عيوشه :

السلام عليكم ورحمة الله وبركاته شلونكم يا بنات ومبروك افتتاح الجزء الثالث , عاشت ايدج ناديه اللي لامه الكل والله يا بنات اني تقريبا كل يوم ادخل اشوف شنو اخباركم بس ما عندي خلق اكتب شي لان روحي طالعه والشكوى لله وبس فالحه ادخل على العام وهناك ابعبع المهم سلامي للكل الجديدات والقديمات والحمد لله على سلامة الكل , اللي سافرت ورجعت واللي كانت مريضه وسلامة عبودي ابن شيماء وان شاء الله شده وتعدي والله يساعدج يا شيماء على هذا التعب بس مثل ما يقول المثل العراقي ما تصير لشه الا تبلى لشه . اسم الله عليج بس هذا هو المثل وصدق الجهال على حلاوتهم بس متعبين ووالله لو عندي خلق كان كتبتلكم معاناتي وقصة وامومتي اللي لو انشرها بكتاب كان النسوان بطلوا يخلفون . بس الحمد لله على كل حال لو تعرفون شنو اللي استفزني وخلاني اكتب ؟؟؟؟؟؟؟؟ صور العطور اللي حطتها ناديه لان اني اموت على العطور واحب كل الروائح الطيبه بالصابون والمنظفات وحتى صابون غسل الصحون لازم يكون ريحته طيبه اما معطرات الجو فحدث ولا حرج وزوجي يقول راح تتخبلين من ورا العطور لان كلشي اشتريه لازم اشتم ريحته بس تره حرام نتعطر ونطلع او نتعطر ويشمنا رجال غريب يا بنات ديروا بالكم , يعني بالبيت وبكعدات البنات وبس ناديه العطر مدام دو روشاس اني اموت عليه وامي ايضا تستعمله بس اني لحد الان ما اشتريته بس كان عندي هاي صورته وهسه اني اشتريت هذا العطر وكلش حابته وهو من لانكوم وهذا هم عندي واحبه boss وهسه مخيله على عطر شميته عند صديقتي واريد اشتريه من كالفن كلين هسه اكيد البنات يقولون هي بيا حال وكاعده تفكر بالعطور بس والله من قلة الحيله واريد اطلع شويه من جو القلق والقهر اللي اني به شكرا لكل البنات اللي دعوا لاوالدي واخواني والله لا يشوفكم اي مكروه ولا اهلكم والسلام عليكم

السلام عليكم ورحمة الله وبركاته شلونكم يا بنات ومبروك افتتاح الجزء الثالث , عاشت ايدج ناديه اللي...

لمى الكبيسي :

بنات اريد اتعرف عليكم اكثر احس لحد الان متعرفت عليكم زينوهوايه بنات لحد الان ماعرف هويتهم الشخصيه وادور ومدا الكي صفحت الهويات الشخصيه الاخت ام فودي خوش مكياج بس الاحسن الخلك الي عندج شلون الجهال خلوج تنزلين كل هاي لصور والف عافيه عليج

بنات اريد اتعرف عليكم اكثر احس لحد الان متعرفت عليكم زينوهوايه بنات لحد الان ماعرف هويتهم...