والله يتقبل مننا ومنكم صالح الإعمال
أتمنى يكون هالمووضوع فاتحة خير عليّ وأترزق الله فيه<-- طرا انها بتطر فيه
المهم يا جمآعة الخير مالكم بالطويله .. بس أنا الصدز ملاحظة شئ جديد في عالم المنتديات ومبغثرن تسبدي .. تسثير تسثير ..!
ألا وهو الكلمات الإباحية اللي تصير بين الاعضاء والتمغنج بالحتسي والتمويع
وهالكلام مهوب بس للبنات لان فيه رجال بعد فيهم قل صح يالله لك الحمد والشكر
وش ذا الفضآوة اللي بالعقل اسمعوني يا أصحاب الكروش الممتده والعقول المنسده
اللي لاعب عليكم وقايل لكم إن التمغنج بالحتسي من علمات الكوتنه فهو يهلس عليكم
ما زد خبرت أننا نقول (مو) وشو مو باللهي قولي مهوب وإلا موب جعل حنوتسك ترقل
وإلا قال وشو قال (هون) قولي هينا والا فيذا
وتيب بدآل طيب
وإلا مآآرا وشو مارا هالحين..!! قولي مره وشوله التعقيد من زين خششكم حتاكم تفقونها
وحتسي وآجد والله ما يسعني ان اقوله في مثل هذا المقام خابرين حنا صآيمين وما ودنا نبغثر تسبودكم وتستاثم
يا ناس خافو ربكم فينا ترا تسبودنا اندلبت والسبة انتو .. <-- والله لوها كورة حتاها تندبل
المهم كل ذا الحتسي المكسر الماخوذ خيره ما نبيه ارجوكم خافو الله فينا باتسر لانتحرنا والا شئ السبه انتو ..
نجي للطامة الكبرى عاد والشغل الإباحي المرفوض ..
إلا ووهو حيآتو وقلبوو والغلا وطقتهآ ..!!
يا عالم وش السالفه هو العالم صارو فري وإلبلا مني ..!
والا العالم أنهبلوو
قال ويش قال قلبو ما أقول الا انلقبت عليتس تريله يا زليلة الحيا وانتَ بعد ياللي تقول قلبو الفال لك بعد
ما خبرت اني سمعت قلبو الا في موضع وآحد إذا قالت لنا امي قلبو السمبوسه لا تحترق <-- البرائه مقطعتني مير
والا يجي الثاني ويقول حياتو ودي اصرفها واقول قصده عيسى حياتو بس ماش عجزت تجي
ما اقول الا جعل الحيايا اللي تلوي عليكم
والا الغلا يا عزتي لتسبدي بس لا قريت هالحتسوة غلوتس في دزدر كاتم يا الخبول
من متى إن شاء الله وعادآتنا وتقاليدنا تسمح نقول للعيال الغلا وقلبو وحياتو والعيال يقولون للبنات تسذا بعد <-- وش تحسون فيه بس
ما ودي والله أطول بالحتسي واحش وآجد وأجرح صيامي <-- بدري
يا أعضاء وش السوآت معهم تكفون سآعدني للقضاء ع مثل هالنماين..؟
وانت يا ولد .. وأنتِ يا بنت وش رايكم باللي يقلون تسذا ..؟ تحسونه عادي والا مسخرة وقلة حيا
.؟؟عائده لموآصله الحش بعد الفطور بإذن الله<-- حاشه حاشه الله لا يعوق بشر
مراسلتكم من سطح الخزآن قصدي المنتدى
منقول
بس تترى مايجوز الدعاء على أحد بالضرر
كالموت وتنقلب عليه تريله هذا كلام حتى لو منقول مايجوز ياأختي
وبالذات وانت صايمة
الرسول عليه افضل الصلاة والسلام نهى عن الدعاء على النفس والابناء والدابة والخادم
وحتى الدعاء بالضرر إالا من وقع عليه ظلم
وإعلمي انك محاسبة على ماتكتبيه أو تنقليه
جزاك الله خير