،
السلام عليكم ورحمة الله
صباح الخير والرضى والتوفيق للجميع
أنا سبق ونزلت موضوع عن مشكلتي مع صفة ذميمة ، موضوعي اليوم هو استشارة لردة فعل
أنا ولله الحمد لي تقريباٌ سنتين كل أسبوع أجمع اللي ربي يكتبه من مصروفي وادخره لاخر يوم وهو يوم الاربعاء - قبل التغيير - ، وعادة يكون المبلغ من 15 ل 20 ريال كل أسبوع ، واعطي معلمة عندنا مرشدة بالأصح تتبرع لبنات معينيين من المدرسة ، المهم قبل فتره استأذنت من الاستاذه عشان انزل للمرشدة اعطيها الفلوس وطلعت ، وزميلتي استأذنت على انها تروح لدورات المياه. - أكرمكم الله - ولحقتني ، وشافتني لما دخلت غرفة المرشدة ، المهم يوم طلعت للفصل كملنا اليوم عادي ، ورحت للبيت ، واليوم الثاني مسكتني صاحبتي هذي وقالت لي وحلفتني بالله وش كنت اسوي عند المرشدة ، وانا ما عمري علمت احد حتى امي ما علمتها ، قلت لها لا تسأليني بالله ، المهم قامت تقول انا صديقتك ومدري ايش وليه ما تعلميني وانا اقولك كل حاجة ، قلت لها السالفه الصدق ، المهم صدقتني ووقلت لها اسباب عدم كلامي في هذا الموضوع من قبل ، اني ابغاه لوجه الله ، المهم مر اسبوع ، و كنا نسولف واتفقنا نروح سوق سوا ، المهم قالت ما معي فلوس وش رايك تعطيني من فلوسك اللي تعطينهم للمرشدة انا اولى - بمزح طبعاً - المهم قلت فداك اجاريها بالمزح ، يوم قلتها ، قبت بوجهي قالت تري من جدي والله اتكلم ابغاة تعطيني الفلوس اللي تعطينها للمرشدة انا زميلتك وابغاها ، قلت لها ، اذا انتي محتاجة قولي لي اعطيك ما راح اقصر ،. بس انا شايفه انك مو محتاجة وما شاء الله ، كل شيء موفر لك ، قالت بس كذا يعني ابغاك تعطيني من باب تجديد صداقه وكذا ، قلت لها اسفه مقدر ، المهم زعلت مني ،ولاعد كلمتني حاولت معها اكثر من مره بس ترفض تكلمني ودوم صاده ، وش اسوي في ها الحالة ، أفيدوني الله يجزاكم الجنة .
iGhwedx @ighwedx
عضوة جديدة
يلزم عليك تسجيل الدخول أولًا لكتابة تعليق.
والله مالها حق تطلب لا من باب الصداقه
ولا شيء، والله يجزاك خير إنك تتصدقي
أسأل الله أن لا يحرمك الأجر ، ويشغل صديقتك في طاعة الله.
ولا شيء، والله يجزاك خير إنك تتصدقي
أسأل الله أن لا يحرمك الأجر ، ويشغل صديقتك في طاعة الله.
خلها عنك هذي الايام بس زمان مصلحه معليك منها واكيد راح تصدقين احد غيره ليش مافي له هي في المدرسه
من حبني عشان لقمه,,كرهني لافقدها
هذي مو صديقه,,هذي استغلاليه
لكن اللي ملاحظته,,انو هالايام المحتاج مايطلب,,الناس الصدقه
والشبعان بكل بجاحه,,يطلب
هذي مو صديقه,,هذي استغلاليه
لكن اللي ملاحظته,,انو هالايام المحتاج مايطلب,,الناس الصدقه
والشبعان بكل بجاحه,,يطلب
الصفحة الأخيرة
انا نظامي كنت استغبي حتى لو مكشوفه الحركه هم نفس الشي يستغفلون الوحده
تخيلي انا على قد حالي ويالله يالله اجيب فلوس هالتصوير اللي غثونا فيه المهم وفيه كم بنت محددات معروفين يلزقون بالوحدة بداية الايام عشان تشتريلهم على طريقها نظام صوريلي معك اشتريلي معك وهي ماتدري وش ظروفك ولاهمها
لدرجة والله وحده قلت يمكن محتاجه لكن اثاريها الصدق انها تجمع لمابعد التخرج شفتي كيف!!
لان مر علي معها كم موقف واخر موقف قلت لها وش رايك نفطر قالت اعزميني ماراح ادفع انا مجمعه قروشي لما بعد التخرج !!!!!
عشان كذا الافضل مع صديقتك لاتجااملين نصيحه وعلى فكره هالنوعيات مايزعلون بيرجعولك ثانيه اليين حسوااا ماعااد شافوك ولاعاد جا منك نفع ماعاد كلموك من نفسهم
انا راييي وانتي بكيفك التطنيش شفتيها سلمي شفتيها صاده صدي عاد والله اكبر!
واذا فتحت مره ثانيه موضوع الصدقه انها تبيها لها وهي مومحتاجه واصلا موظفه وين تحتاج بس ارسليلها رقم الجمعيات الخيريه قولي دقي عليهم وماراح يقصرون معك باستغباء ارسليلها
صراحه الله يعينك ذكرتينيي بنااس يارب يهديهم ويهدينا