقولها انها تغيرت وبحسسها بهالشي
وانتي يا هدولة اذا تقدرين تقابيلنها وتعرفين السبب ليش لا ما فيها اهدار للكرامة مجرد مناقشات اذا في شي مضايقها منج بتعرفينه واذا ما في عرفي ان الزمن تغير وغيرها معاه

الا صديقتي هذي عمر الزمن مايغيرها
لانها غير عن بنات جيلها سابقتهم كثثثثثثثثثثثثثثثثثثثثثثثير
اما الانسانة اللي كتبتي الموضوع عشانها
تعتبر صديقة عادية او حتى زميلة
وبدون زعل (ما عليها حسوفة )

ياريت يكون عندي صديقه واعرف معنى الصداقه انا في عمري ما جربتها ما اعرف ليش مع اني اجتماعيه وين ما راحت من عزايم وافراح اكون اول المبادرين بالكلام ما عندي احد اللهم الاقرباء يعني الاهل واخت وحده وصديقه من ايام الابتدائي لكن ليس ذلك الصداقه الي اشوفها من البنات مرات اغار من اختي لان صديقاتها كثر ومرات اقول احسن مرتاحه من رنه التلفون كل دقيقه وحده تتصل اكيد للصداقه طعم حتى زوجي مستغرب ان ما عندي صديقات هل هذا عادي

والله ان ودي يكون لي صديقه مرات اتعرف على بنات في الصالون ودي يقولون لي نبغي انصير صديقتك
ولكن ما يصير اصادق اي احد
مع ان الكل يحبني في العائله واذا في تجمع لا يمكن يصير بدوني

لا اشارك اسراري احد
لا اخذ راي احد في عطر في مكياج في ملابس كله معتمده على نفسي

هل هذا غلط
ادري اطولت في الكلام لكن ودي اجرب الصداقه اللي تتكلمون عنها

انا منصدمة وبقوووووووووووووووووووووووووووووة

لي عودة لأن السالفة طويلة ومااحب اذكرها

هديل
معاك حق حتى اختي تقول ما عليها حسوف
هي ما كانت جذي بس احين مرة تغيرت واحسها غريبة
وحبيبتي احس صديقتك ما تتعوض وتستاهل انك تكلمينها

فطومة الحلوة
ما تدرين يمكن لان الله يحبك ما يبغي يورطك بصداقات تكون نهايتها جارحة
حاولي اذا شفتي انسانة خلوقة واجتمعتي معاها اكثر من مرة تعزمينها عندج
وتاخذين رقم تليفونها وتتقربين منها بس لا تقولين اسرارك لها الا بعد ما توثقين منها

imay
ناطرينك