مشكوره اختي على الموضوع الرايق

انا البكريه
وشخصيتي تتضمن من كل نوع شوي===>>:30:

الحقيقه الحمدلله حياتي كانت حلوه مرررره في بيت اهلي , كان مسؤاليتي الكبيرة تعليم خواتي
وكان هذا الشيء متعبني مررره فوق ماتصوري بيأخذ من وقتي ومن نفسيتي لاني عصبيه مررره
واحب اقوال الكلمه مره وحده ولا اعيدها :42: فما تخلص الامتحانات الا وصوتي رايح من كثر الاصراخ وأمد يدي اذا طفح الكيل :) مسكينات تأدوا مني وفوق كل هذا كنت ادرسهم بفلوس:30: ===>> تخيلوا الوضع. لكن كان هذا الشيء برغبه الوالد والوالده الله يحفظهم عشان يشجعوني ولانهم ما يحبوا خواتي يطلعوا برى البيت عشان سالفة دروس التقويه.

ام شغل البيت والمطبخ صراحه مالي يد فيها نادر لانه الوالد دايم مركز على سالفة الدراسه وانها اهم شيء و سالفه ثانيه كان يخاف علينا من اضرار المطبخ وخصوصا الزيت:) فريحني الله يريحه
مع ذلك كنت احط يدي في الحلويات وكان مبسوط مني على الاخرررر ==>> مفتخر فيني

مع ذلك طلع علي هذا لما تزوجت :( مااعرف شيء بالمطبخ وكل شوي داقه على امي والا خالاتي

لكن ابوي تندم الحين يقول فشلتينا قدام ولد الناس وصاروا خواتي الحين يدخلوا مع امي المطبخ

وقولك هذا:أحس البكرية تضحي بأشياء كثيرة بدون اللي يحولها مايحسون إنها تضحي!!

كلامك 100% لانه كله الجرايم الي تصير البيت بيرموها علي لاني الكبيره والقدوة وفي وجه المدفع
على قولة ابوي كله منك رئيسه العصابه:30: بس جرايمنا حلوه يعني لايروح فكركم حلو يعني سهر وحركات واضراب وسوالف البنات:hahaha: .

والحمدلله احس اني قريبه منهم كثير ومن مشاكلهم لحدا الان :)

والشيء الي انظلمت فيه مثل ماقلت قبل اني كنت ادرس بشكل كبيييييييييير لدرجه انه جأتني حالة تشبع
ومالي خلق ادرس احد و اخوي الصغير الحين ==>> مدرسه تقويه لكن المهم انه ماشيء معها.

وشيء ثاني انه في امور كثيرررررررررره ابديهم على نفسي ووقتي لو احتاجوا مساعده والا كانوا متضايقات.

واعذروني لاني طولت عليكم لكن عجبني الموضوع وحبيت انفس شوي عن الي بخاطري

وسلامتكم

موضوعك رائع جدا كلنا في امس الحاجه الى التناقش فيه<<بس نحن البكريات!!!!!:42:
والله الاخت الكبيره مسؤليه عظيمه كل شئ ع راسها
الله يخلي امي كل شئ تشرف عليه مع ذلك لا لااااااااااازم الاخت الكبيره
احيانا اقول الحمد لله اني الكبيره لي كلمتي بس مرات ومرات كثيره بعد افتقد الاخت الكبيره اتمنى لي اخت اكبر مني <<مع ان اخوي اكبر مني بسنتين وحنووووووون برضه احتاج اخت كبيره:)

أنا معكم ياحلوات أكبر وحده من أخواتي وحتى اخواني

وكان أكثر شيء اعتمدو عليه فيه هو الاهتمام بأخواتي الصغار
يعني مثلا اروشهم وأوكلهم و.... غيرها من هالاشياء وكنت أنبسط مره لما امي تقولي نومي اختك الصغيره أو اهتمي فيها
بس بصراحه البنت الكبيره يحملونها مسؤولييه بزياده واي شيء في البيت غلط على طول يلومونها فيه
===> حتى كرهت اني اسمع من امي او من غيرها كلمة مسؤوله
وانا بصراااااااحه انقهر من كذا كثيير واحيانا ازعل خصوصا انه عندي اخت اصغر مني بسنه
يعني مابيني وبينها شيء ومع ذالك ماتتحمل مسؤوليه قد اللي اتحملها ولا تشيل هم مثلي
بس كل المسؤوليه اللي نتكلم عنها ولاشيء من مسؤولية الام
والله يعين امهاتنا ويصبرهم ويوسع صدورنا مثلهم

بس فيه شيء حلو في البنت الكبيره انها تحضى باحترام الكل واحيانا يدلعونها أكثر من اخواتها
ومثل ماقالت اختنا " هدوء" هي اقرب وحده للام
وانا مثل "بنك قيرل" احيانا اتمنى تكون عندي اخت اكبر مني

: )======= والحمد لله على كل حال ========( :

الله ياهدوءة موضوعك روعة خاصة انة يفسر انطباع بنتي
البكر رغودي وودي تطلع النوع الثالث :42:
على اني ممسكتها مسؤوليات الا انها اكثر وحدة تنال حوافز شخصية مني يعني علاوات واهتمام
بحكم انها الكبيرة واقرب الى قلبي وهي اساسأ مثل شخصيتي <<<<<وش زينها خلوقة على أمها ههههههههه شكلي بديت أهذر

عن نفسي ماشاء الله خواتي كثاروكل وحدة ممسكة نفسهامنصب:22:
الكبيرة البكر
ماتحب تفرض نفسها على اي شخص
اللي تحتها تحب تفرض نفسها وتقحم انفها بامور كثيرومسمينها المصلحة الاجتماعية:hahaha:
اللي تحتها عكس تحب تهتم بشؤونها
اللي تحتها لها شخصية مستقلة
وبعدين انا الخامسة لي اسلوبي الخاص كام وكابنة احس نفسي مسؤولة
عن امي واخواتي اللي اصغر مني بحكم انهم ماتزوجوا
واحب ادلعهم واحل مشاكلهم واتحاور معهم لكن مااصير ملقوفة

حبيت اني ادخل واشارك بحكم اني البنت الكبيره شيء ممتع انك تكونين الكبيره الكل يحبك و ينظر لك نظرة احترام و انا مع ان لي عشر سنين متزوجه اخواتي و اخواني ما يستغنون عني ولا عن مشورتي و عمري ما فكرت اني ما اضحي بالعكس احب اضحي باللي اقدر عليه لاني اموت فيهم و امي وابويا الله يخليهم لي يحبوني و دائم يستشيروني بس امي كانت حنونه و انا كنت حاسه فيها و في تعبها كانت تضحي دائماً براحتها و كانت مدلعتنا على الآخر الله يشفيها بس انا كنت اتلقف دائما من يومي و اتدخل في كل شيءبس احس ان هذا يسعد امي و ابويا واكيد برضا الوالدين حتى زوجك يحبك و ما يقدر يستغنى عنك و اولادك في المستقبل يشيلونك في نن عنيهم وسلامتكم