اللهم امين الله يجيب دعواتنا جميع ويفرج همي وهمومكم ياللي رديتوا ويشرح صدورنا والحمدلله في السراء والضراء  

لا حول ولا قوة إلا بالله العلي العظيم

بداية اكتئاب
تراجعي حبيبتي
غيري روتينك وافكارك
جاهدي نفسك ياعمري
ادري بتتعبي كثييير
لكن تعبك الان بهالمرحله اهون بكثير من تعبك اذا سيطر عليك الاكتئاب
واعرفي ان النفس تتعب والروح تتعب
مثل الجسد و والاعضاء
وكلها تحتاج منا لعلاج وتعب وصبر
علاجك بسيط ان شالله
اقرأي اذكارك صباح ومساء
وحاربي بعقلك كل فكره تؤلمك استغفري واشغلي تفكيرك واصرفيه عن الافكار السودا
غيري شي بيومك
مثلا سجلي بنادي رياضه
او تعلمي سباحه او ادرسي دوره في اي مجال تحبيه
ابكي .. كل ماحسيتي بالضغط والتوتر ابكي
فرغي اللي بقلبك لا تكبتي
اشربي ليمون نعناع .. ينسون .. بابونج
مشروبات تريح الاعصاب
غيري بشكلك قصي اصبغي تغير الشكل يغير النفسيه
مهما تعبتي لا تضعفي عشان سلامتك قاومي واستعيني بالله
واستعيذي بالله من الحزن والهم والالم والظلم 💔
اسأل الله العظيم الكريم ان يفرج همك ويفرح قلبك ياارب

مشكووووووووره اختي لولو اللهم امين ويفرح قلبك
 

سسسبحان الله .. نفس اللي اعاني منه

لي اكثر من 5 شهور كذا

...............

بقولك شي
الله قال :
(( أليس الله بكاف عبده ))

بقولك وش تسوين .. وانا اسوي مثلك الحين
.....

1 - الاعتقاد الجاااززززززم ان الله ب يرزقنا ما نتمنى ويشرح صدورنا
مو ( يمكن ) ..
تخيلي ربي اللي رافع السماء بدون عمد ، يعجزه هالشي ؟؟؟
( أنا عند ظن عبدي بي ، إن ظن خيرا فله ، وإن ظن شرا فله )
وربي ارحم بنا من الأم ب ولدها


2 - الرسوول يقول داووا مرضاكم بالصدقة
مو لازم مبلغ كبير ترى ..
لو ريال يوميا ، لو علبة تونه تحطينها لقطوه ..
لو كاسة مويه توزعينها بشبابيك البيت للعصافير تشرب منها ف هالحر
لو شوكولاته لخدامتكم .. لو بطاقة شحن لعامل او لخدامتكم
اماطة الاذى صدقة ، الابتسامة صدقة
كرتون موية لعمال في الشارع
باب الصدقه وااااااسسسع ، ابحثي وبتلاقين اشياء كثير

ولا تنسين الصدقة تجارة مع الله ، تخيلي ؟؟

والافضل خليها سر .. لا يدري ولا مخلوق
خلي لك صدقه بالسر ، مايعرف عنها الا انتي وربك
(( اجعل لك خبيئة من عمل صالح ))



3 // القرآن
كل يوم اقري لو نص وجه من القرآن .. قليل مستمر خير من كثير منقطع


4 // .. الاسسسسسستغفار
معظم اللي احنا فيه ابتلاءات ، او نتايج ذنوبنا
اشتري خاتم التسبيح من ابو ريالين
استغفري كثير ، الف ، الفين واكثر
بس بشرط .. استغفري بنية ان ربي يغفر لك ذنوبك ويرحمك برحمته ويرضا عنك
ربي اذا رضا عنك بيرضيك ، تأكدي من هالشي
واكتبي قصص الاستغفار وابحثي وتشوفين العجب ، بالمنتديات والانستقرام
مستحيل كل الناس تكذب صح ؟
بس المداومه مهممممه



