أنتم خواتي وهذا فضل الله علي..متوهقة بعد زواج أختي الوحيدة..

الاخوات الله يعطيهم العافية ماقصروا

روحي قسم المعجنات وخذي طرق العجاين وبالصور

وقسم الحلويات وقسم الاطباق الساخنه


كل شي بالصور وماراح تندمي ومليون مبروك زواج اختك وعقبالك يارب

يامكثر الطبخات فى المنتدى وبصور لا تجبين دفتر ولا شي
كل ماعليك الطبخه لى عندك مقاديرها طبعيها كبسه زر وامر طباعه وعلى المطبخ طبقيها
ولا فيه اسهل من كذا

القسم مليان طبخات تجنن وسهلة التطبيق

روحي لقسم الاطباق المجربة وشوفي تجارب البنات

انسخي الطبخة اللي تعجبك

واهم شي قبل لاتطبخين بوقت رتبي اغراضك اللي تحتاجينها عشان ماتنحاسين

اللي يبي له تقطيع قطعيه واللي يبي له نقع انقعيه وهكذا عشان ما يتشتت ذهنك

وبالنسبة لرمضان رتبي أفكارك من الحين بالطبخات اللي تبين تسوينها عشان مايضيع عليك اليوم وانتي بالمطبخ

يمديك تفرزنين السمبوسة والسبرينق رول والكبة والملفوف وورق العنب وغيره

الله يعطيك العافيه ويعينك وابتغي بوجه كل شي تطبخينه رضى الله

سوي جدول بالطبخات الي تناسب اهلك وتتوقعين انهم بياكلونها صنف معجنات كل يوم شكل ومقليات وشوربة الكويكر او الحب لان شكلك من نجد وكبار السن عندنا مايحبون غير هالشوربتين وطبق رئيسي وحلو والله يعين

اكرفي أختك خليها تفرزن لك قبل ماتروح >> بتنجلد ^^

لا جد .. بما إنك مبتدئه اعتمدي على الساندويتشات .. هنا فيه أشكال حلوة .. وطعمها بالدماغ ..


فيه هنا كودو أم حمودي .. وكودو سيلين نايت .. وساندويتشات كيوي وليمون >> ترا عضوة موب حشوة
وفيه الجبنية لبهجة الحدائق .. وشاورما مدري مدري
اعذريني دايخه ومافيني أبحث عن روابط ..



حلو تفاؤلك بالأخير .. بإذن الله بتصيرين طباخه وناخذ منك المقادير .. وإن شاء الله قريب ..


أي شي تبغين طريقته لايردك إلا لوحة المفاتيح .. ارعصي وتلقينا عندك >> حشى جني هههههههههههههه



نسيت أقول ألف مبرووووووووك زواج أختك والفال لك بإذن الله