أنتوا بتحسوا بالحالة دي بردو؟؟

اقري قران وادعي:)

حاولي ترتبي وقتك

ولاتنسك نفسك ودلعيها بهواياتك

هلا وغلا

اكثري يالغلا من الاستغفار واحتسبي واعلمي انك على اجر ان شاء الله

موفقة والله يساعدك

حبيبتي اذا انتي موظفه فمعناتها مو قادره اتوفقين بين البيت والدوام .. انتي حاولي وع الله الاتكال اهم شي النفسيه اذا نفسيتج تعبانه ومنهمومه ودايما حايسه وتفكري ما راح بعمرج ترتبي امورج ... صفي ذهنج وتفائلي وع الله الاتكال في جميع الامور...
نصيحتي رتبي لنفسج جدول وخصصي فيه وقت لكل شي بحيث انج ما تتجاوزين الوقت اللي رتبتيه لشغله معينه مثلا من الساعه 9 ل 10 اكنس البيت واهويه وانفض الغبار ... بلفه سريعه بالمكنسه ع البيت خلال ساعه بالكثير انتي مخلصه باذن الله .. ومثلا من 10 ل 12 تجهيز الغداء .. تكوني مثلا مطلعه الدجاج او اللحم من الفريزر من وقت يعني الساعه 9 مثلا ومجهزه الخضار ومنقعه الرز قبلها ( خلال فتره التكنيس ) ولما تكون الساعه 10 انتي جاهزه تقطعي وتطبخي على طول وخلال فتره وجودج بالمطبخ حاولي تغسلي الصحون المستخدمه اول باول عشان ما يصير تكديس وبعدين تتكاسلين تغسلين ..ورتبي الاشياء على طول .البهارات والاشياء المستخدمه ع الدولاب على طول . وبحدود الساعتين بتكوني مسويه الغداء والمطبخ نظيف بعد ... ويها الوقت في المطبخ اسمعي راديو او قراءن او محاضره صدقيني ما راح تحسي بالملل ولا الخمول بالعكس حماس واراده ان شاء الله ..وخصصي ساعه او ساعتين باليوم للراحه يعني للقيلوله او وقت اضافي لعمل بانيو استرخاء مثلا او اي شغله تريحج المهم تلتزمي فيها لان جسمج بيتعود يرتاح بها الوقت وهو الوقت اللي عادة الجسم يحس فيه بالخمول ( طلبا للراحه ) عشان تقومي فريش وتكملي باقي الشغل بنفسيه متفتحه واعصاب حديد ...
وهكذا .. صدقيني كلها كم ساعه وانتي مخلصه كل البيت مهما كان حجمه ... وخصصي يوم بالاسبوع للتنظيف العميق اللي ياخذ من ساعه الى ساعتين تقريبا مثلا يوم الاحد من كل اسبوع ترتيب الدواليب والملابس ... الاثنين تنظيف عميق للمطبخ ... الثلاثاء حمامات .. وهكذا وباذن الله امورج بتترتب شوي شوي وبيصير روتين حلو وغير ممل ولا متعب ..
الله يوفقج

عليكي بالدعاء قبل النوم عندما تاوين الى فراشك .........كما علم الحبيب الرسول صلى الله عليه وسلم ابنته فاطمة رضي الله عنها
عندما شكت الى ابيها ماتراه من ضعف بدنها وخشونه يديها من كثرة العمل المنزلي !!!!!!!!!وسوف ترين التيجة بنفسك ولا تنسين تخبرينا وش صار معاكي ؟؟؟؟؟موفقة اختى والله يعينك ..........

لونظرنا الى حياة النبي والصحابة ماحتاجوا للخادمات مع العلم ان ظروفهم كانت اشد من ظروفنا وعندما طلبت فاطمة رضي الله عنها من النبي خادما فرد عليها النبي الا ادلكما على خير من خادم تسبحان الله 33 وتحمدانه33 وتكبرانه 33 فذلك فما ايدها النبي على ان تحضر خادما .