5 // .. الصلاة على النبي
تخيلي شخص جا للرسول يسأله
(( يا رسول الله، إنى أكثر الصلاة عليك فكم أجعل لك من صلاتى ؟
قال : " ما شئت " قلت : الربع ؟ قال : ما شئت، وإن زدت فهو خير لك.
قلت : النصف ؟ قال : ما شئت، وإن زدت فهو خير لك.
قلت : الثلثين ؟ قال : ما شئت، وإن زدت فهو خير لك.
قلت : أجعل لك صلاتى كلها ؟ قال : إذا تكفى همك، ويغفر ذنبك. ))

يعني ربي يكفيك اللي مسبب لك هم .. تخيلي ؟؟


5 //.. قال تعالى :
( فمن عفا وأصلح فأجره على الله )
تخيلي معي لما ملك دوله يقولك سوي شي معين وأجرك علي
بما إنه ملك ، بتتخيلين شي كبير راح يقدمه لك كجزاء ، صح ؟
فما بالك لما ملك الملوك ورب العباد يوعدك ويقول أجرك علي
بس إنتي إعفِ من قلبك عن اللي أذوك واتركي مجال للصلح
تخيلي اكرم الاكرمين وش بيقدم لك كجزاء
وعد الله حـق


6 // .. ارقي نفسك ، والقرآن شفاء ب اذنه سبحانه
جيبي مويه وقربيها من فمك .. واقري الفاتحه و انفثي
بعدين قولي ( لا اله الا انت سبحانك اني كنت من الظالمين ) و انفثي
بعدين مره ثانية الفاتحة و انفثي ، ثم الدعاء وانفثي
وهكذا ، لين تكملين 40 مره
ورقم 40 مذكور في القرآن كثير
شوفي الشيخ المغامسي قد حكا عن هالنقطه
اشربي من المويه 3 مرات يوميا .. و اغتسلي منها
وفيه رقية الشيخ السدحان .. تلاقينها في اليوتيوب مدتها 10 او 11 دقيقه
تسمعيها يوميا بتحسين براحه
وفيه زيت للشيخ السدحان ومويه مقري فيها توزع (( مجانا ))
تلاقينها في محل الموسى في التعمير ( اذا انتي في الرياض )
او كلميهم ويرسلونها لك قولي مقدر اجي اخذها ، واعطيهم حق المشوار

هذا رقم اللي يشتغل بالمحل
0501288994


7 //.. وفيه مقطع للشيخ عبدالكريم المشيقح ، كان يحكي عن 4 طرق للشفاء والراحه
* البقاء على وضوء ،
* الصدقة اليومية ،
* مدح الله بمعنى عدم الشكوى وحمد الله ، وقول (لا اله الا الله وحده لا شريك له ، له الملك وله الحمد وهو على كل شيء قدير )
* الاكثار من ( سبحان الله ، الحمدلله ، الا اله الا الله ، الله اكبر )

مرررررره جميييل المقطع
اكتبي باليوتيوب
رسالة الشيخ عبدالكريم المشيقح لكل مريض ومبتلى

...............................

والله يفرحك ويفرحني معك ويشفينا يارب ، انا مثل حالتك بالضبط
بس ربي سبحانه لا يعجزه شي
لا تنسين دعاء الكرب ، ودعاء الهم
ردديها دايم
واقتنعي وآآآآمني اللي خلقنا ماراح يخلينا
احنا دايم ندعي ونسوي ، بس سبحان الله داخل نفسنا يكون فيه شك
هل الله بيستجيب ، هل الله بيشافيني ، يمكن ايه ويمكن لا الخ الخ

اقتنعي وتأكدي الف بالميه ان ربي بيرجع لك نفسك وسعادتك مثل ماكانت وافضضضل

لو ام قالوا لها شفاء ولدك ضناك معك ، وجلس يرجوها
تتوقعين ب ترده ؟

طيب تخيلي ربي اللي أرحم بنا من الام بولدها
تخيلي هالرحمه كيف ؟

كلامي كثير بس لاني حاسه بشعورك
ربي لا يعجزه شي


الله يفرج عني وعنك وعن جميع بنات المسلمين ويرزقنا ما نتمنى
يا رزاق ياذا القوة المتين ، يا ارحم الراحمين