موضوعك اكثر من رائع الله يسعدك ياررب على هالمجهود
حبيبتي انا ممتلئه من فوق والجزء السفلي من جسمي الارداف والافخاذ انحف من الجزء العلوي يعني البناطيل والتنانير الضيقه ابعد عنها يعني البس ضيق من فوق وواسع من تحت اتمنى تفيديني بخبرتك لانه مو اي شي يزبط علي
موضوعك اكثر من رائع الله يسعدك ياررب على هالمجهود
حبيبتي انا ممتلئه من فوق والجزء السفلي من جسمي...
1- برتقالي ( كركمي ) - بيج - أحمر على برتقالي ... تناسق الالوان روووعة وممكن تبدعي فيها مثلا تسوي توب برتقالي ( كركمي ) مع بنطلون او تنورة بيج وتسوين حزام للخصر باللون أحمر على برتقالي هالترتيب يناسب اللي سمينة من فوق وضعيفة من تحت أما اللي جسمها العكس فتعكس ترتيب الألوان
2- درجات الازرق .. بس لو تلاحظون أن كل درجات الأزرق غامقة فهالمجموعة تناسب السمينة اما الضعيفة تبعد عنها لأن الألونا الغامقة تبين أضعف مما هي عليه .
3- بنفسجي غامق - رصاصي - أبيض ... هالالوان روووعة ممكن تسوين فستان يكون من فوق بنفسجي غامق ومن تحت رصاصي وفي النص منطقة الخصر أبيض عشان يبرز هالمنطقة و أنتي شوفي ترتيب الألوان اللي يناسبك
4- تدرج البنفسجي .... ألوان رائعة ممكن تبدعي فيها لأن مو كلها غامقة ولا كلها فاتحة و أتوقع الحين عرفتوا شلون ترتبون الألوان بحسب شكل جسمكم ..
5- تدرج للبنفسجي لكن لاو تلاحظون أن البنفسجي صاير أغمق معناته هالمجموعة تناسب السمينات والبنفسجي الفاتح جدا جدا أو ممكن يكون أبيض يحطونه بمنطقة الخصر عشان يبرزها ويبينها
6- درجتين من الأخضر ورصاصي فاتح جدا جدا ... الالوان روووعة و ممكن تبدعي فيها لكن أنا أقول أناها تصلح للضعيفة فمثلا تسوي تنورة رصاصي فاتح جدا جدا و تسوي التوب أخضر فلاش وحزام نحيف يكون لونه أخضر فاتح يطلع وااااو
7- هالمجموعة تضم الالوان الرئيسية .. عني أنا ما احب اللبس يضم كل الالوان الاساسية عشان هالسبب ماراح أتكلم عن هالمجموعة أعذروني
8- أصفر - أصفر غامق أو مادري انتو شنو تسمونه - رصاصي فاتح .. الألوان حلوة وتناسب الكل تقدرين تبدعين فيها وتنوعين
9 و 10 - نفس الألوان لكن 9 الألوان فاتحة إذا تناسب الضعيفة اما المجموعة 10 الألوان غامقة فتناسب السمينة
11- بني فاتح - رصاصي على أزرق سماوي - برتقالي على أحمر .. المجموعة حلوة ممكن تسوين تنورة بنية وتوب رصاصي على أزرق وتحلين في التنورة من تحت كورشيه أو دانتيل بلون البرتقالي على أحمر
12- درجتين من البنفسجي و أحمر على برتقالي ... تقدرون تطبقون عليه مثل الكلام اللي قلته للمجموعة 11
وبكذا أكون خلصت معاكم من تناسق الألوان و قدمت لكم مجموعة من النماذج أتمنى تكون هالجزئية عجبتكم
تابعوني
تحياتي .. ترنيمة عناد