أنا و زوجي و بعد المسافه

السلام عليكم.


أول مره أطرح موضوع بهالمنتدى.


أنا انسانه مملكه...و خطيبي يدرس بره ماجستير و أنا أشتغل بوظيفه مرموقه هنا و لله الحمد.

أساس المشكله هو البعد و فارق التوقيت 9 ساعات ... مسبب شي غير مريح بالعلاقه

هو مشغول بدراسته و أنا اطلع من الصبح ما ارجع إلا المغرب... حياتي عمل و جم

لما يبغه يتصل لي دائما الساعه 12 نص الليل! مع أنه عارف هالوقت أكون نايمه...و أنا اقول له حدك للساعه 10:30 بس هو يبرر لي انشغاله بتنظيف الشقه و طبخ جم و بعد ما يخلص أموره يقضى و يبي يتصل..... و لما يتصل كل كلامه عن دراسته و المذاكره و مشاريعه و اسمع له و أبدى آرائي و أوقات ما أبدي تفاعل غصبا عني بسبب اني اكون تعبانه من الدوام و متملله من كثرة سواليف الدراسه ....بس اللي من قلب قاهرني أنه مجرد ما أفضفص عن شي مضايقني بالعمل أو أي شئ ثاني يتحجج لي أنه تعبان و بسكر أو يبدي أنه الوقت غير مناسب....من غير شي فارق التوقيت 9 ساعات و ما الاقي وقت اكلمه...... تجي فترات أحاول التأقلم ع الوضع و اخليه يراحته بس انام بدري ما انتظره ل 12 نص الليل..... فاللي يحصل أنه تمر أيام و توصل اسبوع و أنا ما كلمني...... و أنا فيني طبع خايس أنه لما اعصب اصير أقول كلام جارح و أبكي بنفس الوقت،،،، أكثر شي يقهرني أنه لما نتهاوش يسئ الظن فيني،،،، يفكرني أنه أنا مابيه يسافر مع أصحابه ،، و مو صحيح هالكلام،،، أنا أتضايق من قلة الاهتمام بفترة الدراسه .... أقول بنفسي لا بالدراسه يهتم و لا و هو مسافر و مبسوط يهتم،،،،، قبل فتره تهاوشنا و قعدت افضفض له ببكاء أقول له أنا اعترف اني عصبيه جدا لكن أنا ابي شي بسيط ... كلمه حلوة... غزل.... تصبيحه.... يعني لما اصحى الصبح و اشوف مسج صباح الخير حبيبتي ... تخليني مبسوطه و ارتاح.....المساء كيف كان يومك ؟...... أنا الحين صرت ما أحب افضفض له عن مشكله أو شي صاير لي، بسبب أنه دوم يتحجج أنه تعبان الحين و بسكر أو أو. الخ .....








مشكلتي يمكن تعتبر بسيطه بس حبيت أشوف آرائكم لعلي أستفيد



تحياتي،،،،