السلام عليكم ورحمه الله وبركاته
راح احجيلكم يا بنات عن سفرتي وعن بغداد الحبيبه .. راح احاول اكتبلكم الشيء الي شفته بسفرتي
اني طبعا كنت العام بشهر السابع بغداد .. يعني ما صارلي هوايه من مفارقتها .. بي والله كانه عشر سنوات مشايفتها .. وأجيت صارلي 3 ايام .. واتمنى هسه ارجع الها .. بكل حرها وكهرباء الشبه موجود وبكل سياراتها المفخخه .. وبكل القتل والاختطاف الي بيها ... فهي احلى واحسن من اي دوله بالعالم..وفراقها صعب .. ومؤلم
بنات تعبانه هوايه ... ناسها تعبانين وشوارعها حزينه .. ومؤلمه .. الاوساخ والازبال بكل مكان .. أثار الدمار للبنايات والسيارات ..
والحديث عن القتل والاختطاف صار مثل كلمه السلام عليكم ..
منطقتنا ( اليرموك ) بيها القتل والاختطاف بكميه مخيفه .. بنفس اليوم وصولي لبغداد كانت بنت صف ثاني متوسط مخطوفه من بين ايد ابوها .من راس شارعنه .. وجدها راسا مات من سمع خبر الاختطاف .
وهسه القوانين الجديده .. ممنوع النسوان يسوقون سياره
ممنوع لبس البنطرون .. الحجاب مفروض على الكل ..( حتىالمسيحيات ) والا الخطف او الكتل ( الكتل وليس القتل ) .
الوضع مؤلم ومخيف .. وبغداد الحبيبه بيد الانجاس
والطائفيه .. الله يلعن الطائفيه .. والفتنه ..
والله يا بنات كل بيوت بغداد شيعتها وسنتها ما عدهم طائفيه او عنصريه .. بس الي ده يسوي هذا الشيء كل من خارج العراق .. الله يلعنهم .. ده يشوهون اسلامنا بهذه افعالهم ..
مستحيل تدخلين بيت بغداد ما تلقين بيه سنه وشيعه (والي ما عنده قريبه شيعي .. تلقين اعز اصدقاء شيعي ) .. والعكس صحيح بالنسبه للسنه ..
الله يهدي النفوس
طبعا سفرتي كلها كانت عن طريق الطيران
من السويد الى عمان .. ومن عمان الى بغداد .. ما تجرأت ادخل عن طريق البر وخاصه اني ويايه روانه وبس ..
حبيت ابشركم .. البنات القديمات يعرفون .. فهذه المعلومه للبنات الجديدات .. اني جنت اتمنى الله يرزقني بولد واسميه عبدالقادر على اسمه اخويه الغالي الي توفى العام ( الله يرحمه ويغفرله )
بس سبحان الله الله رزقاني بروانه .. وهسه من رحت لبغداد .. اخويه واختي الله رزقهم بولد .. وصارو عدنه اثنين عبدالقادر .. الله يحفظهم
انتظروني بمعلومات اكثر عن بغداد ...
السلام عليكم ورحمه الله وبركاته
راح احجيلكم يا بنات عن سفرتي وعن بغداد الحبيبه .. راح احاول...
راح احجيلكم يا بنات عن سفرتي وعن بغداد الحبيبه .. راح احاول اكتبلكم الشيء الي شفته بسفرتي
اني طبعا كنت العام بشهر السابع بغداد .. يعني ما صارلي هوايه من مفارقتها .. بي والله كانه عشر سنوات مشايفتها .. وأجيت صارلي 3 ايام .. واتمنى هسه ارجع الها .. بكل حرها وكهرباء الشبه موجود وبكل سياراتها المفخخه .. وبكل القتل والاختطاف الي بيها ... فهي احلى واحسن من اي دوله بالعالم..وفراقها صعب .. ومؤلم
بنات تعبانه هوايه ... ناسها تعبانين وشوارعها حزينه .. ومؤلمه .. الاوساخ والازبال بكل مكان .. أثار الدمار للبنايات والسيارات ..
والحديث عن القتل والاختطاف صار مثل كلمه السلام عليكم ..
منطقتنا ( اليرموك ) بيها القتل والاختطاف بكميه مخيفه .. بنفس اليوم وصولي لبغداد كانت بنت صف ثاني متوسط مخطوفه من بين ايد ابوها .من راس شارعنه .. وجدها راسا مات من سمع خبر الاختطاف .
وهسه القوانين الجديده .. ممنوع النسوان يسوقون سياره
ممنوع لبس البنطرون .. الحجاب مفروض على الكل ..( حتىالمسيحيات ) والا الخطف او الكتل ( الكتل وليس القتل ) .
الوضع مؤلم ومخيف .. وبغداد الحبيبه بيد الانجاس
والطائفيه .. الله يلعن الطائفيه .. والفتنه ..
والله يا بنات كل بيوت بغداد شيعتها وسنتها ما عدهم طائفيه او عنصريه .. بس الي ده يسوي هذا الشيء كل من خارج العراق .. الله يلعنهم .. ده يشوهون اسلامنا بهذه افعالهم ..
مستحيل تدخلين بيت بغداد ما تلقين بيه سنه وشيعه (والي ما عنده قريبه شيعي .. تلقين اعز اصدقاء شيعي ) .. والعكس صحيح بالنسبه للسنه ..
الله يهدي النفوس
طبعا سفرتي كلها كانت عن طريق الطيران
من السويد الى عمان .. ومن عمان الى بغداد .. ما تجرأت ادخل عن طريق البر وخاصه اني ويايه روانه وبس ..
حبيت ابشركم .. البنات القديمات يعرفون .. فهذه المعلومه للبنات الجديدات .. اني جنت اتمنى الله يرزقني بولد واسميه عبدالقادر على اسمه اخويه الغالي الي توفى العام ( الله يرحمه ويغفرله )
بس سبحان الله الله رزقاني بروانه .. وهسه من رحت لبغداد .. اخويه واختي الله رزقهم بولد .. وصارو عدنه اثنين عبدالقادر .. الله يحفظهم
انتظروني بمعلومات اكثر عن بغداد ...