بنات ..
ترى هي جانت فازه شويه من الكاميره .:hahaha: .. شوفوها سريع لانه كم يوم واشيلها ...

ام امين ..
هي يمكن الصور ده تخدع .. بس هي الحمدلله صحتها زينه .. بس ده تعبني بالرضاعه لانه تطلب الرضاعه بس بالليل :eek: ..وبالنهار رضاعتها كلش قليله ..
هي كان وزنها بولادتها 2200 ... وهسه وزنها 5200 .. يعني الحمدلله والشكر .. بس ما شاء الله الاطفال الي بعمرها وزنهم بين 6500 و7500 .. بي هي الحمدلله مو اقل من الطبيعي ..الف شكر لسؤالج ...

العراقيه ..
اني صارلي 9 اشهر طالعه من بغداد ..:( ودا احس نفسي صارلي 9 سنوات ...:09: وهسه اتمنى ارجع لبغداد على كل الي بيها ..هم بس اريد ارجع واكعد بنص اهلي واشرب وياهم جاي العصريه .. الله

أم قدوري
ماشاء الله ,الله يحفظهه

سلام عليكم خواتي الغاليات
ام عبد القادر الله ايخليج حبيبتي ويحفظلج رونة ويجعلها ياربي من حفظت القران والنساء الصالحات ماشاء الله تبارك الرحمن كلش حلوة الله ايخليها ولاتخافين على الوزن ولاتقلقين ترى طبيعي والله ابني مصطفى جان صعيف وناعم اول ماولتة وبعدين الحمد لله وضعيته اتحسنت ومن صار همره 3 سنوات وداوم بالداكيز رجع ضعف من الركض واللعب

بنات الله ايخليكم دعواتكم الى ابناء الشعب العراقي ان الله يفرج همهم ويهدي النفوس ويرفع ه>ة الغمة من هل الامة والله يابنات الحال ابدا ابدا ما يبشر بخير حسبنا الله ونعم الوكيل على المايخاف الله على هل مجرمين الي ديدخلون من خارج العراق ويقتلون بابناء العراق ويحتلون ممتلكات اهل العراق الله عليهم ان شاء الله ياربي ارنا عجائب قدرتك فيهم يارحم الراحمين

اللهم رد كيدهم في نحرهم وأنصر شعبنا على الكفرة والفاسقين وكل من أراد سوءاً بأرضنا وشعبنا....اللهم أحق الحق وأرفع راية السلام والأمان في العراق عاجلاً غير أجل.....اللهم وحد صفوف المسلمين ورد كيد زارعي الفتن بين المؤمنين وأعز راية الاسلام بنصر قريب.....اللهم أرحم أهلنا وبلدنا وأرزقهم بفرج قريب آمين يارب العالمين .