هههههههههههههههههههه البغدادية
بجيتيني بالابيات وضحكتيني بالنكات (وحدة كَالت لامها دا اتصل بزوجي ومدا يرد اخاف يطلع متزوج , ردت الام :ماما تفائلي بالخير يجوز صار انفجار ومات )

+السلام عليكم --اجاكم سلام من ام قدوري --قبل شويه حجيت وياهه وتسلم عليكم كلكم --
اني عرسي صار بالاردن --وببيت خالتي --بيت خالتي ساكنين بجبل الحسين---- زوجي خطبني من ابويه من العراق --
وما حسيت الا ابويه اجاني للاردن واني ببيت خالتي --بعد يوم وصل زوجي --وهدا الحجي واني ما ادري شنو السالفة --وخالتي تباوعلي وتضحك --بعد ما وصل العريس بالليل اجة ابوي وسالني موافقة لو لا--
وخالتي تمدح بيه المهم وافقت --ثاني يوم رحنه اشترينه الدهب والاغراض --وبالليل سوينه حفلة بسيطة --ووزعوا عالمعازيم فد هدايا جاهزة وصوا عليهه من محل مال اعراس --وعلئ اساس زوجي يرحع علئ كندا ويكمل المعاملة --وبعدين نتزوج --اشو اجة من الصبح لابوي وكله اريد اتزوج اليوم
ابوي كله هاي مرتك وانت بكيفك --فاجت خالتي قنعتني --وجان زوجي ماجر شقة مفروشة بالطابق الاخير من نفس العمارة --وصا رالعرس وصارت الزفة من الطابق الثاني للطابق الاخير --
وصار موقف ما انساه --زففوا العريس والعروس وراحوا المعازيم --اجيت كعدت عالجرباية--اجة الزوجي كعد يمي
وجان الجرباية توكع كلهه --فاني من الخرعة مدري ابجي مدري اضحك --اني راسا كمت وهو بقة كاعد بنص الجربايه من الصدمه--

ههههههههههههههههههههههههههههههههههههههههههههههههههههههه
بنت البصره فضييييييييييييعه موقفج عالجربايه

اغلا وطن طبعا اني و دااطبخ كلسع اتخيل الموقف مال راس العروسه صار ليورهه واظحك

هاي شنو والله ضحكت ضحك
شنو هاالمواقف البغدادية واغلى وطن و ام فودي وام زيودي :26:
اني طبعا تعرفون ما متزوجة بس صارت لي مواقف بيوم المهر و ان شاء الله من اتزوج :icon28: اسولفلكم الله يستر
همين احنة انخبصنة لان من اجة خطيبي العام ابوية جان مسافر فبأي لحظة يجي لازم نسوي مهر لان ما يكدر يبقى حتى يرجع بسرعة ...جنانت عندي بدلة يم الخياطة و بدلة اشترالياها خطيبي بس جان بيها عرض شوية هم وديتها النفس الخياطة دا تكصفها ..المهم اجة ابوية والعصر وكال باجر المهر و احنة رحنا على الخياطة كالت ما خلصانة البدلة :( والثانية ادزها باجر الظهر

واني اتخبلت هم طلعنا بليل دا نجيب بدلة من المنصور.. المهم من رجعت من الصالون البدلة واصلة بس شنو مثل ما هي عريضة:22: ما لبستها اول شي لبست الي جبتها قبل بيوم طلعت كلش حلوة بس خطيبي جلب بيه الا البس الي جابها و لبستها :hahaha: ما نزلت ايدي الدلعة جبيرة و مبين اني بالتصوير كل شوية اصعدها
بس ذكرتوني بفقرة الكيك الكيكة رحنا اختاريناها و جان شكلها حلو بالالبوم بس وصلت مايعة:09:
جانت 3 طوابق (الحمد لله)ام فودي
و من دا يوكلني حاطلي لكمة صغيرة و منمنمة و اني هم سويت نفس الشي دا اكص القطعة اصغرها جان خالتي تكول هاي شنووووووووو كبريها و اني ما قصرت كبرتها كلش و حاطيتها بحلكة و وكعت نصها على القاط مالتة و ادمر :biggrin: لحد هسة يكولي شسويتي بيه اني كل ما اشوف هاي اللقطة اضحك ضحك
شي ما عجبني همين ابو الdj حاط اغانية مال هيثم تعرفون اغاني هيثم دك ولطم
و اكثر شي ضجت منة امي حاطة حمرة بيجي يعني عبالك صايمة لحد هسة اكولها بيوم عرسي تتمكيجين قبلي بالصالون
و من اذن المغرب ابوية كلهم يلة طفوا الاغاني و من خلص الاذان كال خلص كملت الحفلة و هي جانت هستوها بادية:09:
بس احلى شي خطيبي من بدل وكمل نزل ركض من الدرج بس يريد يشوفني جان اجة كعد يمي مبدل و كاشخ بس تكرمون بالنعال من العجلة نسة الحذاء :hahaha:
البغدادية ترة النكت تخبللللللللللللل

ههههههههههههههههههههههه
ام حيدوري تخبل اللقطة مال الجرباية هههههههههه دا أتخيل منظركم ,همزين طلعتوا سلامات

والله يسلمهه لرشاااااااوي وان شاء الله ترجع بالسلامة
جمانة بغداد
ان شاء الله يارب تتزوجين وتفرحين(اني امي اصلاً لاراحت للصالون ولاحطت مكياج) العائلة كلهه نصبت مناحة (مو أني الوبنية الوحيدة عدهم:( )