أنا ووحيدة وزوجي عنيييد مرة

أهلا ياأخوات ..
أنا ياأخوات زوجي من النوع الهاددددي جدا وانا احبه واحب غالبية صفاته ولله الحمد .. لكن عندي مشكلة وهي ..


اني أحس بملل معه كثييييير لانه هادي ودايم ع الاخبار او الرياضه او الواتس كلامه قلبل مرة وهذا طبعا طبع فيه .. وانا عكسه أحب الطلعات .. السفريات التمشيات الاسواق اي شي فيه حركه وتغيير .. حتى بالبيت انا الي اسلي اطفالي واالاعبهم واسوي لهم حفلات وهيك ..
المشكله الأخرى قلت باخليه ع طبعه واشغل نفسي بغيره .. لكن ماحولي احد ثقه .. حريم خواني احبهم لكن مووووثقه ابد اي كلمه تطلع مني تنتشر مباشرة وانا من النوع الي ماحب الحكي والكلام ..


أنااااااوحيييييدة يابنات واحس بمللل .. ماعندي خوات وزوجي عنده خوات بس بيننا رسمية واحترام .. وغيرة نوعا ما ..
وش اسوووووي عشان مااضغط ع زوجي احنا متزاعلين الحين عشان ودي يسفرني عمره وماهو راضي يكره السفر .. كيف اشغل وقتي واسلي نفسي .. انا عندي شغاله لاتقولون غيري جو بشغل البيت وزوجي عنييييييد لووووامووووت عنده الا الطلعات والاسواق يقول خلاص عرفتي اني اكرهها لاتزعجيني بها ؟؟
لدرجة مررة زنيت عليه وطلايب وحركاات واخر شي حلف ان اخذ سنه كاملة مارحت للاسواق !
ووفى بوعده .. هالرمضان كمل سنة .
وش رايكم يااخوات ... انا مرررة اطفش واتكدر وامل وهذا ينعكس ع نفسيتي معه ومع الاولاد .
ايش عندكم من أفكار تشاعدني سواء لنفسي أو لزوجي الله يهديه ...
وترى انا مخبرته بوضعي تماما وهو عارف اني وحيدة واطفش ابغى ناس ابغى سوالف ابغى ضحك هذا وانا مع أهلي وجنبهم .. لكن كلن لاهي بحاله ..
ومافيه دورات او نوادي اشغل وقتي بها .. لاننا لسا في قرية متحضرة نوعا ما لكن مو نفس المدن ..
الله يوفق ويساعد ويبارك لكككل وحدة بترد علي ..