أنت تحبين واحد بالحرام...أنت مجرمة وربي بيعاقبج وبتشوفين شلون ؟

كل يوم نسمع ونقرأ في هذا المنتدى وغيره

يارب يجمعني بفلان ..وإلا أحبه وأموت فيه ولا داري عني طبعا فلان عارفته بالحرام

وإلا حسبي الله عليها تتصل وتدز مسجات حق ريلي..:mad:وهلم جرا ..

ومين هذي اللي تتجرأ وتراسل متزوج أو حتى أعزب ..كله عشان تتزوجه وبعدين تكتب لنا بعد فترة تزوجته

وعشت سعيدة جم شهر وبعدها أعاني خيانته ..

يمكن مارتبت كلامي ..بس من جد يابنات شيء يضيق الخلق ويؤرق العين أن تنام

أعرف جم بنت وياي بالجامعة تكلم ريال متزوج أو حتى عزابي

وبعدين تقولي فجر وإلا غير فجر أدعي لي أتزوج ريال صالح يسعدني وأسعده وإلا يزوجني ربي بسرعة وإلا يحقق لي هاي الأمنية

شلون تبين ربي يوفقج وأنت خاينة ..خاينة لربج ولأهلج ولنفسج ..

وتبين ربي يسعدج ...طييييييييب فيه بنات صاحبات مغازل ومه جذي تزوجن بدري وأناا دينه وأخاف الله وسمعة أهلي من أحس ماتكون ومه جذي ماتزوجت

نقولج ربي رايد خير ولكل ساقطة لاقط ..والعكس صحيح والخيرة فيما أختارها الله


أمس وحدة جايتني تبجي دم من القهر ..تقل ريلي كان راعي سوابق وتاب ومن تاب تاب الله عليه ..وصار له سنين

مستقيم ..البلى مو هني البلى في قاعدات فوق راسه حسبي الله عليهم

تصدقون أن بنات...قاعدين يدورون رقمه وبيته كل ماتغير ويدزون له مسجات ووسائط فاحشة والله ماصدقتها لحد ماتشفتها بعيوني

يبون يردونه رغم أن له عشر سنين مستقيم وأهو يخبرها عن هذا الشيء ويشكي منهم

والله يابنات أني سويت حملة بالجامعة ورفعت يدي علىكل وحدة مبهذلة خلق الله المتزوج منهم والأعزب

لا أحد يقولي أهو اللي بدأ وإلا يدق علي وين رقابة الله ..؟؟؟!!

خليتيه أهوووووون الناظرين لج ..!!

حسبي الله ونعم الوكيل

أنا ماأقول غير الله لا يوفقها وايرحمها يوم تشوف النار جدامها ويعل حياتها جحيم في جحيم من تطارد الريايل

لو هم موافقين( أقد الريال نفسه)

لأن الرسول صلى الله عليه وسلم يقول : ماتركت بعدي فتنة أشد من النساء على الرجال )

وانت تقدرين تصبرين وعاقبة الصبر زينة لو طوووولت

لكن أهو إذا ماتشاف منج رد وكلششششش بلاك ولا تعطينه ويه والله ماكلمج ولا يرد لج

وفكونا من كلام المسلسلات أحبه ويحبني ..ماكو شيء اسمه حب بهذي الطريقة الحب طريقة معروف

يطق باب أهلج ويتزوجك واللي مو قادر يتوكل على الله تصج بابها وتدعي ربها بالعوض

ومن تسول لها نفسها والله أن ربي لها بالمرصاد بيجيء يوم تشوف ريلها يخونها وإلا أبوها وغلا ولدها وإلا أحد أخوانها

عقبها ماينفع الندم ..وإياكم والتسويف وإلا أنا مراهقة وفترة وتعدي ..!!

والله ماتعدي غير أيامكم المحسوبة وبتشوفينها عند ربج قدامج عيانا بيانا وياويلج على كل كلمة نطقها لسانج

أو كتبتها يدج بقلم وإلا كيبورد ..وإلا لمسه وهمسة وصورة ياويلج والله ماينفعج الندم

غير الدعوات اللي بتييج من أم جبدها محترة حق ولدها ..وإلا زوجه مظلومة من وحدة رعناء وزوج مبتلى بها

وإلا أخت مقهورة حق أخوها وإلا أبوها اللي بيخترب بيتهم من سبتها والله لايغادر صغيرة ولا كبيرة إلا أحصها

نصيحة اللي تبي التوفيق من الله والعودة لربها وللسعادة الحقة تجتنب ماحرم الله وربي بيعوضك خير صدقيني

وبتذكرين كلامي وقولوا فجر ماقالت ..

بأي طريقة كانت بالمسن أو بالموبايل أو بالتشات أو بالنت عامة أو بأي طريقة كانت ..
تبين ريلج يرد لج أتقي الله في نفسج

تبين تتزوجين ومليتي من العنوسة وإلا الناس كلتج بالشماتة لأنج مطلقة مالج غير تصلحين مابينج

وبين ربج ..تبين التوفيق لأهلج والعصمة لنفسج ولأخواتج أتقي مابينج ومابين ربج ..تبين ربي يرزقج بالذرية الصالحة

هم مالج إلا التوبة والاستغفار ...والعودة لربج قبل تغرغر نفسج ولا ينفعج شيء..بعدها

طبعا أنا هني ماأعمم لكن كل وحدة تعرف نفسها ..وحسبي الله ونعم الوكيل

وعذرا على التطويل ودي بمعلقه من حر ماتشفت وسمعت بس الله أقوى فوق كل ظالمة ومجرمة