أنا و اشعة الصبغة واراء البنات >>>>تجربتي

السلام عليكم
كيفكم خواتي الغاليات :icon30:؟

الحمدلله عقب الخوف والرهبه من اشعة الصبغه سويتها اخيرا :09:

قبل كم يوم رحت مركز خاص وسويتها وكنت خايفة لدرجة اني مانمت الليله اللي قبلها

وطول الطريق متوتره ويوم شفت ملفي بيد الممرضه قام قلبي يدق بقووه :42:

ويوم دخلت الحمدلله تيسرت اموري وكان الألم مثل الالام الدورة الله يكرمكم

طبعا سمعت قصص وقريت مواضيع شيء يخوف وشيء يهدي بس الصراحه

كنت خايفه مررره بسبب القصص اللي كنت اسمعها ولله الحمد اولا واخيرا

اهم شيء ريحي نفسك ولاتشدي اثناء الاشعه وتتيسر والم الدوره محتمل ان شاء الله

بس المشكله الدكتوره ماعطتني تحاميل ولا شيء بس مضاد حيوي لمدة خمس ايام

وانا احس بألم مثل الالتهاب ومادري وش اسوي تقول لاتستخدمين شيء

واخاف من الالتهابات انصحوني الله يجزاكم خير

نصيحة اخيرة : اللي ماسوت الصبغه تسويها الحمدلله راح ترتاح اذا عرفت ايش مشكلتها
ويمكن مافيه مشكله الله ييسر اموركم اجمعين

ويرزقن الذرية الصالحة عاجلا غير اجل ونصير كلنا حوامل هالشهر باذن الله تعالى :04::):)