أنا وولد خالي

السلام عليكم
شخباركم بنات عساكم بخير ..
فيه موضوع شاغل بالي وبصراحه ترددت كثير قبل لا اطرحه عليكم ،، وهو موضوع ولد خالي

هو أصغر مني بـ ست سنوات وعايش بالرياض وانا بالامارات بس عشان أحطكم بالصوره وماتفهموني غلط

من أيام ما كنا صغار لما نجمتع مع خوالي بالاجازة كنا كلنا نسهر وسوالف طبعا مع اهالينا وهو ماشاء الله عليه ذكي وتفكيره اكبر من سنه ، فصار فيه توافق بالافكار بينا ،، وقتها انا كنت كبيره والبس العبايه بس هو صغير ومانتغطى عليه، انا كنت مطفوقه فري بكل شي بس اناندمانه يعني المفروض كنت افكر انه في يوم بيكبر وبيتذكر شكلي،،
المهم بعد ماكبرنا وصرنا ماندخل على بعض استمر التواصل ( مابي اسميها علاقة بس ماعرف شسميها ) يعني اننا اقارب ونعرف بعض من واحنا صغار فمافي هذاك الحاجز اللي مايخلينا نتكلم او نخجل خاصه انه اصغر مني بكثير فأعتبره مثل اخوي..
يعني ياخذ مني المشوره والنصيحه بحكم اني اكبر منه << وحد وكلك مصلحه اجتماعيه

ومااكذب عليكم هو مسوي حركات قدام اهلنا انه مهتم فيني بس صدقوني صداقه بريئه

واحنا معروفين في العايله مافي اي تواصل بينا وبين عيال خوالنا او عمومتنا ،، اصلا نستحي ومانحط عينا بعينهم حتى لو صدف وشفناهم ،،، بس ولد خالي عادي كل شي يصير يكون قدامهم كلهم وعادي لان النوايا سليمه ويمكن لانه اصغر مني..

يعني انا ضايفه العائله في الماسينجر وهو من ضمنهم ولما نسولف عادي يكون خالي موجود وامه وامي، ونتراسل بمسجات واحيان يتصل يكلمنا ..
بس ارجع افكر اقول ياربي يمكن هالشي غلط وماني حاسه فيه ؟!
واحيان افكر اقول اختي الصغيره أولى بإهتمامة ،، يمكن انا قاعده اخرب عليها


قلت اسألكم،، تشورون علي ،، تطمنوني .. صرت اوسوس من أشياء كثيره

هل انا مذنبه ؟ ام هل انا مكبره الموضوع ؟


أدري طولت :35: