السلام عليكم ورحمة الله وبركاته........
صباح / مساء الخير.....
يابنوتات حواء عندي مشكلة غريبة شوي في تنسيق الأزياء ...أعرف أنصح غيري وأطلع لها موديلات ...و...و...
لكن لما أروح بنفسي أشتري من السوق ماعرف أشتري شيء يناسبني وأنسق مضبوط...؟؟؟!!!
مادري وش المشكلة ؟؟؟
مرات أقول يمكن لإن المحروس اللي يوديني مايحب السوق ووين لوين يوديني ويستعجلني ..ومرات يتعب من المشي ...و...
ومرات أحط السبب كرشة صغيرونة حالفة ماتروح فمايضبط علي اللبس ...!!!!!!
ومرات أقول لا ...البلا فيني ...بس ماعرف صدق وش السبب ؟؟؟؟
يابنوتات أشوف ستايل المراهقات ويعجبني وأحب أنسق عليه وأنصح ...و... لكن ينتهي فيني المطاف أختار لبس قالوا لي مرة إنه يشبه ستايل الحريم بسن ( 45-50 ) :icon33:... ومرات التنسيق بايخ كأنه وحده ماتعرف للفاشن ..ومرات الألوان ماتليق ...
تلاقوني دايما ألبس ألوان غوامق وحيادية أو معروفة من زمان بتناسقها ( زي الأحمر والأسود...البنب والبيج..الأبيض أو الأسود مع الجينز ..) كل هذا حتى مايصير لبسي نشاز ..ومع هذا ماني راضية عن طلتي ...أحس مكبرتني كثير لإني بالثلاثين لكن لبسي أكبر من عمري بأكثر من 10 سنوات :44:
جربت أني آخذ اللي في المحلات تنسيقها جاهز يعني المحل نفسه منسق قطع مع بعضها ..وضبطت معي مرة أما المرات الثانية يطلع بشع !!!! مع إنه تنسيق المحل نفسه بس لما ألبسه يطلع غير عن اللي في المحل مع الأضواء ...! فأكتشف إنه مايناسبني وأرميه في الدولاب مع أخوانه اللي نفس حالته
يمكن تستغربون كلامي لما تشوفون لي موضوع في قسم الأزياء هنا ..وأنصح فيه وأعلق على صور مختارتهم و..و...و.. لكن ماتسعفني هالمعرفة هذي في السوق ؟؟؟ مادري وش القصة ...
صرت والله ماحب أفتح دولابي وأنسقه .....كله من الإحباط اللي فيني من هالمشكلة ...
فياترى لها عندكم حل ؟؟ وهل فيه مثلي ؟؟ وش جربتوا حلول لها ؟؟
ويامشرفات أرجوكم لاتنقلون الموضوع لإنه يهم كثير من الحوائيات وهو متعلق بأساس الفاشن والأزياء ...
وهذي صور للستايل اللي يعجبني( طبعا ما ألبس البنطلون أو العاري أو القصير ولله الحمد )لكن هالصور لتقريب الصورة لذهنكم عن الستايلات اللي تعجبني فقط ...وأحاول أقتبس منها بس ماني عارفة لما أروح السوق ما شتري اللي نفس ستايلها والله ماني فاهمة جد ليه كذا أتصرف ؟؟؟؟؟؟
الصور :
تلاقون عندي أحزمة كثيييير ومختلفة اللي عريض واللي نحيف ..وعندي إيشاربات بعد مختلفة لكن ما أعرف أنسقهم وألبسهم تعبت والله ....:09:
ياليت ألقى ردود منكم خواتي تدلوني على الحل ...وشكرا مقدما .......