أنتو زيي ملاحظين المنتدى هاليومين ؟

سلام حوائيات ,,



بسألكم انتو زيي ملاحظين المنتدى ساير يكعكع هاليومين ولا العله من لابي ؟ هي مشكله بسيطه بس مزعجه

اول نقطه انتبهت لها تسير كل شوي هاليومين انو لما اجي بفتح قسم معين ما تجي علامه اليد ويتظلل القسم رمادي عشان اقدر افتحه << يارب فهمتوني

اقعد احاول واطقطق يمين يسار مفي فايده واللي شككني انو من المنتدى انه لما يسير معي كدا احط الماوس على قسم ثاني بشوف هو زيه يتظلل عادي واقدر افتحه

هالشي مو بس وقت دخول الاقسام حتى بمواضيع الاقسام لما اجي افتحها ما تتظلل ويتحول الماوس ليد واحب انبه انه مو مواضيع معينه ومحدده اللي يسير فيها كدا لا اي موضوع و فجأه يسير كدا شوي بعد ما اتركه وافتح مواضيع ثانيه وارجع له يسير عادي

النقطه الثانيه لما اجي افتح المواضيع انا ماتعودت انزل اسفل الصفحه بالمؤشر الجانبي ابد ما احب هالحركه انزل دايما بالسهم السفلي في الكيبورد وهاليومين برضو المواضيع ما تتحرك بالسهم فقط بالمؤشر وبعض المواضيع عادي تنزل بالسهم

هل انتو مثلي ولا المشكله من جهازي ؟

النفسيات اللي بيقولون والله انك فاضيه يتفضلو يضغطو ع الاكس اللي في اقصى اليسار رجاء ,,