السلام عليكم ورحمه الله وبركاته
مساء الخير اخواتي
اسال الله ان لايريكم مكروه
يوم الجمعه اللي راح اخوي طلب من امي تسويله عشاء بالفرن وجت تشب على الفرن اللي تحت طبعا موب العيون اللي فوق وشبت وتحسب انها شب الغاز وطلعت ترتب الا اخوي قالها يمه ماخلاص العشاء امي دخلت المطبخ وتفتح الفرن تلقاها مو مشبوب وتشم ريحة غاز بس قالت فيه صمام امان ناسيه اننا شايلينه من زمان
وتجيب الولاعه وتشب الا قب وانتشر النار بس حمدلله حطت يدها على وجهها وتحاول تنجي من النار الله ينجينا من عذاب النار وتصرخ اميمتي ونجي انا واخوي المطبخ الاامي بتطيح ماتقدر تمشي وحطينا عليها مويه وعسل واخوي دق على الاسعاف والحمدلله جو بسرعه ماقصر و الله يبض وجيههم ونقلوها للمستشفى وحطوها تحت الملاحظه ولله الحمد جا الحرق على يدها
وعيونها اليسار وخشمها يعورها تحس بحراره بوجهها وكانت الحروق من الدرجه الاولى
وطلعت من المستشفى الحمدلله بس حمدلله المومن مبتلى لازم يصبر والحمدلله على كل حال ومكتوب
ماابي منكم يااخواتي الاالدعاء لها بشفاء العاجل وجعل مااصابها تكفير وادعولها ان تتحسن نفسيتها اهي للحين بصدمه ياعمري عليها
والله يوفقكم يارب ويسسعدكم
لاتنسون الصدقه وكثره الاستغار وقيام الليل
اللهم صلي وسلم على محمد اللهم صلي وسلم على محمد
ودي اضمتس يايمه @ody_admts_yaymh
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
سلامتها والله الف لا باس عليها وما على قلبها شر وربي يحفظها لكم ويطول بعمرها ويعطيها الصحه والعافيه ومشكوره يا قلبي على التحذير والله يكفينا شر النار