أنت بدوي؟؟!!

هاذي قصيده منقووله لقيتها بأحد المنتديات و اعجبتني :) ::

قاالت ترى منت بحلو قلت رجـال

والزين ماهو من شروط الرجولـه


الزين يلقى عنـد لباسـة الشـال

والرجل زين ان كان زانت فعوله

قالت علامك تلبس شماغ وعقـاال

انت بدوي؟ قلت بدوي ومن حموله


ما ألبس بناطيل لها الوان واشكال

وامتر الشاارع بعرضـه وطولـه

قالت اجل راعي معاميـل ودلال

شرب القهاوي تحسبونـه بطولـه


كيفي يابنت الحضر دله وفنجـال

وحليب خلفـه بالمـراح معقولـه


وحب الكرم والجود وعلوم الابطال

مغروس فينا من زمـان الطفولـه


قالت ترى بنت البدو حظها مـال

قلت احذري حذرا تكوني جهولـه



بنت البدو يابنت مضرب للامثال

فووق الجمال وطاعة الله خجولـه


ماحطة اصباغ ولا حطت ظـلال

ولا سيرة بالسوق سيـر مهبولـه


هي مهرة تصعب على كل خيـال

وانتي ومثلك عسفهـن بالسهولـه


قالت تغزل بي وشف حبة الخـال

ناظر عيوني والرموش الكسولـه

و سلامتكم