أنتبهي لا تكوني .......الله يرحمنا برحمته

فعلا لاحظت هالشيء
والي تخبب امرأة عزوجها تلاقيها نفسها تعاني مع زوجها ومو عاجبتها حياتها فتعوض عن النقص الي فيها انها
تكبر اي مشكلة حرمة مع زوجها وتقول ما يستاهلك روحي لدار اهلك

اتقوا الله يابنات
لانه فعلا ياما نصائح خربت بيوت
الله يعيننا

بس توقيعك مافهمت المقصد منه
ممكن تخبريني ؟

كلامك في كثير من الصحة ..
بعض المشاكل لها حلول كثيرة لدرجة انها حتى ماتحتاج توصل للاهل !!
طالما اللي بينهم مشاكل بسيطة تحصل في كل بيت ..
ماله داعي تنزل عليها نصايح تزيد الطين بلة ..
بس فيه حالات.. لا معليش .. ما اقدر انصحها بشي عكس قناعتي !!
وحدة تشتكي من زوج خاين وصلت معاه الخيانة لمنطقة الخطر ..
ومنطقة الخطر اللي اقصدها انه وصل ( للزنى ) ...
وحدة تشتكي من زوج بخيل معيشها في حاجة وذل
ممكن يوصلها انها تسوي شي حرام عشان تلاقي القرش !!
تصير والا ماتصير ؟؟؟ ابشرك .. صارت كثير ..
وحدة تشتكي من زوج يضربها ويهينها ويطردها من بيتها !!!
ليش ان شاء الله ؟؟ في شرع مين ؟؟ عقد الزواج من بنوده ان الزوجة تتنازل عن كرامتها وتصير له ملطشة ؟؟
وحدة عايشة مع زوج مايصلي ..حاولت فيه بدال المرة مليون ومافاد !!
ننصحها تعيش مع زوج كافر عشان بيتها مايتخرب ؟؟
في حالات زي هذي ما اقدر اقول اصبري واتحملي والبسي واتشيكي وملي عينه ..
لان رجال زي هذا يستاهل الحرق !! والطلاق منه اشرف لها ..
انتي متوقعة ان اللي عايشة حياة زي هذي منتظرة نصيحة مستهلكة ؟؟
اللي بتفضفض بتقول من بداية موضوعها اعتبروا كلامي فضفضة ..
واللي تقول انصحوني ؟؟ نعتبرها فضفضة ؟؟ لا طبعا
ماقالت كذا الا لانها محتاجة حل .. لو فيه حلول ليش لا ..
واذا الحالة ميؤوس منها والادمية قاعدة تموت في اليوم مليون مرة ؟؟؟
اترك لك الجواب ..
انا وربي شاهد علي اني اتردد كثيررر قبل ما انزل رد انصح فيه بالطلاق ..
احيانا والله العظيم اني ما ارد بالمرة لمن احس ان الادمية ضعيفة ومستسلمة وماكتبت اللي كتبته الا عشان تفضفض
اقفل الصفحة وادعي لها في قلبي ان الله يصلح لها الحال ..
لكن بعض المشاكل الحقيقة تستفزني لاني اشوف ان اللي صاير اكبر بكثير من الطبطبة ..
ما اقول كلمة ( اتركيه ) الا لمن اشوف ان الإمساك بالمعروف مو موجود !!
هذي انسانة لها كرامة .. ماجات من الشارع عشان يستعبدها ويهينها ..
يا اختي ربك من فوق سابع سماء قالها ( فإمساك بمعروف أو تسريح بإحسان )
سورة كاملة في القران اسمها الطلاق ..
كثير من الصحابيات اللي هم احسن وافضل مننا كلنا كانوا مطلقات ..
بنحرّم ونجرّم شي ربنا حلله ؟؟
عشان ايش ؟؟
عشان كلام الناس ؟؟
وعشان مايتخرب البيت اللي اصلا هو خربان خلقة ؟؟؟
والا عشان الرجال مباح ومتاح له كل شي لأنه رجال ومهما سوى المجتمع يغفر له ؟؟
للمرة المليون اقولها .. الطلاق لاهو عيب ولا حرام .. ولاهو خراااب بيوت
يا اختي .. البيت اللي قائم على اساسات دمرانة مو بيت ..
مازلت عند رأيي مع احترامي لكل كلمة قلتيها ..
اللي تشوف ان حياتها مع زوجها تعيسة وعايشة معاه عيشة زفت وعندها اهل يقبلوا طلاقها ..
تتطلق وهي رافعة راسها ..
موضوع انها تخاف على اولادها وماتبغاهم يضيعوا بالطلاق ..
في هذي انا معاها مليون في المية
ماتقدر تتطلق عشان اولادها ؟؟
لاتتطلق .. تستمر معاه بس بوجه ثاني ..
فيه شي اسمه ( الطلاق الصامت ) ..
يعيشوا في نفس البيت ويتفقوا ان كل واحد في حاله ..
هي لها بأولادها وبس .. وهو يكمل في بلاويه لين الله يهديه والا ياخذ عمره ..
ان كان خاين قلعته يوصل محل مايوصل طالما ضمنت الزوجة انه بعيد عنها ..
واذا مايصلي في ستين حريقة .. من حقها تمتنع عنه ..
اما انها تعيش معاه من غير كرامة وهو قارفها في حياتها ويجيها متى ماطقت في راسه ؟؟
ربنا مايرضى بالظلم ..

ربي يسعدك ياجنتي ويفتح لك ابواب الخير ..

صادقه والله صادقه وكلامك سليم100%
وهذي الي تقول ايش مصبرك ليش ماتطلقي كذابه والف كذابه والله هي ماتكون تطلب الطلاق من زوجها لوهي بنفس الموقف 
بس بعضهم عليهم هياط موب طبيعي
يعطيك الف عافيه ع التبيه 

ماشاء الله
مشاركة طيبه ومفيدة