أنا و أمي .. ومشاكل ماتنتهي :(

السلام عليكم ورحمة الله وبركاته..
أخواتي حبيباتي.. أكتب لكم اليوم لأن ودي أفضفض اللي بقبلبي .. وعزاي اني انشالله ألقى الحل عندكم..
مشكلتي إني كثيييييير كثييييييير أتهاوش مع أمي .. والله مع أني أحن وحده عليها من عيالها وأحبها وأشتاق لها لو أبعد عنها دقيقة وووايد متعلقة فيهاااااااا.. بس !!



مادري ليش يا بنات دووووم أتهاوش معاها .. يعني يوم اتقوللي حاجة ماتعجبني .. أحاول أمسك نفسي وما أرد لكن غصبن عني أرد عليها بكلمة أو كلمتين وهي نفس الشي وماتصير دقيقة الا وامي معصبة علي وزعلانة مني :( طبعاً بعدها أموت من الألم وانقهر واسأتضايق على اللي سويته.. مشكلتي أن لساني ما اقدر اتحكم فيه.. يعني أتكلم كلام أنا مو قدددده :( ما اعرف أسكت وحاولت كذا مرة بس بعدين أرد... أقعد بالليل كثير و أأنب نفسي على كلامي معاها وأسلوبي السخيف مع أغلى الناس عندي :(:(
والله اني ماودي كل هذا يصير بس انا عصبية بطبعي وهي بعد هاللون :( بس طبعاً هذا مو مبرر لتصرفاتي

خاااااااااااااااااااطري أني اقدر اتحكم بنفسي يوم انها تزفني.. خاطري وياريت اني اقول لها انشالله و حاظر يمه لما اتقوللي اي شييي :( بس ما اعرف ..
اهي ربتني احسن تربية فديت قلبها .. :( ماقصرت علي بشي عشان أرد عليها وأكلمها هالللوووووون
والله بديت أكره نفسي عشان هالمشكلة.. أس نفسي انسانة ضعيفة لأني مو قادرة اتحكم بتصرفاتي.. بنااااااااات تكفون انصحوني وقولولي شلون أطيعها أكثر وأكثرررررر.. لأني ما ابي شي من هالدنيا كلها غير طاعة الله ثم طاعتها :(

:icon33: