ام جوانة :
واليوم في خبر يقولون الدنماركين محذرة المواطنين من المسلمين من ردة الفعل وقبل فترة الدنماركين وجهُ تهديد الى احد الجوامع باحراق المسجد اذا لم يقفل وقتل من يقوم بحراسة المسجدواليوم في خبر يقولون الدنماركين محذرة المواطنين من المسلمين من ردة الفعل وقبل فترة الدنماركين...
banuk :
عيد ميلاد سعيد نادية وكل عام وانت بالف خير وان شاء الله تحقيق الاماني ياربعيد ميلاد سعيد نادية وكل عام وانت بالف خير وان شاء الله تحقيق الاماني يارب
ام جوانة :
واليوم في خبر يقولون الدنماركين محذرة المواطنين من المسلمين من ردة الفعل وقبل فترة الدنماركين وجهُ تهديد الى احد الجوامع باحراق المسجد اذا لم يقفل وقتل من يقوم بحراسة المسجدواليوم في خبر يقولون الدنماركين محذرة المواطنين من المسلمين من ردة الفعل وقبل فترة الدنماركين...
بعد ما سألت عمتي على عمل الكبة راح اكتب الكم الطريقة
كبة الجريش
3كوب جريش +كوب برغل ناعم ينخلطون سوية وية شوية ملح بماء كميته على قدر تماسك الخليط تحسيه صاير عجين وتبقيه لمدة اقل شي ساعتين وبهذه المدة تحمسون لحم مثروم وبصل وكشمش اللي تحبون وممكن لوز وياه ولكن لازم ينحمسون بالدهن او الزبد مو زيت مايصير ولما تبرد الحشوة عاد وانتو وشطارتكم شوفوا جم كبة تطلع الكم بس لازم الحشوة باردة احنا بالصيف نخليها بالثلاجة وطبعا وية ماي السلق تحطين ملح وحسب المذاق
كبة البرغل
كوب جريش + كوب برغل+نص كوب لحم مثروم ناعم بدون لية (هبر) نفس الطريقة تخلطون المقادير بس تبقى بعد العجن فد نص ساعة مو اكثر ونفس الشي بالنسبة للحشوة ونفس الملاحظات..وعاد لما تحبون تسووها كبة كبيرة تمدوها العجينة بالشوبك بين قطعتين نايلون وبكيفكم تحبون رقيقة طبقة العجينة او ثخينة وتحطون الحشوة وانتو مسوين طبقة لخ من العجينة وتطبقون وحدة على اللخ وتساوون وتلصقون الأطراف واكيد تعرفوها بالماي شوية منقعين اصابعكم واااااااااااالف عافية على قلوبكم
:27: :27: :27: :27:
خواتي لكل وحدة واستني ودعتلي وقرت موضوعها اشكرها جدا وماانسى كلماتها وان شاءالله تكونون من اللي دعيت ساعة موتها وهي بحضني بالمستشفى ان يغفر ويؤجر لكل واحد ساعدني على مداراتها وشافها وسمع عنها ووو وراح انزل الكم صورتها بالمرة القادمة والف الحمدلله على ما اعطاني ربي وادري هذا ابتلاء واحمده الف مرة ان اعطاني ذاك الثبات ساعة موتها كدامي والأطباء دايحاولون يسعفوها واني والله ما انسى ابد وهي عمياء وحالتها غيبوبة تامة لكن لما ملك الموت دينزع روحها اشون اندارت لجهتي عبالك دتودعني وتشكرني على تعبي وياها هاي اللحظة حمدت ربي كم مرة لأن استجاب لدعوتي من زمان ان ابقى وياها لأخر لحظة بحياتها والحمدلله
اعتقد كافي دراما والكل الله مبتليه وعنده اللي يكفيه لكن ماادري ليش انفتحت قريحتي واني دا اكتب ويمكن لأن اتذكر مثل اليوم لما كنا بالمستشفى واشون جنت مثل التيهة ماادري اشون راح تصير وضعيتها وقلبي كان مقبوض راح اكتفي لأن دموعي :icon33: دتنزل واني هم دوختكم وياي اشكركم قريتو الرد هذا والله ينطيكم على قدر نيتكم ويثبتنا على ايماننا والحمدلله ديعوضني ربي باخزات عزيزات علي الله يبارك بيكم