أنتظر الولاده الثالثه ومازلت مرعوبه من شي اسمه ولاده!!

السلام عليكم أخواتي
هذي أول مشاركه لي بالمنتدى


أنا متزوجه من سنتين وشهرين وعشره أيام :unsure::blink::blink:
حملي الأول أجهضته في الشهر الخامس
جاتني آلام الولاده وماكنت أدري بالبدايه أنها ولاده
لين أشتدت الآلام ولا قدرت أتحمل فوداني زوجي الطوارئ ع طول تنويم فحصتني
الدكتوره قالت الرحم مفتوح 8س...عندك ولاده والله يعوض عليك(الحمدالله على كل حال)
بدأت عندي الآلام الساعه11في الصباح وأشتدت علي الظهر الساعه 2ورحت الميتشفى
وأستمرت الآلام وعطوني مسكن ونمت يمكن ساعتين وبعد ماصحيت راحت الآلام وقاات الدكتوره
بنعطيك طلق صناعي ونا مدري ليش وعطتني ورجعت الآلام وولدت الساعه8ونص مساء
:06:
هل الفتره هذي كلها طبيعيه لأي وحده بتولد يعني من الساعه 11صباح الى 8ونص مساء؟
مع العلم اني جيتهم والرحم 8س وطولت عبال ماولدت وبعد طلق صناعي؟



المهم ... عقبها
عوضني الله ورزقني بالحمل ماطولت بعد ولادتي ع طول يادوب فتره النفاس وحملت
الحمدلله
طبعا سويت ربط عنق الرحم والحمدلله وصلت للتاسع وفكولي الربط وكملت التاسع باقي منه بس 3أيام ويخلص
وشرفت عندي آلام الولاده مساء يوم السبت الساعه 7 أنتظرت لين أشتدت الآلام ورحت المستشفى
وفحصوني وقالت الرحم مفتوح 1س بس ...وجلست عندهم مابين مغص وصياح خخ وجات وحده بعدي بساعه سمعت
الدكتوره تقولها رحمها مفتوح 3س يمكن جلست ساعه ونص بعدها ولدت ومن سمعت طفاها يبكي
رحت أبكي مو مصدقه جات بعدي وولدت قبلي سمعتني الممرضه أبكي جتت تهديني
تقولي أنتي بكريه لازم طول هزي سته بزوره ع طول ولاده

المهم فحصتني الممرضه الساعه 12بالليل مثل ماهو 1س!


جات الدكتوره وكتبت لي طلوع وقالت اذا نزل عليك دم أو مويه تعالي الطوار
ورجعت البيت وآلام مستمره قويه كل 5دقايق وطلع الفجر ومانزل مني شي
أستمرت الآلام جاء يوم الأحد ومنتظمه الآلام بالمره أقول الحين ينزل شي بس ما نزل
وكنت مره امشي ومره ما اقدر وأنسدح وخلص الأحد نهاره وليله وأنا مازلت أتألم طلع فجر
الأثنين ونا لاعاد نوم ولا أكل ولا شي من يوم جتني الآلام ..والله أني كنت بين فتره الألم
والثاني اللي هي5دقايق أروح أغفو من غير لا أحس وما ادري أني غفيت الا يوم يصحيني
الألم مره ثانيه......آآه
وخلص يوم الأثنين وجا فجر الثلاثاء ماعاد قدرت أتحمل أي ألم . ..قلت لزوجي يوديني
مستشفى خاص أبي أسوي قيصري وأرتاح ..
رحت الخاص وتنومت وقلت لهم أبي قيصري فحصتني الدكتوره قالت
مفتوح الرحم 3س وخلاص عندك ولاده ماتحتاجي قيصري.. رفضت
وقلت أبي قيصري والآن ...قالت نستنى الدكتور ونشوف وش يقول
ووقع زوجي الأوراق ع أساس اني بسوي قيصري..والدكتور مارح يجي
الا الساعه 8الصباح ...ويوم جا كان الرحم مفتوح 4س وقال مارح
نسويلك قيصري ورح تولدي طبيعي ان شاء الله...رحت أبكي وأقوله
ونت وش دخلك بسوي بفلوسي تسوي يعني تسوي...قال بالرغم انو احنا
المستفيدين بس كمان بألك رح تولدي طبيعي(الدكتور لبناني)

رضيت بالأمر الواقع وتحملت الآلام الى الساعه10ونص صباح الثلتثاء
وشرف ولدي بعد معاناه شديده والحمدلله

خلصت النفاس وزوجي رفض أشرب موانع أبي أرتاح ومازال رعب
الولاده براسي مانسيته . .
طبعا حملت ولله الحمد والحين أنا بالسابع ومرعوبه بشكل فضيع
كل شوي أفكر في الولاده

مدري وضعي طبيعي ولا لا؟
الفتره اللي أقعد فيها لين اولد هي طبيعيه ولا أنا غير؟
من أول ما أحمل وانا ادعي الله بتسهيل الولاده..
أدعولي بظهر الغيب
يااااااارب سهل ولادتي ياااااارب