السلام عليكم اخواتي كلكم
اولا اني مقصرة وياكم مايخالف والله مرات اتابع ردوكم ومناقشاتكم الحلوة واتونس بيها
ولكن مرات ماعندي وقت او مشغولة مايخالف المهم انتوا حبيباتي بالقلب
الى كل وحدة على وشك ولادة ( اخاف انسى اسم فماكو تحديد)الله يقومها بالسلامة وتجيب طفل صالح الخلقة والصحة
والى كل من جانت غايببة ورجعت حمدلله على سلامتها ونورت لمتنا العراقية
والى كل وحدة دتبدع بالنكات والمعلومات الجميلة جدا الف ماشاءالله عليها الله يفرح قلبها مثل ما تفرحنا بهذه النكات
والى حبيبتي اغلى وطن انت دايما على الراس تسألين وتدورين على هذا وهذا وتابعين الجماعة الله يحميج ويسهل امرج
والى كل البنات اخاف انسى وحدة الجديدات هلا وألف هلا بيهن ونورتوا لمتنا العراقية هذه والقديمات حياكم الله
وهسة بعد هذه المقدمة الطويلة احط الكم بعض الصور عن ربيع وخضار الموصل اللي جان كل العراق يجون عليه هسة وين ماكو حتى اهل البلد ما كو احد هلقد يطلع للسفرات الا القليل واحنا مو منهم لاطلعة ولاروحة ولاسفرة نخاف من التفجيرات واكو غيرنا يكول مجبورين اولادهم ضاجوا الله يساعدنا وبساعدهم..وراح اسويها الصور على مراحل

نتاااااااااااااابع

وهذا جامع النبي يونس

ها اشون تونستو بيها للصور لو لا

ام شهد
الله يسلمج ويخليج ويحفظلج حمودي ويفرحج بيه...آمين يارب
الله عليك ياعراق...... عاشت أيدج على الصور (صور دير متي والنبي يونس عليه السلام) ذكرتينه بأيام الخير ... الله يجبر بخاطرج

ام شهد تسلمين عالصور ذكرتيني بايا م السفرات الموصل لمن كنه نسافر كم عائله وننزل بفندق نينوى اوبروي شكد احبه هذا الفندق لان كلش كنه نتونس رغم ما انه اني هسه بالبرازيل بنص الخضار لكن كانت كل سفره للموصل تسوى البرازيل والي اسسوها
ننو حبيبيي ليش مربط الموضوع حرامات كلش حلو
ننو اني ممتاكده مجر د اعراض حمل والله اني مو علمود شي بس انتي تعرفين ولدي بعدهم زغار وتعرفين حمودي وحده يرادله 4 امهات اني اريد طفل ثالث بس مو وقته هسه لكن انشالله يطلع ماكو شي

روان شلون دخلتي الرابط سويتي اشتراك لان اني اصلا مسويه بيه اشتراك علمود ادخل اشوف التصوير مال ولاده وبس
حرامات ننو يفوتج كلش حلو