السلام عليكم ورحمة الله وبركاته
كل عام وانتم بخير أخواتي الحبيبات يارب أجعلنا من عتقاء شهرك الكريم
حبيت أشاركم اليوم بنموذج بسيط لعمل لوحه فنيه جميله وبأبسط الخامات اللي ممكن تتوقعينها
مو شرط أني أكلف نفسي ,أجيب لوحة كانفس ب15 ريال او اكثر على حسب مقاس اللوحه اللي راح أشتريها
كل اللى راح احتاجه هو لوح الفلين الخفيف موجود أعتقد في أغلب المكتبات, ومسطره, وقلم رصاص ,ومشرط <<<< بس أنتبهي لازم يكون عندك أحد كبير عشان ماتعوري حالك (هههههههههههههه)
وهذي صوره للأدوات المطلوبه سهله صح ؟؟؟
نبدأ اللحين نحدد المقاس اللي نبيه للوحه المراد رسمها أنا أخترت مقاس 20 *20 ونقصها بالمشرط( وبليز خلي زوجك ولا أخوك يقصها لك عاد مو ناقصه تتعورون وتحرشون علي تقولون يادلعها توتو اللي قالت لنا قصو بالمشرط ) هههههههههههههه
الخطوة الثانيه
ترسمي التصميم اللي بيعجبك سواء من خيالك أو ملطوش وأنا هنا أخترت يكون التصميم شي بسيط وبعيد عن التعقيد لأنه اللوحه مقاسها صغير وماتتحمل خربشه كثير هنا الرسومات اللي رسمتها طبعا بقلم الرصاص
بالنسبه للخلفيه بما انه المساحه صغيره أديتها وجه اول باللون اللؤلؤي مع نتفة أزرق موالعلبه كلها بس نتفه حتى تكون النتيجه مثل هيك
وبعدين ابدأ أعتق أطراف اللوحه وزواياها أخترت اللون الأزرق الغامق والأسود والأبيض بضربات خفيفه راح تديك تدرج روعه زي منتو شايفين وبعدين نبدأ نلون الوردات وبيكون شكلها النهائي كذا
بالنسبه للالوان اللي استخدمتها هي ألوان الفابيرك أو ألوان القماش (فابير كاستل) أشهر منار على علم وهنا صورتها
الحلو فيها انها تنشف بسرعه وممكن تحركيها بالمويه أقصد تخففيها مره حلو الشغل فيها راح يعجبك
واللوحه الثانيه بنفس الخطوات اللي ذكرتها لكم بس بألوان مختلفه
وهذي كمان حبيت اوريها لكم بس تختلف التقنيه والادوات أبقى أنزلها بموضوع تاني
وهنا من قريب
أتمنى يكون موضوعي خفيف عليكم وحابه أقول انه الرسم ممتع جدا ونصيحه يوم تقرري تعملي لوحه او أي عمل يدوي لا تخافي وتحلي بالشجاعه وقولي انا أقدر أنا فنانه وراح يطلع مني عمل حلوو وجميل وراح يتبهرك انتيجه قبل ماتبهر اللي حواليك