أنت آخر من يعلم(موقفك)

السلام عليكم-
اهلين صبايا وبنات عالم حواء-
هذا موضوع قريته في منتدى ثاني وان شاء الله مايكون مكرر-
الموضوع لو ان اخوك او اختك انخطبوا وتمت الموافقه وصارت الشوفه ماعاد الا الملكة وقالوا لك بكرة الملكة وصرتي اخر من يعلم000

او تكون اختك حامل او اخوك ينتظر مولود والناس تبارك لك وانت ماتدرين وش الموضوع :06: وتصيرين اخر من يعلم :mad:

طبعا الموقف صعب واكيد لمل يكون الخبر منتشر وانت اخر من يعلم او حتى لو ماانتشر وانت اخر وحدة في العائلة تدرين خاصة وان حياتنا ومجتمعنا كله اسرار (امحق سر)

ولما احد يقولك متى دريتي ان فلانه بتتزوج او حامل --يعني ان احنا دارين انك ماتدرين وش راح يكون ردك00

المشكلة ان العرس والحمل ماهو بسر يخبا خاصة وان انك قريبة --

بالنسبة لرأيي اعامل الناس مثل مايعاملوني اذا علموني وحطوا لي تقدير قدرتهم وعلمتهم والا فلا انا بعد هذا عندي سر مثل ماهم عندهم هالموضوع سر00

بعدين لا وحدة تجي داعسة وتفهم غلط وتقول ان ممكن الوحدة خايفة على نفسها يعني ماعاد بقى الا انا ماتعلميني واصلا انا احب لها الخير مثل نفسي لان هذي اختي او اخوي -وبعد تراني متزوجة وعندي عيال وخير يعني ماني حاسدة احد -

تران انا مااتكلم عن نفسي انا اتكلم عن المجتمع اللي عايشين فيه كله اسرار وكلها منتشرة بين الناس يعني الدعوة مب اسرار ولاشيء بس مزاج--

هاتوا موقفكم صبايا وهل أثر هالشيء على علاقتك مع اهلك--:D