تنتــوفه @tntofh

عضوة نشيطة

أنتم حددوا مصيري ..أكنسل زواجي ...ولا افصل من الكليه اهئ اهئ

:( يابنات حواء يادبيات ...انا معتمده على الله ثم عليكم ولا احد عبرني اهئ اهئ .... الحكايه ومافيها اني عندي اختبارات حاليا ... وبعد اسبوع لازم اسافر الرياض عشان اجهز لزواجي .... وكنت محتفظه بملف طبعته لمواضيع المنتدى وعلى رأسها قائمة جهاز العروس كنت معتمده عليه اعتماد كلي ... والحين مالقيته.... مادري وش اسوي وايش اشتري ... بخصوص الفساتين مملابس الخروج والتاييرات .... وملابس البيت والميك اب والذهب والاكسسوارات الكامله وكل شي ..... اهئ اهئ ... انا ماقدر اترك دوام الكليه اكثر من اربع ايام ولازم اسوي قائمه بالاشياء اللي بشتريها ... بليز ساعدوني ولا ترا كيفكم بروح الرياض واقعد شهر ونص اجهز ويفصلوني .... ولا بكنسل الزواج... وش قلتوا :55: ... كل اللي ابيه الرابط حق الموضوع وربي لفيت المنتدى مشي اكثر من ثلاث مرات مالقيته.... احد يعطيني الربابط اهئ :06:

يلزم عليك تسجيل الدخول أولًا لكتابة تعليق.

تسجيل دخول

تنتــوفه • 20 سنة

:06: لااااااا مستحيل ... مو مصدقه عيوني !!!!! تسعه وتسعين قارئه ولا وحده ردت الا رساويه؟؟؟؟ الله يسامحكم ومشكورين ماقصرتوا ... وهذا وجهي :mouse:ان طلبت منكم شي يابنات عالم حواء

رياح الشوق • 20 سنة

مساء الخير ..
يابنت الحلال هونيها وتهووووووون ..
قدامك ياعيوني الخيار واااااااااااااااااااااسع
بالنسبة للسهرات روحي لعمائر السريكون أو روبي مودا
على شارع العليا العام أو لمسات طيبة بجنب قصر الأحذية وعموما شارع العليا العام
عاااااامر بهاالأشياء وعنك محل (( الأبراج )) قبال المملكة أنا صراحة
مارحت له بس يمدحونه , كمان فيه محل على طريق الملك فهد اسمه
سافيلا يجي عنده أشياء حلوة , وعندك مجمع الموسى يجي فيه
بس مو دايم , كمان عندك ميموزا شارع العليا العام قبل فندق الخزامى
عندك العليا مول فيه محل ناسيه اسمه بس هو دورين يجيب أشياء
فخمممه , وعندك محل سيرين في صحارى ومركز النمر , عندك محل
ألبرت في مجمع الموسى , , وعموما" إنتي إذا رحتي لأي مركز
لفييييييييه لففففففففف لحد ماتلاقين ..

بالنسبة للأندروير وقمصان النوم وهالحركاااات عندك لاسنزا
في أغلب المراكز الكبيرة وعندك نعومي وعند إيتام وعندك
الريس (حلللللللووووو ) وعندك ابن عبيد وعندك صفة محلاااااات
على شارع الوزير كلها ملابس داخلية وقمصاااان برضو عندك العقارية
فيها محلات ملابس داخلية وقمصان نوم مرررره حلللللوه وأسعارها حلوه..

بالنسبة للأحذية والشنط يعتمد على ذوقك يعني صعب أحدد لك بس بقولك
عندك(( ألدو)) في الفيصلية وعندك ((ناين وست)) وعندك باراتس في
صحارى وإذا تبين تطقمين للفستان عندك مركز الأندلس محلات الأحذية
كثييييييييرة ..

نجي لملابس الطلعات والتاييرات والبلايز عندك الله يسلمك
(( مركز الفيصلية ))
(( مركز المملكة))
(( العليا مول ))
((العثيم مول ))
(( صحارى ))
(( صحارى بلازا ))
(( العقارية الثالثة ))
عندك معرض الشرق مجمع الثمانين طريق الملك فهد وفرعه في العروبة
بلازا ..وكمان عنك محل زهرة اللوتس سهرات وتاييرات في الموسى وفرع في
العروبة بلازا ..
دووووووووووووووووووجي فيهم لحد ماتحصلي اللي تبينه ..

بالنسبة للأقمشة ياطويلة العمر عندك مركز الأندلس
والعليا مول ومركز النخبة ومركز مكة ومركز العقارية
الثالثة والثانية تلاقين في هالمراكز أكبر تجمعات محلااااااااااات
الأقمشة وطبي واختاااااااااااااري ..

بالنسبة للذهب عندك مركز طيبة ومشهوووور ذهبهم وعندهم ألمااااس
وعندك شارع الثميري فيه محلاااااات كثيرة عموما" مالي في الذهب
خبره بس انصحك بمركز طيبة خواتي يشترون ذهبهم وذهب بنوتاتهم
منه وصراحه روووعه حتى ألماسهم حلووووو ..
ماأدري عن ميزانيتك بس فيه أسماء كبيييييييييييييييرة وغااااااااالية
(( معوض , بركات , الفردان ... الخ ))..

بالنسبة للعطور والميك أب عندك قزاز وعندك محمود سعيد وعندك
الهادي وعندك وجوه في السواني وباريس غاليري ومحلات مكياجي

أرجو إني أفدتك وربي يوفقك ويسعدك ..
تحياااااااااااااتي

القلمُ الورديُّ • 20 سنة

رياح الشوق بصراحة يعيطك العافية على المعلومات الحلوة لكني احذرك من سافيلا واحذر البنات منه لانه نصااااب مرررة ويدبل السعر ثلاث مرات وعن تجربة بثلاث فساتين

تنتــوفه • 20 سنة

:27: ريااااح الشوق يابعد قلبي انتي الف الف الف شكر كلك ذووق ياعمري ... هاذي الردود اللي تفتح النفس :32: مو التسعه وتسعين مالت عليهم...... قولي آمين ... الله يسعدك ويوفقك وويحقق لك منااااااااك ويجزالك الف الف خير انتي والبنات اللي ردوا .... من جد مادري كيف اجازيك على هالرد الحلو والمعلومات الروعه ...الف شكر يالغاليه

سعاد والقمر • 20 سنة

والله ياعيوني ماادري كيف اساعدك خلصي اختباراتك وخلي اي احد يساعدك في شراء الاغراض روحي لخبيرة تجميل تساعدك في الميك اب مثلا او روحي لقزاز في العقاريه وبالنسبة للملابس البنات ساعدوك
وانا بساعدك بالصياح اذا ودك اهي اهي اهي اهي اهي اهي اهي اهي اهي اهي اهي اهي اهي اهي اهي اهي اهي

اكمل

شكلي مسختهااااا الله يوفقك ويعينك وتذكري العجلة من الشيطان والي ماشريته الحين يشتريه لك المعرس بعد الزواج هههههههه
تحياااااااااااااااتي :26: